វៀតណាម៖&nbsp;រដ្ឋាភិបាល​វៀតណាម បានសម្រេច​អនុញ្ញាត​ឱ្យអ្នកជំនួញ​កូរ៉េខាងត្បូង​មួយចំនួន​ ចូលក្នុង​ប្រទេស​របស់​ខ្លួន ដោយ​មិនចាំបាច់​ឆ្លងកាត់​ការធ្វើ​ច​ត្តា​ឡី​ស័ក​១៤​ថ្ងៃនោះ​ទៀត​ទេ​។​<figure><img src="https://cms.dmpcdn.com/article/2020/12/07/c3cce6a0-3840-11eb-80e3-2fbf2839b261_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>បើ​យោងតាម​ការប្រកាស​រប​ស់​ក្រសួងការបរទេស​កូរ៉េខាងត្បូង​បានឱ្យដឹងថា ការសម្រេច​នេះ​បាន​ធ្វើឡើង​ក្រោម​កិច្ច​ព្រមព្រៀង​រវាង​រដ្ឋា​ភិ​បាល​នៃ​ប្រទេស​ទាំងពីរ។ អ្នកដំណើរ​ដែលជា​អ្នកជំនួញ​រយៈពេល​ខ្លី​នឹងមិន​ចាំបាច់​ធ្វើ​ច​ត្តា​ឡី​ស័ក​ឡើយ​ ហើយកិច្ចព្រងព្រៀងនេះនឹង​ចូល​ជា​ធរមាន​ចាប់ពី​ថ្ងៃទី​១ ខែមករា​នេះ​ទៅ​។<figure><img src="https://cms.dmpcdn.com/article/2020/12/07/c2ea27c0-3840-11eb-80e3-2fbf2839b261_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>យ៉ាងណាមិញ ប្រទេស​កូរ៉េខាងត្បូង​ក៏បាន​សាកល្បង​រួចហើយ​នូវ​ផែនការ​ដូចគ្នានេះ​សម្រាប់​អ្នកជំនួញ​មកពី​គ្រប់​បណ្តា​ប្រទេស​ទាំងអស់​ដែល​ស្នាក់​នៅក្នុង​រយៈពេល​ខ្លី​។ បណ្តា​អ្នកជំនួញ​ដែល​អាច​ចូល​ប្រទេស​កូរ៉េខាងត្បូង​ហើយ​ដែល​បាន​ព្រមព្រៀងគ្នា​រួច​នោះ​រួមមាន ប្រទេស​ចិន ជប៉ុន អារ៉ាប់​អេ​មី​រ៉ា​ត សឹង្ហ​បុរី និង​ឥណ្ឌូណេស៊ី​៕

វៀតណាម ​សម្រេច «​​លើក​​លែង​​​ការ​​ធ្វើ​​ចត្តា​ឡី​ស័ក» សម្រាប់​អ្នក​​​​ជំនួញ​​​​​​កូរ៉េ​​ខាង​​​ត្បូង ដែល​​​​ចូល​មក​ទឹក​ដី​ខ្លួន​​