សៀមរាប៖&nbsp;ថ្ងៃទី ២៩ ខែ មេសា ឆ្នាំ២០២២ បន្ទាប់ពីចាប់ផ្តើមជើងហោះហើរឡើងវិញទៅកាន់ទីក្រុងភ្នំពេញក្នុងខែមករាក្រុមហ៊ុន AirAsia ថ្ងៃនេះបានប្រារព្ធពិធីបើកដំណើរការឡើងវិញនូវសេវាកម្មហោះហើរទៅកាន់ខេត្តដ៏សំខាន់មួយទៀតក្នុងប្រទេសកម្ពុជានោះគឺខេត្ត សៀមរាប។ ជើងហោះហើរ AK540 ពីអាកាសយានដ្ឋានអន្តរជាតិកូឡាឡាំពួរ២ (klia2) បានចេញដំណើរនៅថ្ងៃទី២៩ ខែមេសានៅម៉ោង ១:០៥នាទីរសៀល (ម៉ោងក្នុងតំបន់) ហើយបានចុះចតនៅខេត្តសៀមរាបនៅម៉ោង(២:២០នាទី រសៀល ម៉ោងក្នុងស្រុក) ជាមួយនឹងអ្នកដំណើរចំនួន ១០៩នាក់ ។ជាមួយគ្នានេះជើងហោះហើរត្រឡប់មកវិញបានចាកចេញពីខេត្តសៀមរាបនៅម៉ោង ២:៥៥ រសៀល(ម៉ោងក្នុងតំបន់) នៅថ្ងៃទី២៩ ដដែល ហើយគ្រោងនឹងត្រលប់មកទីក្រុងកូឡាឡាំពួរវិញនៅម៉ោង(៦:១០ នាទីល្ងាច ម៉ោងក្នុងស្រុក)។ប្រទេសកម្ពុជាគឺជាប្រទេសមួយក្នុងចំណោមប្រទេសដំបូងគេ នៅក្នុងតំបន់ដែលបន្ធូរបន្ថយតម្រូវការចូលសម្រាប់ការធ្វើដំណើរពីបរទេសនិងជាគំនិតផ្តួចផ្តើមដែលត្រូវបានស្វាគមន៍​ ដោយអ្នកធ្វើដំណើរជុំវិញពិភពលោក។ជាមួយគ្នានេះ រាជរដ្ឋាភិបាលកម្ពុជា បានប្រកាសជាផ្លូវការ នៅថ្ងៃទី១៥ ខែវិច្ឆិកាឆ្នាំ២០២១ ក្នុងការបើកប្រទេសឡើងវិញ ដើម្បីស្វាគមន៍អ្នកធ្វើដំណើរអន្តរជាតិដែលបានចាក់វ៉ាក់សាំងគ្រប់ចំនួនដូស ដោយមិនតម្រូវឱ្យពួកគេធ្វើចត្តាឡីស័កឬធ្វើតេស្តរកជំងឺកូវីដ-១៩ នៅគ្រប់ច្រកទ្វារអន្តរជាតិ។<figure style="text-align:center"><img src="https://cms.dmpcdn.com/article/2022/04/29/d62717e0-c79a-11ec-80b4-e7aaf0ef9a03_original.jpg" alt="" style="width:100%"/></figure>លោក Riad Asmat នាយកប្រតិបត្តិក្រុមហ៊ុន AirAsiaMalaysia បានមានប្រសាសន៍ថា៖<blockquote><aside>«បន្ទាប់ពីយើងបានចាប់ផ្ដើមហោះហើរមកទីក្រុងភ្នំពេញវិញនាពេលថ្មីៗនេះយើងមានសេចក្តីរំភើបរីករាយក្នុងការបើកជើងហោះហើរបន្ថែមទៅកាន់គោលដៅសំខាន់មួយទៀតក្នុងប្រទេសកម្ពុជា នោះគឺខេត្តសៀមរាប។កម្ពុជានៅតែជាទីផ្សារស្នូលរបស់ AirAsia ហើយមុនមានជំងឺ កូវីដ-១៩ ខេត្តសៀមរាប ជាគោលដៅ ពេញនិយម បំផុត មួយ ក្នុង តំបន់ អាស៊ាន&nbsp;និងជា មជ្ឈមណ្ឌល ទេសចរណ៍ សំខាន់ សម្រាប់ ភ្ញៀវ ទេសចរ មកពី ជុំវិញ ពិភពលោក។ AirAsiaបានចាប់ផ្ដើមជើងហោះហើរក្នុងឆ្នាំ២០១៨&nbsp; ហើយបានដឹកអ្នកដំណើរ ១៧០,០០០ក្នុងឆ្នាំ២០១៩ ដូច្នេះយើងមានទំនុកចិត្តថា ការបើកជើងហោះហើរទៅកាន់គោលដៅថ្មីទាំងនេះនឹងនៅតែពេញនិយមខ្លាំងនាពេលអនាគត។ ជាមួយគ្នានេះដើម្បីឆ្លើយតបទៅនឹងតម្រូវការដែលកំពុងកើនឡើង យើងក៏កំពុងរៀបចំផែនការហោះហើរនិងគោលដៅបន្ថែមទៀតនៅក្នុងប្រទេសកម្ពុជា ជាមួយនឹងជើងហោះហើរទៅកាន់ខេត្តព្រះសីហនុដែលគ្រោងនឹងហោះហើរនៅថ្ងៃទី២ ខែមិថុនា ខាងមុខនេះ។ AirAsia សូមស្វាគមន៍ចំពោះគំនិតផ្តួចផ្តើមដែលធ្វើឡើងដោយរដ្ឋាភិបាលកម្ពុជាដើម្បីបន្ធូរបន្ថយការរឹតបន្តឹងការធ្វើដំណើរនិងដើម្បីអនុញ្ញាតឱ្យការធ្វើដំណើរទៅកាន់ប្រទេសកម្ពុជាកាន់តែរលូនហើយយើងនឹងបន្តទាក់ទាញអ្នកដំណើរដែលស្វែងរកការកម្សាន្ត ពីទីជិត និងឆ្ងាយដើម្បីហោះហើរទៅកាន់ប្រទេសកម្ពុជាកាន់តែច្រើនថែមទៀតក្នុងពេលឆាប់ៗនេះ »។</aside></blockquote>ជាមួយគ្នានេះដែរ ឯកឧត្តម ថោង ខុនរដ្ឋមន្ត្រីក្រសួងទេសចរណ៍កម្ពុជាបានមានប្រសាសន៍ថា៖<blockquote><aside>«ក្នុងនាមក្រសួងទេសចរណ៍នៃព្រះរាជាណាចក្រកម្ពុជាយើងពិតជារំភើបជាមួយនឹងការតភ្ជាប់ជើងហោះហើរឡើងវិញទៅកាន់ទីក្រុងសៀមរាបដែលជាបេតិកភណ្ឌ វប្បធម៌ និងថាមវន្តរបស់យើង។ខ្ញុំសូមថ្លែងអំណរគុណយ៉ាងក្រៃលែងចំពោះក្រុមហ៊ុន AirAsia ដែលបានភ្ជាប់ទំនាក់ទំនងឡើងវិញជាបន្តបន្ទាប់និងលើកទឹកចិត្តអ្នកធ្វើដំណើរឱ្យមកទស្សនាប្រទេសកម្ពុជាម្តងទៀត។ នៅក្នុងឱកាសនេះខ្ញុំសូមអបអរសាទរក្រុមហ៊ុន AirAsia សម្រាប់ការពុះពារ និងទប់ស្កាត់បានយ៉ាងល្អចំពោះផលប៉ះពាល់ដ៏អាក្រក់នៃជំងឺរាតត្បាត និងរក្សាភាពរឹងមាំរបស់ខ្លួនខណៈពេលដែលពិភពលោក ជាពិសេសវិស័យទេសចរណ៍ស្ថិតក្នុងភាពមិនប្រាកដប្រជា។ក្នុងរយៈពេលប៉ុន្មានឆ្នាំចុងក្រោយនេះ ក្រុមហ៊ុន AirAsia តែងតែជាដៃគូដ៏រឹងមាំបំផុតរបស់យើងសម្រាប់ការតភ្ជាប់ការហោះហើរហើយយើងទន្ទឹងរង់ចាំធ្វើការយ៉ាងជិតស្និទ្ធជាមួយក្រុមហ៊ុនដើម្បីបង្កើនសេវាកម្មដល់ព្រះរាជាណាចក្រកម្ពុជានាពេលខាងមុខ»។</aside></blockquote>ឯកឧត្តមបានបន្តថា៖<blockquote><aside>« ក្នុងពេលបច្ចុប្បន្ននេះប្រទេសកម្ពុជាពិតជាបើកយ៉ាងទូលំទូលាយ សម្រាប់ភ្ញៀវទេសចរទាំងអស់ដែលបានចាក់វ៉ាក់សាំងរួចរាល់ហើយក៏សូមស្វាគមន៍យ៉ាងកក់ក្ដៅចំពោះអ្នកដំណើររបស់ AirAsia ដែលត្រឡប់មកកាន់ប្រទេសកម្ពុជាផងដែរ។ដោយសារវិស័យ ទេសចរណ៍ គឺជាកត្តាជំរុញដ៏សំខាន់នៃសេដ្ឋកិច្ច និងការអភិវឌ្ឍន៍សង្គមរបស់យើងយើងសូមថ្លែងអំណរគុណចំពោះក្រុមហ៊ុន AirAsia សម្រាប់ការបន្តគាំទ្រក្នុងការជំរុញនិងពង្រីកការធ្វើដំណើរតាមផ្លូវអាកាសទៅកាន់គោលដៅកម្សាន្តសំខាន់ៗរបស់យើងហើយកម្ពុជាសូមអញ្ជើញអ្នកដំណើរមកពីគ្រប់ទិសទី ដើម្បីទទួលយកអារម្មណ៍កក់ក្តៅសុវត្ថិភាព និងប្រកបអនាម័យខ្ពស់។»</aside></blockquote>ទន្ទឹមនឹងនេះ លោក Alain Brun នាយកប្រតិបត្តិនៃCambodia Airports មានប្រសាសន៍ថា៖<blockquote><aside>«យើងមានទំនុកចិត្តថាអ្នកធ្វើដំណើរនឹងមានបំណងចង់ស្វែងយល់ពីសកម្មភាពនិងទេសភាពដ៏ធំទូលាយដែលមាននៅជុំវិញខេត្តសៀមរាបរួមជាមួយនឹងរមណីយដ្ឋានអង្គរវត្តដែលបានចុះបញ្ជីនៅអង្គការយូណេស្កូ។ លើសពីនេះអ្នកដំណើរក៏នឹងអាចរីករាយនឹងការធ្វើដំណើរដ៏ងាយស្រួលជុំវិញខេត្តសៀមរាបផងដែរ ដោយសារការវិនិយោគនាពេលថ្មីៗនេះដែលធ្វើឡើងដោយអាជ្ញាធរកម្ពុជាលើផ្នែកហេដ្ឋារចនាសម្ព័ន្ធក្នុងការតុបតែងខេត្តសៀមរាបដើម្បីទាក់ទាញភ្ញៀវមកទស្សនា។ ការត្រលប់មកវិញរបស់ AirAsiaលើកនេះគឺជាសញ្ញានៃការលើកទឹកចិត្តឆ្ពោះទៅមុខ ហើយ Cambodia Airports ដែលជាអ្នកអភិវឌ្ឍន៍និងប្រតិបត្តិករអាកាសយានដ្ឋានអន្តរជាតិទាំង ៣របស់កម្ពុជាក៏បានសម្លឹងមើលការស្ទុះងើបឡើងវិញនៃការធ្វើដំណើរតាមផ្លូវអាកាសជាហេតុផលមួយទៀតនៃយុទ្ធសាស្ត្ររយៈពេលវែងរបស់ខ្លួនក្នុងការវិនិយោគលើបរិក្ខារអាកាសយានដ្ឋាននៅកម្ពុជាដែលធ្វើឲ្យការធ្វើដំណើរមកកាន់ប្រទេសកម្ពុជាទទួលបានបទពិសោធន៍ដ៏អស្ចារ្យ និងងាយស្រួលចាប់តាំងពីពេលដែលអ្នកដំណើរចុះចត និង ដើរតាមអាកាសយានដ្ឋានរបស់យើង»។</aside></blockquote><figure style="text-align:center"><img src="https://cms.dmpcdn.com/article/2022/04/29/d7d3b670-c79a-11ec-80b4-e7aaf0ef9a03_original.jpg" alt="" style="width:100%"/></figure>គួរឱ្យដឹងថា រួមជាមួយនឹងការចាប់ផ្តើមជើងហោះហើរឡើងវិញចាប់ពីថ្ងៃនេះនិងដើម្បីអបអរសាទរការបន្តការធ្វើដំណើរដោយមិនចាំបាច់ធ្វើចត្តាឡីស័កទៅកាន់ខេត្តសៀមរាបក្រុមហ៊ុន AirAsia នឹងដំណើរការជើងហោះហើរពីរដងក្នុងមួយសប្តាហ៍ពីទិសដៅ KualaLumpur