​មនុស្ស​រាប់​ពាន់​នាក់ ​ត្រូវ​.បា.នជ.ម្លៀ.សចេ.ញ ​ដោយសារព្យុះទីហ្វុងនៅកូរ៉េខាងត្បូង - TrueID

​មនុស្ស​រាប់​ពាន់​នាក់ ​ត្រូវ​.បា.នជ.ម្លៀ.សចេ.ញ ​ដោយសារព្យុះទីហ្វុងនៅកូរ៉េខាងត្បូង

September 6, 2022

សេអ៊ូល៖ នៅថ្ងៃអង្គារទី៦ ខែកញ្ញានេះ អាជ្ញាធរកូរ៉េខាងត្បូងនិយាយថាប្រជាជន​រាប់ពាន់នាក់ ត្រូវបានជម្លៀស​ចេញទៅរកទីសុវត្ថិភាព ខណៈដែលព្យុះទីហ្វុង Hinnamnorបានបោកបក់នៅភាគខាងត្បូងប្រទេសនេះ ​​បង្កឱ្យមានភ្លៀងធ្លាក់​និងខ្យល់បក់ខ្លាំង ហើយគេរំពឹងថានឹងកើតឡើងមានរយៈពេញមួយថ្ងៃ។

យោងតាមរដ្ឋបាលឧតុនិយមកូរ៉េ បានឱ្យដឹងថា ព្យុះទីហ្វុង​ Hinnamnor ដែលធ្វើដំណើរទៅភាគខាងជើងក្នុងល្បឿនប្រហែល ៥២គីឡូម៉ែត្រ​ក្នុង​មួយ​ម៉ោង ដោយបាន​ចេញពីឧបទ្វីបកូរ៉េនៅម៉ោងប្រហែល៧៖១០ព្រឹក ​បន្ទាប់ពីបានបោកបក់មកលើទីក្រុងតំបន់​ឆ្នេរ​ Geoje។

ព្យុះនេះ ត្រូវបានគេរំពឹងថានឹងធ្វើដំណើរឆ្ពោះទៅភាគឦសាន និងឆ្លងកាត់ប្រហែល ៤០០គីឡូម៉ែត្រភាគពាយព្យនៃទីក្រុងSapporo ប្រទេសជប៉ុន នៅប្រហែលពាក់កណ្តាលអធ្រាត្រ ថ្ងៃអង្គារនេះ។

យោងតាមអាជ្ញាធរបានឱ្យដឹងថា គិតត្រឹមព្រឹកថ្ងៃអង្គារនេះ មនុស្ស ៣,៤៦៣នាក់ត្រូវបានជម្លៀស ដែលភាគច្រើនមកពីតំបន់ភាគខាងត្បូង ​ចំណែកមនុស្សម្នាក់អាយុ២៥ឆ្នាំត្រូវ​គេរាយការណ៍ ថាបានបាត់ខ្លួននៅក្នុងទីក្រុង Ulsan ។ ​ជាមួយគ្នានេះ ជើងហោះហើររាប់រយ​ ក៏ដូចជា​​សកម្មភាពអាជីវកម្មមួយចំនួន ត្រូវផ្អាកដំណើរការ ខណៈ​​សាលារៀន​ត្រូវបិទទ្វា​ផងដែរ៕

ប្រភព៖ CNA

អាន​បន្ថែម
Loading...
Loading...
Loading...
Loading...