ភ្នំពេញ៖ យោងតាមរបាយការណ៍របស់ក្រសួងសាធារណការ និងដឹកជញ្ជូន គ្រោះថ្នាក់ចរាចរណ៍ទាក់ទងទៅនឹងកត្តាសំខាន់៣គឺ កត្តាមនុស្ស កត្តាយានយន្ត និងកត្តាអាកាសធាតុ។ អត្រានៃគ្រោះថ្នាក់ភាគច្រើន ដែលមានចំនួនប្រមាណ ៧៥% គឺទៅលើអ្នកធ្វើដំណើរ និងបើកបរម៉ូតូ ដែលក្នុងចំណោមនេះ ៧៨% បង្កដោយការមិនបានពាក់មួកសុវត្ថិភាព ឬប្រើប្រាស់មិនបានត្រឹមត្រូវ។ គ្រោះថ្នាក់នៃអ្នកបើកបរ និងធ្វើដំណើរតាមម៉ូតូភាគច្រើនកើតឡើងប៉ះទង្គិច និងបង្ករបួសធ្ងន់ធ្ងរ ឬអាចស្លាប់ដោយការប៉ះទង្គិចទៅលើក្បាល។ អាស្រ័យដោយហេតុនេះ ក្រសួងបានលើកផែនការគៀងគរមួកសុវត្ថិភាព ដើម្បីចែកជូនដល់ប្រជាពលរដ្ឋ។ តាមរយៈផែនការនេះ កាលពីថ្ងៃច័ន្ទ ០៤រោច ខែអស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៥ ខែតុលា ឆ្នាំ ២០២១ នេះ&nbsp;ក្រសួងសាធារណការ និងដឹកជញ្ជូន រួមជាមួយនឹង&nbsp;ក្រុមហ៊ុនមីឆែលីន និង&nbsp;ក្រុមហ៊ុនវើលដ៍ប្រីជត្រេឌីង&nbsp;​ បានប្រារព្វពិធីចុះហត្ថលេខាលើកិច្ចព្រមព្រៀងសហប្រតិបត្តិការ ក្នុងគោលបំណងគាំទ្រ និងលើកកម្ពស់សុវត្ថិភាពនៃការបើកបរនៅលើដងផ្លូវ។<figure style="text-align:center"><img src="https://cms.dmpcdn.com/article/2021/11/02/9dc14190-3baa-11ec-9fa6-0d1ea9c9f19c_original.jpg" alt="ពិធីចុះកិច្ចព្រមព្រៀងសហប្រតិបត្តិការ" style="width:100%"/><figcaption>ពិធីចុះកិច្ចព្រមព្រៀងសហប្រតិបត្តិការ</figcaption></figure>ថ្លែងក្នុងឱកាសនេះ លោក&nbsp;ហ៊ុំ ណារិន នាយកគ្រប់គ្រង តំណាងក្រុមហ៊ុនវើលដ៍ប្រីជត្រេឌីង ដែលជាក្រុមហ៊ុននាំចូលផ្ដាច់មុខក្នុងប្រទេសកម្ពុជា នូវសំបកកង់ម៉ាក MICHELIN និង BFGoodrich មានប្រសាសន៍ថា៖<blockquote><aside>« នេះជាលើកទី៣ ដែលក្រុមហ៊ុនបានចូលរួមសហការណ៍ជាមួយនឹងក្រសួង&nbsp; ដើម្បីគាំទ្រនូវសកម្មភាពស្ដីពីការផ្ដល់ចំណេះដឹងលើការបើកបរ ប្រកបដោយសុវត្ថិភាព និងផ្ដល់នូវមួកសុវត្ថិភាពដល់ប្រជាពលរដ្ឋកម្ពុជា។ ការផ្ដល់ជូននេះគឺដើម្បីរួមចំណែកជាមួយរដ្ឋាភិបាល ក្នុងការកាត់បន្ថយនូវគ្រោះថ្នាក់ចរាចរណ៍នៅលើដងផ្លូវ។ ក្រៅពីការរក្សាសុវត្ថិភាពសម្រាប់អ្នកប្រើប្រាស់ម៉ូតូ យើងក៏បានស្វែងយល់ផងដែរថាសំបកកង់ក៏មានសារៈសំខាន់ ក្នុងការផ្ដល់នូវសុវត្ថិភាពដល់អ្នកប្រើប្រាស់យានយន្ត។ វើលដ៍ប្រីជ ប្ដេជ្ញាផ្ដល់ជូននូវសំបកកង់ដែលមានគុណភាព ដែលមិនត្រឹមតែផ្ដល់នូវសុវត្ថិភាព ​តែថែមទាំងផ្ដល់នូវការសន្សំសំចៃលើការចំណាយ&nbsp; ដោយសារសំបកកង់មានអាយុកាលប្រើប្រាស់បានយូរ និងកាត់បន្ថយដល់ការប៉ះពាល់លើបរិស្ថានផងដែរ ដែលនេះជាផ្នែកមួយចូលរួមដល់យុទ្ធសាស្រ្តរបស់រាជរដ្ឋាភិបាល ក្នុងការកាត់បន្ថយភាពក្រីក្ររបស់ប្រជាពលរដ្ឋ។ »</aside><label>— ប្រសាសន៍លោក&nbsp;ហ៊ុំ ណារិន&nbsp;</label></blockquote>លោក ហ្គ្រេសហ្គយ ហ្គោដ អ្នកគ្រប់គ្រងប្រចាំប្រទេស តំណាងក្រុមហ៊ុន MICHELIN ក៏បានលើកឡើងផងដែរថា៖<blockquote><aside>« នេះជាកិច្ចការរបស់យើងទាំងអស់គ្នា ដែលត្រូវរួមគ្នាដើម្បីជួយដល់អ្នកធ្វើដំណើរទូទៅ បានយល់អំពីសារៈសំខាន់នៃការធ្វើដំណើរប្រកបដោយសុវត្ថិភាព។ MICHELIN ដោយមានការឧបត្ថម្ភពីស្ថាប័ន FIA (Fédération Internationale de l’Automobile) ដែលជាអង្គការពិភពលោកលើកកម្ពស់សកម្មភាពកីឡាប្រណាំង សុវត្ថិភាព និរន្តរភាព និងការធ្វើដំណើរសម្រាប់អ្នកប្រើប្រាស់ផ្លូវទាំងអស់នៅទូទាំងពិភពលោក បានផ្ដល់នូវមួកចំនួន ៧០០&nbsp; ដែលរួមមានមួកមនុស្សធំចំនួន ៤០០ និងមួកកុមារចំនួន ៣០០មួក។ ជឿជាក់ថា មានសកម្មភាពជាច្រើនដែលបានធ្វើដើម្បីផ្ដល់នូវសុវត្ថិភាពជូនដល់អ្នកធ្វើដំណើរទូទៅ តែយើងអាចធ្វើឱ្យលើសពីនេះទៅទៀត។ តាមរយៈកិច្ចសហការណ៍ថ្ងៃនេះ MICHELIN ចង់បង្ហាញថា យើងតែងតែគិតគូរ និងនៅជាមួយលោកអ្នកដើម្បីសុវត្ថិភាព និងអាយុជីវិតរបស់លោកអ្នក។ MICHELIN និង BFGoodrich ជាម៉ាកសញ្ញាដែលមានបទពិសោធន៍យូរឆ្នាំ លើការផលិតសំបកកង់ប្រកបដោយគុណភាព ផាសុកភាព ប្រសិទ្ធិភាព និងសុវត្ថិភាព។ សុវត្ថិភាពសម្រាប់អតិថិជន ជាផ្នែកមួយដ៏សំខាន់នៃគុណតម្លៃរបស់យើង។ សំបកកង់ជាចំនុចសំខាន់ដែលភ្ជាប់រវាងយានយន្តទៅនឹងផ្លូវ ដូចនេះយើងត្រូវជ្រើសរើសសំបកកង់ដែលមានគុណភាពល្អមកប្រើប្រាស់។ តែទោះជាយ៉ាងណា សំបកកង់គ្រាន់តែជាកត្តាមួយប៉ុណ្ណោះ កត្តាដែលកាន់តែសំខាន់ដែលត្រូវព្រងឹងគឺការយល់ដឹងអំពីការប្រើប្រាស់ផ្លូវ និងផ្លាកសញ្ញាចរាចរណ៍។ »</aside><label>— ប្រសាសន៍លោក&nbsp;ហ្គ្រេសហ្គយ ហ្គោដ&nbsp;</label></blockquote><figure style="text-align:center"><img src="https://cms.dmpcdn.com/article/2021/11/02/9e253380-3baa-11ec-9fa6-0d1ea9c9f19c_original.jpg" alt="ពិធីចុះកិច្ចព្រមព្រៀងសហប្រតិបត្តិការ" style="width:100%"/><figcaption>ពិធីចុះកិច្ចព្រមព្រៀងសហប្រតិបត្តិការ</figcaption></figure>លោក ព្រំ វន្ថា ប្រធាននាយកដ្ឋានសុវត្ថិភាពចរាចរណ៍ផ្លូវគោក នៃអគ្គនាយកដ្ឋានដឹកជញ្ជូនផ្លូវគោក ក្រសួងសាធារណការ និងដឹកជញ្ជូន បានកត់សម្គាល់ថា