ឥណ្ដូនេស៊ីមានករណីថ្មីកូវីដ១៩ រហូតដល់ជាង ១ម៉ឺននាក់ និងស្លាប់ជាង ២០០នាក់ គិតត្រឹមខែមករានេះ

ឥណ្ដូនេស៊ី៖ ចំនួនអ្នកឆ្លងថ្មីនៃជំងឺកូវីត១៩ នៅប្រទេសឥណ្ដូនេស៊ី បានកើតឡើងរហូតទៅដល់ ១៤,៥១៨នាក់ បើគិតត្រឹមនៅថ្ងៃសៅរ៍ ទី៣០ ខែមករានេះ ហើយចំនួនអ្នកស្លាប់ថ្មី ចំនួន២១០នាក់ ។បើគិតទាំងចំនួននេះ ប្រទេស​ឥណ្ដូនេស៊ីមានករណីឆ្លងសរុបចំនួន រហូតទៅដល់ ច្រើនជាង១.០៦ លាននាក់ និងចំនួនអ្នកស្លាប់សរុប រហូតទៅដល់ ២៩,៧២៨ នាក់ឯណោះ។

ប្រទេសឥណ្ដូនេស៊ី ត្រូវបានពិភពលោក រិកគន់ជាខ្លាំងទៅលើ ភាពខ្សោយ និងភាពយឺតនៃការធ្វើតេសដោយពឹងខ្លាំង​ទៅលើតែការចាក់ វ៉ាងសាំងតែមួយមុខ។​

ប្រសាសន៍របស់ប្រធានាធិបតី Joko Widodo បានកំណត់យ៉ាងច្បាស់ពីការចាក់វ៉ាងសាំង ទៅលើប្រជាជនទាំងអស់​ឲ្យបានរួចរាល់ក្នុងរយៈពេល ១៥ខែ តែបញ្ហាភូមិសាស្ត្រប្រទេសនេះ ត្រូវបានចោតជាបញ្ហាយ៉ាងធំ ក៏ព្រោះតែប្រទេស​នេះ​មានប្រជាជនច្រើនរហូតទៅដល់២៧០លាននាក់ ដែលរស់នៅលើ ប្រមាណជា ១៧,០០០ កោះផ្សេងៗគ្នាទៀត​ផង៕