ប្រុងប្រយ័ត្ន! រកឃើញទីតាំង ចំនួន ២បន្ថែមទៀត ពាក់ព័ន្ធអ្នកផ្ទុកកូវីដ១៩

ភ្នំពេញ៖ កាលពីរសៀលម្សិលមិញនេះ អនុគណៈកម្មការស្រាវជ្រាវជំងឺកូវីដ១៩បានប្រកាសរកឃើញអ្នក​វិជ្ជមានកូវីដ១៩ ដែលមានជាប់ពាក់ព័ន្ធនឹងទីតាំង​ ២កន្លែងបន្ថែមទៀតរួមមាន​៖

ទីតាំងទី១: ឃ្លាំងបោះដុំ យីហ៊ោ “ផ្ទះ90” (នៅជិតស្តុបបឹងកក់)ដែលមានទីតាំងស្ថិតនៅ ផ្ទះលេខ ៩០ ផ្លូវលេខ ៧០ សង្កាត់បឹងកក់២ ខណ្ឌទួលគោក។ ដោយមូលហេតុថ្ងៃទី ០៤ ខែមិថុនា ឆ្នាំ២០២១ អ្នកជំងឺកូវីដ១៩​​បានចូលទៅកាន់ទីតាំងខាងលើនេះ ដើម្បីទិញអីវ៉ាន់មួយចំនួន។​ ចំណែកបុគ្គលិកធ្វើការនៅទីតាំងខាងលើនេះមិនទាន់បានទៅយកសំណាកនៅឡើយទេ គិតត្រឹមព្រឹកថ្ងៃទី ៦ ខែមិថុនា​។

ដើម្បីសុវត្ថិភាពសូមដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ។

ទីតាំងទី២: ហាងលក់ខោអាវ Zando ដែលមានទីតាំងស្ថិតនៅផ្លូវ៣៥២កែង ៥៧ សង្កាត់បឹងកេងកង១ ខណ្ឌបឹងកេងកង។ មូលហេតុ ថ្ងៃទី ៣១ ខែឧសភា ឆ្នាំ២០២១ម៉ោង ១៥៖៤០ ដល់ ១៦៖៣០ អ្នកជំងឺកូវីដ១៩ បានចូលទៅកាន់ទីតាំងខាងលើនេះ ដើម្បីទិញសម្លៀកបំពាក់មួយចំនួន ហើយបុគ្គលិកនៅទីតាងខាងលើនេះបានចាក់វ៉ាក់សាំងរួចរាល់! យ៉ាងណាមិញ ដើម្បីសុវត្ថិភាពសូមដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ។

ប្រភព៖ អនុគណៈកម្មការស្រាវជ្រាវជំងឺកូវីដ១៩