ការចូលរួមក្នុងថ្ងៃនេះបានចូលរួមដល់យុទ្ធសាស្ត្ររបស់ក្រសួង ក្នុងការគៀងគរមួក១០ម៉ឺនមួក ដើម្បីចែកជូនដល់ប្រជាពលរដ្ឋ។&nbsp; តាមរយៈកិច្ចសហការណ៍នាថ្ងៃនេះ ក្រសួងនឹងសហការណ៍ជាមួយនឹងស្ថាប័ន៧ផ្សេងទៀត នៅតាមខេត្ត និងរាជធានី រួមមានមន្ទីរសាធារណការ​និងដឹកជញ្ជូ​នខេត្តស្វាយរៀង ខេត្តព្រះវិហារ ខេត្តសៀមរាប ខេត្តប៉ៃលិន វិទ្យុFM 102 និងនាយកដ្ឋានផលិតកម្មវិធី នៃក្រសួងព័ត៌មាន ដើម្បីធ្វើការផ្សព្វផ្សាយតាមរយៈបណ្ដាញសង្គមហ្វេសប៊ុក នូវសារៈសំខាន់ស្ដីអំពីសុវត្ថិភាពក្នុងការបើកបរ។ តាមរយៈការចូលរួមនេះ យើងសង្ឃឹមថានឹងជួយកាត់បន្ថយដល់អត្រាគ្រោះថ្នាក់ ដែលប៉ះពាល់ដល់ក្បាល។ ក្នុងនោះផងដែរ ការប្រើប្រាស់ និងយល់ដឹងអំពីសំបកកង់ក៏នៅមានកម្រិតនៅឡើយ ដែលជាចំនុចសំខាន់ដែលគួរគិតគូរដល់។ ការប្រើប្រាស់សំបកកង់ដែលគ្មានគុណភាព ឬសំបកកង់មួយទឹកនឹងផ្ដល់ហានិភ័យនៃការផ្ទុះកង់ ដែលបណ្ដាលឱ្យមានគ្រោះថ្នាក់ដល់អ្នកបើកបរ។ លោកបានថ្លែងអំណរគុណយ៉ាងជ្រាលជ្រៅ ដល់ដល់ស្ថាប័នពាក់ព័ន្ទទាំងអស់ខាងលើ និងផ្ដល់តម្លៃខ្ពស់ចំពោះការចូលរួមដ៏មានតម្លៃនេះ។&nbsp;សូមបញ្ចាក់ថា យុទ្ធនាការផ្សព្វព្វផ្សាយអំពីសុវត្ថិភាពនៅលើដងផ្លូវនេះ នឹងចាប់ផ្ដើមនៅថ្ងៃទី​២៨ ខែតុលា រហូតដល់ដំណាច់ខែវិច្ឆិកា ឆ្នាំ​២០២១ នេះ​ តាមរយៈការផ្សព្វផ្សាយនូវវីដេអូអប់រំស្ដីពីការបើកបរ ការប្រើប្រាស់ផ្លូវ ការប្រើភ្លើងសញ្ញា និងការថែរក្សាសំបកកង់។ យើងក៏មានផ្ដល់ជាសំនួរ នៅលើទំព័រហ្វេសប៊ុករបស់នាយកដ្ឋានសុវត្ថិភាពចរាចរណ៍ផ្លូវគោក មន្ទីរសាធារណការខេត្តស្វាយរៀង សៀមរាប ព្រះវិហារ ប៉ៃលិន នាយកដ្ឋានផលិតកម្មវិធីនៃក្រសួងព័ត៌មាន និងវិទ្យុអេហ្វអឹម១០២&nbsp;ផងដែរ។ អ្នកដែលបានចូលរួមឆ្លើយសំនួរត្រឹមត្រូវ នឹងត្រូវបានជ្រើសរើស និងប្រកាសជូនតាមរយៈទំព័រហ្វេសប៊ុករបស់ស្ថាប័នខាងលើ រួមនឹងហ្វេសប៊ុករបស់ មីឆែលីន <a target="_blank" href="https://web.facebook.com/MichelinCambodia/?hc_ref=ARRsdHweyM3SWmKNC3a-Cps-Sfp0JbbqasjzUL_ykd-WkomGw5YSyYRRNVq46tkPyNM&amp;fref=nf&amp;__xts__%5B0%5D=68.ARDkaeMKlOJqmnbGj4qfikTta31LmqJeAFg147-_m5ivhu4aqpzAz7jIqFzVo6owjql2AKvgfY65y2YIExCY0_2HLljqGNx6FrQpc1I8jEElIYgFqRm_ZVk8oYj8eTwUiWRq7HhzPI05zD59xl7mesEfpINQi9V45j3Vk7qMJk83Y6KukwnGgRV4oUZK5kC74b1uqhbgUFx6F7pI2z6fDCA4DqOx8EuZklmcdaqtTQA5RhMSlw9Mle32glk2_nyX9pthZhLVbnhnfVWexDCyku4Cefv_pjtfFFX56jgcS9GqSIQiHSOWFdw&amp;__tn__=kC-R">https://web.facebook.com/MichelinCambodia</a> និង វើលដ៏ប្រីជ <a target="_blank" href="https://web.facebook.com/worldbridgetradin?