ទៅខេត្តសៀមរាបនៅ​ ថ្ងៃច័ន្ទនិងថ្ងៃសុក្រ ជាមួយនឹងតម្លៃសំបុត្រយន្តហោះល្អបំផុត។ចាប់ពីថ្ងៃនេះ រហូតដល់ថ្ងៃទី០១ ខែឧសភា ឆ្នាំ២០២២ភ្ញៀវអាចកក់ជើងហោះហើររបស់ពួកគេទៅកាន់ខេត្តសៀមរាបក្នុងតម្លៃត្រឹមតែ 149 RM ក្នុងមួយជើង ពីថ្ងៃនេះដល់ថ្ងៃទី១១ខែកញ្ញា ឆ្នាំ២០២២ និងតម្លៃត្រឹមតែ 129 RM ក្នុងមួយជើងនៅចន្លោះពីថ្ងៃទី១២ ខែកញ្ញា ឆ្នាំ២០២២ ដល់ថ្ងៃទី២៥ ខែមីនា ឆ្នាំ២០២៣ តាមរយៈ «Flights» នៅលើកម្មវិធីAirasia Super។ ចំពោះភ្ញៀវដែលចង់ទៅលេង ឬ ត្រលប់ទៅទីក្រុងកូឡាឡាំពួរអាចកក់ជើងហោះហើរពីខេត្តសៀមរាបក្នុងតម្លៃត្រឹមតែ ៥៩ដុល្លារ&nbsp;ក្នុងមួយជើងសម្រាប់ការធ្វើដំណើរចាប់ពីពេលនេះរហូតដល់ថ្ងៃទី១១ ខែកញ្ញាឆ្នាំ២០២២ និងតម្លៃត្រឹមតែ ៤៥ ដុល្លារប៉ុណ្ណោះក្នុងមួយជើង&nbsp; សម្រាប់ការធ្វើដំណើរពីថ្ងៃទី១២ ខែកញ្ញា ឆ្នាំ២០២២ ដល់ថ្ងៃទី២៥ ខែមីនា ឆ្នាំ២០២៣ សម្រាប់ជើងហោះហើរដែលបានកក់ពីឥឡូវនេះរហូតដល់ថ្ងៃទី១ ខែឧសភា ឆ្នាំ២០២២។<figure style="text-align:center"><img src="https://cms.dmpcdn.com/article/2022/04/29/d99cb6a0-c79a-11ec-80b4-e7aaf0ef9a03_original.jpg" alt="" style="width:100%"/></figure>ជាមួយគ្នានេះសម្រាប់ការចូលប្រទេសម៉ាឡេស៊ី ភ្ញៀវទេសចរអន្តរជាតិ និងអ្នកធ្វើដំណើរទាំងអស់ដែលបានចាក់វ៉ាក់សាំងគ្រប់ចំនួនដូសនឹងមិនតម្រូវឱ្យធ្វើតេស្តរកជំងឺ COVID-19 មុនចេញដំណើរ , ធ្វើតេស្តនៅពេលមកដល់, ការធ្វើចត្តាឡីស័ក និងការធានារ៉ាប់រង ទៀតឡើយចាប់ពីថ្ងៃទី០១ខែឧសភា ឆ្នាំ២០២២ខាងមុននេះ។ ហើយសម្រាប់ការចូលមកប្រទេសកម្ពុជា ក៏មិនមានការធ្វើតេស្តមុនចេញដំណើរ, ក្រោយការមកដល់ ឬ លក្ខខណ្ឌតម្រូវឱ្យធ្វើចត្តាឡីស័កសម្រាប់អ្នកធ្វើដំណើរដែលបានចាក់វ៉ាក់សាំងគ្រប់ចំនួនដូចគ្នាដែរប៉ុន្តែតម្រូវឱ្យបង្ហាញភស្តុតាងនៃការចាក់វ៉ាក់សាំងគ្រប់ចំនួនដូស។ ចំពោះអ្នកដំណើរដែលបានចាក់ថ្នាំបង្ការបានគ្រប់ដូសពីប្រទេសម៉ាឡេស៊ីដែលមានបំណងធ្វើដំណើរមកប្រទេសកម្ពុជា ត្រូវតែបំពេញតាមលក្ខខណ្ឌកំណត់ដោយរដ្ឋាភិបាលកម្ពុជាមុនពេលទិញជើងហោះហើររបស់ពួកគេ និងនៅពេលមកដល់៕

ក្រុមហ៊ុនអាកាសចរណ៍ AirAsia បើកដំណើរការជើងហោះហើរពីទីក្រុង កូឡាឡាំពួរ-សៀមរាប ឡើងវិញហើយ ជាមួយតម្លៃសំបុត្រសមរម្យបំផុត!