រកឃើញអ្នកវិជ្ជមានកូវីដ១៩ ​ជាច្រើននាក់ នៅខេត្តបន្ទាយមានជ័យ

បន្ទាយមានជ័យ៖ រដ្ឋបាលខេត្តបន្ទាយមានជ័យនៅរសៀលនេះ បានចេញសេចក្តីប្រកាសព័ត៌មាន​​ ដល់បងប្អូនប្រជាពលរដ្ឋ និងសាធារណៈជនឱ្យបានជ្រាបថា នៅថ្ងៃទី០៣ ខែសីហា ឆ្នាំ២០២១មានករណីជាសះស្បើយ​ពីជំងឺកូវីដ១៩ ចំនួន ០៩នាក់ ​និងយោងតាមលទ្ធផលតេស្តរហ័ស(Rapid Test) +មន្ទីរពិសោធន៍ជាតិភ្នំពេញ(NIPH) នៅថ្ងៃទី ០២ ខែសីហា ឆ្នាំ២០២១ បានរកឃើញវិជ្ជមានកូវីដ១៩ថ្មីដែលជាករណីឆ្លងនៅក្នុងព្រឹត្តិការណ៍សហគមន៍ ២០ កុម្ភៈ ២០២១ និងពលករវិលត្រឡប់មកពីប្រទេសថៃដែលស្ថិតនៅក្នុងការគ្រប់គ្រងរបស់ខេត្ត លើបុរស ស្ត្រីជនជាតិខ្មែរ ចំនួន ១៦៥នាក់ នៅក្នុងខេត្តបន្ទាយមានជ័យ។