ក្តៅៗ រដ្ឋបាលខេត្តមណ្ឌលគិរី ចេញសេចក្តីប្រកាសព័ត៌មាន ស្ដីពីការស្លាប់របស់ជនជាតិខ្មែរ អាយុ ៤៣ឆ្នាំដោយសារជំងឺកូវីដ-១៩ - TrueID

ក្តៅៗ រដ្ឋបាលខេត្តមណ្ឌលគិរី ចេញសេចក្តីប្រកាសព័ត៌មាន ស្ដីពីការស្លាប់របស់ជនជាតិខ្មែរ អាយុ ៤៣ឆ្នាំដោយសារជំងឺកូវីដ-១៩

June 13, 2021

មណ្ឌលគិរី: យោងតាមសេចក្ដីប្រកាសព័ត៌មានរបស់រដ្ឋបាលខេត្តមណ្ឌលគិរី សូមជម្រាបជូនសាធារណជន ទាំងអស់បានជ្រាបថា យោងតាមរបាយការណ៏របស់មន្ទីរសុខាភិបាល នៃរដ្ឋបាលខេត្តបានឲ្យដឹងថា កាលពីថ្ងៃទី១១ ខែមិថុនា ឆ្នាំ២០២១ វេលាម៉ោង ១៩:៤៥នាទី មានបុរសជនជាតិខ្មែរ ឈ្មោះ ជឿន ចិត្រ អាយុ ៤៣ ឆ្នាំ មានមុខរបរជា កសិករ រស់នៅភូមិជ្រៃសែន សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី ត្រូវបានក្រុមគ្រួសារដឹកតាមរថយន្តផ្ទាល់ខ្លួនបញ្ជូនមកមន្ទីរពេទ្យបង្អែកខេត្តមណ្ឌលគិរី ដើម្បីធ្វើការព្យាបាល។ ស្ថានភាពរបស់ អ្នកជម្ងឺមុនចូលមកដល់មន្ទីរពេទ្យខេត្តគឺ មានអាការៈមិនដឹងខ្លួនអ្វីទាំងអស់ ហើយក្រុមគ្រូពេទ្យនៃមន្ទីរពេទ្យខេត្តបានរៀបចំ ធ្វើការសង្គ្រោះបន្ទាន់តាមលក្ខណៈបច្ចេកទេសយ៉ាងយកចិត្តទុកដាក់ទៅលើករណីអ្នកជម្ងឺខាងលើ ប៉ុន្តែបន្ទាប់ពីពិនិត្យឃើញថា អ្នកជម្ងឺបានស្លាប់បាត់បង់ជីវិតនៅមុនពេលមកដល់មន្ទីរពេទ្យ។ តាមការសន្និដ្ឋានរបស់ក្រុមគ្រូពេទ្យ៖ បុរសជនជាតិខ្មែរ ឈ្មោះ ជឿន ចិត្រ អាយុ ៤៣ ឆ្នាំ បានស្លាប់បាត់បង់ជីវិតដោយសារ មានជម្ងឺលើសឈាម, ទឹកនោមផ្អែម ដែលជាជំងឺប្រចាំកាយ រួមបញ្ចូលទាំងការធ្វើតេស្តមានវិជ្ជមានកូវីដ-១៩ នៅក្នុងខ្លួន។

អាស្រ័យដូចដែលបានជម្រាបជូនខាងលើនេះ សូមប្រជាពលរដ្ឋទាំងអស់មេត្តាបង្កើនការប្រុងប្រយ័ត្ន និងបន្តអនុវត្តនូវវិធានការសុខាភិបាល និង៣ការពារ និង៣កុំ ដើម្បីជៀសវាងពីការឆ្លងជំងឺនេះ ដែលអាចបង្កគ្រោះថ្នាក់ដល់អាយុជីវិតដោយយថាហេតុណាមួយ៕

សេចក្ដីប្រកាសព័ត៌មានរបស់រដ្ឋបាលខេត្តមណ្ឌលគិរី 
សេចក្ដីប្រកាសព័ត៌មានរបស់រដ្ឋបាលខេត្តមណ្ឌលគិរី 
ទាក់ទងជាមួយ:
រូបភាព
អាន​បន្ថែម
Loading...
Loading...
Loading...
Loading...