ស៊ីប៖ ប្រទេសស៊ីប បានរកឃើញមេរោគបំប្លែងខ្លួនថ្មីមួយទៀត មានឈ្មោះថា "Deltacron" ដែលមានប្រវត្តិហ្សែនស្រដៀងគ្នាទៅនឹងវីរុស Delta រួមជាមួយវីរុសបំប្លែងថ្មី Omicron។ក្នុងនោះ បើតាមប្រភពព័ត៍មាន មេរោគប្រភេទថ្មីនេះ បានប៉ះពាល់ដល់មនុស្ស ២៥នាក់រួចហើយនៅក្នុងប្រទេសស៊ីប (Cyprus)។បើយោងតាមលោកវេជ្ជបណ្ឌិត Leondios Kostrikis ប្រធានមន្ទីរពិសោធន៍ជីវបច្ចេកវិទ្យា និងមេរោគម៉ូលេគុលនៅសាកលវិទ្យាល័យ Cyprus ក្នុងចំណោមសំណាកចំនួន ២៥ ដែលយកនៅប្រទេស Cyprus មាន ១១ នាក់ត្រូវបានបញ្ជូនទៅមន្ទីរពេទ្យដោយសារតែមេរោគបំប្លែងថ្មីនេះ ខណៈ ១៤ នាក់មកពីប្រជាជនទូទៅ នេះបើយោងតាមសារព័ត៍មាន ​​Cyprus Mail បានរាយការណ៍។ទន្ទឹមនេះ លោកវេជ្ជបណ្ឌិត Kostrikis បាននិយាយថា ការពិតដែលថាភាពញឹកញាប់នៃការវិវត្តន៍នៃមេរោគ ក្នុងចំនោមអ្នកជំងឺដែលសម្រាកនៅមន្ទីរពេទ្យគឺមានលក្ខណៈខ្ពស់ អាចចង្អុលបង្ហាញពីការជាប់ទាក់ទងគ្នារវាងការវិវត្តន៍ថ្មីនៃមេរោគ និងការសម្រាករបស់អ្នកជំងឺនៅមន្ទីរពេទ្យ។ទោះជាយ៉ាងណាក៏ដោយ វីរុសបំប្លែងខ្លួនថ្មីនេះ មិនមែនជាអ្វីដែលត្រូវព្រួយបារម្ភនៅពេលនេះទេ។ នេះបើតាមការបញ្ជាក់របស់ រដ្ឋមន្ត្រីសុខាភិបាលស៊ីប លោក Michalis Hadjipandelas៕<figure style="text-align:center"><img src="https://cms.dmpcdn.com/article/2022/01/10/00337550-71e3-11ec-9cf4-ddcae48b6cc6_original.jpg" alt="ការធ្វើ់តេស្តរកកូវីដ ក្នុងប្រទេសស៊ីប" style="width:100%"/><figcaption>ការធ្វើ់តេស្តរកកូវីដ ក្នុងប្រទេសស៊ីប</figcaption></figure><figure style="text-align:center"><img src="https://cms.dmpcdn.com/article/2022/01/10/00a8f370-71e3-11ec-91d2-d9addc4f9ead_original.jpg" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://s9.kh1.co/26/26ac82d1332b9cc331cc397ee2b63dcdda930bbe.webp" alt="រូបភាព" style="width:100%"/><figcaption>រូបភាព</figcaption></figure>ប្រភព៖ <a target="_blank" href="https://economictimes.indiatimes.com/news/international/world-news/cyprus-detects-new-deltacron-covid-variant-says-report/articleshow/88793052.cms?fbclid=IwAR00X_atKCU8m-6Jm6bFURrIYcbrjB4zASKx3v5Yt_FDLBqK5ybeIup-OPI">India times</a>

ប្រទេសស៊ីប រកឃើញវីរុសបំប្លែងថ្មី ឈ្មោះ Deltacron