_rdc=1&amp;_rdr">https://web.facebook.com/worldbridgetradin?_rdc=1&amp;_rdr</a> ដើម្បីទទួលបានរង្វាន់មួកសុវត្ថិភាពខាងលើ៕<figure style="text-align:center"><img src="https://cms.dmpcdn.com/article/2021/11/02/9eb9d260-3baa-11ec-a0a2-cf0fccca5fc8_original.jpg" alt="ពិធីចុះកិច្ចព្រមព្រៀងសហប្រតិបត្តិការ" style="width:100%"/><figcaption>ពិធីចុះកិច្ចព្រមព្រៀងសហប្រតិបត្តិការ</figcaption></figure>អំពីក្រុមហ៊ុន Michelinជាក្រុមហ៊ុនផលិតសំបកកង់ឈានមុខគេ Michelin ប្ដេជ្ញាចិត្តក្នុងការធ្វើឱ្យប្រសើរឡើងនូវការធ្វើដំណើររបស់អតិថិជន​ រក្សានិរន្តរភាពការរចនា និងការចែកចាយនូវសំបកកង់រថយន្តដែលស័ក្ដិសមបំផុត សេវាកម្ម និងដំណោះស្រាយតាមតម្រូវការរបស់អតិថិជនផ្ដល់នូវសេវាកម្មឌីជីថល ការបង្ហាញផ្លូវ និងផ្ដល់ការណែនាំឆ្ពោះទៅបង្កើនផាសុកភាពនៅពេលធ្វើដំណើរព្រមទាំងផ្ដល់នូវបទពិសោធន៍ដ៏ពិសេសអស្ចារ្យ ក៏ដូចជាបង្កើតសម្ភារៈប្រកបដោយបច្ចេកវិទ្យាខ្ពស់ដែលបម្រើឱ្យវិស័យជាច្រើនទៀតផងដែរ។ក្រុមហ៊ុនMichelin មានទីសា្នក់ការកណ្ដាលនៅ Clermont-Ferrand ប្រទេសបារាំងហើយក្រុមហ៊ុនមានប្រតិបត្តិការចែកចាយសំបកកង់នៅក្នុងប្រទេសចំនួន 170 មានបុគ្គលិកបម្រើការជាង123,600​ នាក់និងមានរោងចក្រផលិតសំបកកង់ចំនួន71 រោងចក្រដែលរោងចក្រទាំងអស់នេះបានផលិតសំបកកង់រថយន្តសរុបប្រមាណជា 170 លានសំបកកង់នៅក្នុងឆ្នាំ2020។ (<a target="_blank" href="http://www.michelin.com">www.michelin.com</a>)។ទំនាក់ទនងផ្នែកផ្សព្វផ្សាយName: WorldBridgePhone: 015 222 886 / 095 222771FB: <a target="_blank" href="https://web.facebook.com/worldbridgetradin?_rdc=1&amp;_rdr">https://web.facebook.com/worldbridgetradin?_rdc=1&amp;_rdr</a>IG: <a target="_blank" href="https://www.instagram.com/worldbridgetrading/">https://www.instagram.com/worldbridgetrading/</a>Telegram Channel: <a target="_blank" href="https://t.me/WorldbridgeTrading">https://t.me/WorldbridgeTrading</a>

ពិធីចុះកិច្ចព្រមព្រៀងសហប្រតិបត្តិការ រវាងក្រសួងសាធារណការ និងដឹកជញ្ជូន ក្រុមហ៊ុនមីឆែលីន និងក្រុមហ៊ុនវើលដ៏ប៊្រីដត្រេឌីង និងពិធីទទួលមួកសុវត្ថិភាពចំនួន៧០០