រាជធានីភ្នំពេញ៖នៅថ្ងៃទី១៣ ខែកញ្ញា ឆ្នាំ២០២១នេះ រដ្ឋបាលរាជធានីភ្នំពេញ បានប្រកាសអំពាវនាវដល់ឯកឧត្តម អ្នកឧកញ៉ា លោកឧកញ៉ា​ លោកជំទាវ អស់លោក លោកស្រី ជាពាណិជ្ជករ សិប្បករវិនិយោគិន និងសប្បុរសជន លោក លោកស្រី អភិបាលខេត្តខណ្ឌ ប្រធានមន្ទីរ អង្គភាពជុំវិញសាលារាជធានីភ្នំពេញ មេត្តាជ្រាបថា​៖ នៅថ្ងៃទី២៣ ខែកញ្ញា​​ ឆ្នាំ២០២១នេះគណៈអភិបាលរាជធានីភ្នំពេញ នឹងដឹកនាំគណៈប្រតិភូសាលារាជធានីភ្នំពេញ ចុះសួរសុខទុក្ខកងយោធពលខេមរភូមិន្ទដែលជាសម្ព័ន្ធមេត្រីភាពជាមួយរដ្ឋបាលរាជធានីភ្នំពេញ រួមមានកងពលធំ អន្តរគមន៍លេខ៣កងពលតូចអន្តរាគមន៍លេខ៩ វរៈនគរបាលការពារព្រំដែនលេខ ៧៩៣ ឈរជើងការពារនៅខ្សែក្រវ៉ាត់ព្រំដែនប្រចាំទិសតំបន់ប្រាសាទព្រះវិហារ និងកងពលតូចលេខ១២៨ ឈរជើងការពារ នៅតំបន់អូរអាឡៃ ស្រុកសៀមប៉ាង ខេត្តស្ទឹងត្រែង។ក្នុងនោះដើម្បីឱ្យការចុះសួរសុខទុក្ខនេះ ទទួលជោគជ័យ បង្ហាញពីមនោសញ្ចេតនាដ៏ជ្រាលជ្រៅក្នុងស្មារតីចែករំលែក និងចូលរួមលើកទឹកចិត្តដល់យុទ្ធជន តាមបន្ទាត់ព្រំដែនជួរមុខរដ្ឋបាលរាជធានីភ្នំពេញ សូមអំពាវនាវដល់ សប្បុរជនទាំងអស់ មេត្តាចូលរួមជួយផ្តល់អំណោយជាថវិកាស្បៀងអាហារ ឬសម្ភារប្រើប្រាស់ផ្សេងៗ តាមលទ្ធភាព និងសទ្ធាជ្រះថ្លាដើម្បីចូលរួមចំណែកឧបត្ថម្ភជូនដល់វីរៈកងទ័ព និងក្រុមគ្រួសារកងទ័ព ដែលកំពុងឈរជើងការពារទឹកដីនៅតាមបន្ទាត់ព្រំដែនជួរមុខ។ទោះបីក្នុងកាលៈទេសៈព្រះរាជាណាចក្រកម្ពុជា កំពុងប្រយុទ្ធប្រឆាំងនឹងមេរោគកូវីដ១៩ ក៏ដោយក៏រដ្ឋបាលរាជធានីភ្នំពេញ សង្ឃឹមជឿជាក់លើស្មារតី និងទឹកចិត្តសប្បុរសធម៍ដែលជាវប្បធម៍នៃការចែករំលែករបស់ប្រជាជាតិយើង៕<figure style="text-align:center"><img src="https://cms.dmpcdn.com/article/2021/09/13/5d3a6870-1479-11ec-8acd-e1f514b1bf21_original.jpg" alt="លោកឃួង ស្រេង និងកងទ័ព" style="width:100%"/><figcaption>លោកឃួង ស្រេង និងកងទ័ព</figcaption></figure><figure style="text-align:center"><img src="https://cms.dmpcdn.com/article/2021/09/04/fb1307d0-0d3c-11ec-ad97-cbf1c0f53c50_original.jpg" alt="រដ្ឋបាលរាជធានីភ្នំពេញ" style="width:100%"/><figcaption>រដ្ឋបាលរាជធានីភ្នំពេញ</figcaption></figure><figure style="text-align:center"><img src="https://cms.dmpcdn.com/article/2021/09/13/5dd1c670-1479-11ec-8acd-e1f514b1bf21_original.jpg" alt="សេចក្តីអំពាវនាវរបស់រដ្ឋបាលរាជធានីភ្នំពេញ" style="width:100%"/><figcaption>សេចក្តីអំពាវនាវរបស់រដ្ឋបាលរាជធានីភ្នំពេញ</figcaption></figure>

រដ្ឋបាលរាជធានីភ្នំពេញ អំពាវនាវសប្បុរសជនពីគ្រប់មជ្ឈដ្ឋាន ជួយឧបត្ថម្ភ កងទ័ពតាមព្រំដែន តាមលទ្ធភាព និងសទ្ធាជ្រះថ្លា