ដឹងពី រោគសញ្ញា ការចម្លង និងវិធីការពារខ្លួន ពីជំងឺអ៊ុតស្វាថ្មី

រាជធានីភ្នំពេញ ៖ ផ្ទុះការភ្ញាក់ផ្អើលជាខ្លាំង កាលពីម្សិលមិញ ក្រោយក្រសួងសុខាភិបាល ប្រកាសរកឃើញ បុគ្គលវិជ្ជមានជំងឺអ៊ុតស្វា ជាជនជាតិហ្សេរីយ៉ា នៅម្តុំផ្សារដើមថ្កូវ ទន្ទឹមនឹងនោះ ក្រសួងសុខាភិបាលក៏បានប្រកាស ឲ្យបងប្អូនដែលបានប៉ះពាល់ផ្ទះជាមួយអ្នកជំងឺរូបនេះ ដាក់ខ្លួនដាច់ដោយឡែក និងស្វែងរកការពិនិត្យសុខភាព ឬជូនដំណឹងទៅកាន់ ១១៥។

មិនតែប៉ុណ្ណោះ ក្រសួងក៏បានបញ្ជាក់ពី រោគសញ្ញា ការចម្លង និងវិធីការងារខ្លួន ពីជំងឺអ៊ុតស្វា ដែលមានដូចតទៅ៖

១.រោគសញ្ញា ៖

• ក្តៅខ្លួន ឈឺក្បាលខ្លាំង ហើមកូនកណ្តុរ ឈឺសាច់ដុំ និងចេញកន្ទួលដែលមានពងបែក
• កន្ទួលដែលមានទំនោរប្រមូលផ្តុំនៅមុខ បាតដៃ និងបាតជើង
• មាត់ ប្រដាប់ភេទ និងភ្នេក អាចរងផលប៉ះពាល់ដែរ
• រោគសញ្ញា និងកន្ទួលលើស្បែក មានរយៈពេលជាច្រើនសប្តាហ៍។

២.ការចម្លង ៖

• តាមរយៈការប៉ះពាល់រាងកាយផ្ទាល់ ឬ ប៉ះពាល់ជិតស្និទជាមួយនឹងអ្នកដែលមាន រោគសញ្ញារួមទាំង ទំនាក់ទំនងផ្លូវភេទ
• សម្លៀកបំពាក់ ពូក កន្សែង ឬ សម្ភារៈដូចជា សម្ភារៈបរិភោគអាហារ ចានក្បាន ដែលអ្នកកើតជំងឺអុតស្វាបានប្រើប្រាស់ ឡូកឡំគ្នា
• ឆ្លងតាមរយៈទឹកមាត់អ្នកជំងឺ (អ្នកជំងឺមានដំបៅក្នុងមាត់)
• ឆ្លងពីអ្នកមានផ្ទៃពោះទៅកូនតាមរយៈទងសុក និងឆ្លងពីឪពុកម្តាយដែលមានវីរុទីកូនកំឡុងពេល ឬក្រោយពេលឆ្លងទន្លេ តាមរយៈការប៉ះនឹងស្បែក
• វីរុសនេះមាននៅលើសត្វកកេរព្រៃ ដែលវីរុសនេះមានជាប្រចាំ នៅអាព្រិចខាងលិចនិងអាព្រិចកណ្តាល ហើយបច្ចុប្បន្នបាននឹងកំពុងឆ្លងនៅទ្វីបអឺរ៉ុប អាមេរិក កាណាដា។

៣.វិធីការពារ ៖

• រក្សាអនាម័យខ្លួនប្រាណ លាងដៃជានិច្ចជាមួយសាប៊ូ ឬជែលលាងដៃ ឬអាល់កុល លាងដៃ និងរក្សាអនាម័យផ្លូវដង្ហើម

• ចៀសវាងការប៉ះពាល់ផ្ទាល់ជាមួយនឹងអ្នកជំងឺអ៊ុតស្វា

• អនុវត្តការរួមភេទប្រកបដោយសុវត្ថិភាព ដោយប្រើស្រោមអនាម័យ

• បរិភោគចំណីអាហារដែលឆ្អិនល្អ និងរក្សាអនាម័យចំណីអាហារ ទាំងការចម្អិនអាហារឲ្យបានល្អ

• ចៀសវាងការប៉ះពាល់ជាមួយសត្វ រស់ ឬស្លាប់៕

ប្រភព៖ ក្រសួងសុខាភិបាល