បរទេស៖ តាមការចុះផ្សាយរបស់ទីភ្នាក់ងារសារព័ត៌មាន BBC បានឱ្យដឹងថា ឧទ្ធម្ភាគចក្រយោធាគុយបាមួយគ្រឿង បានធ្លាក់នៅតំបន់ភ្នំភាគខាងកើត​ប្រទេសគុយបាកាលពីព្រឹកថ្ងៃសុក្រកន្លងទៅនេះ ដែលជាហេតុបណ្តាលឱ្យមនុស្សចំនួន ៥នាក់ ត្រូវស្លាប់បាត់បង់ជីវិត។សេចក្តីថ្លែងការណ៍ខ្លីមួយរបស់កងកម្លាំងប្រដាប់អាវុធបដិវត្តគុយបាបាន​គូសបញ្ជាក់ថាឧទ្ធម្ភាគចក្របានធ្លាក់ភ្លាមៗ បន្ទាប់ពីហោះចេញពីតំបន់ភាគខាងកើត​ខេត្ត Holguín ​ក្នុងដំណើរដ៏ខ្លី ឆ្ពោះទៅកាន់ខេត្ត Guantánamo ។ យ៉ាងណាមិញ អត្តសញ្ញាណរបស់ជនរងគ្រោះ មិនទាន់ត្រូវបាន​គេបង្ហាញជាផ្លូវការនោះទេខណៈការស៊ើបអង្កេត​កំពុងចាប់ផ្តើមឡើង។គួររម្លឹកថា កាលពីខែឧសភា ឆ្នាំ ២០១៨ កន្លងទៅ ​មានហេតុការណ៍ធ្លាក់យន្តហោះដ៏គួរឱ្យរន្ធត់មួយបានកើតឡើងនៅប្រទេសគុយបា ដោយ​ក្នុងនោះអ្នកដំណើរសរុប ១១២នាក់ បានស្លាប់​ និងម្នាក់បាន​រស់រានមានជីវិត៕<figure><img src="https://cms.dmpcdn.com/article/2021/01/30/95757420-62d9-11eb-90b6-1f3a3e5f1e58_original.jpg" alt="រូបតំណាង" style="width:100%"/><figcaption>រូបតំណាង</figcaption></figure><figure><img src="https://cms.dmpcdn.com/article/2021/01/30/95bf7570-62d9-11eb-996e-413814b3f297_original.png" alt="ហេតុការណ៍នេះ កើតឡើង​កាលពីព្រឹកថ្ងៃសុក្រ" style="width:100%"/><figcaption>ហេតុការណ៍នេះ កើតឡើង​កាលពីព្រឹកថ្ងៃសុក្រ</figcaption></figure>

ធ្លាក់ឧទ្ធម្ភាគចក្រយោធាគុយបាមួយគ្រឿង បណ្តាលឱ្យមនុស្សចំនួន ៥នាក់ស្លាប់