កម្មវិធីសម្ពោធជាផ្លូវការនៃ DumexÒ SuperGold Kid ជំនាន់ថ្មី ដែលបានអភិវឌ្ឍជាមួយរូបមន្ត Ezycare មាន Fibers 3 ប្រភេទ ដើម្បីជួយទ្រទ្រង់ប្រព័ន្ធរំលាយអាហារសុខភាពល្អ! (មានវីដេអូ)

November 19, 2020

ភ្នំពេញ៖ ថ្ងៃទី១៩ ខែវិចិ្ឆកា ឆ្នាំ២០២០ – DumexÒ (ឌុយមិច) សូមណែនាំជូនម្សៅទឹកដោះគោ DumexÒ SuperGold Kid ជំនាន់ថ្មីដែលបានអភិវឌ្ឍជាមួយរូបមន្ត Ezycare មាន Fibers 3 ប្រភេទ ដើម្បីជួយទ្រទ្រង់ប្រព័ន្ធរំលាយអាហារសុខភាពល្អ។ (1) គោលដៅចម្បងរបស់ម៉ាកផលិតផលនេះ គឺជួយគាំទ្រដល់ដំណើរជីវិតអ្នកម្តាយក្នុងការចិញ្ចឹមបុត្រធីតាឲ្យលូតលាស់ និងអភិវឌ្ឈបានល្អប្រសើរទៅតាមសក្តានុពលពេញលេញរបស់កូន ដោយចាប់ផ្តើមពីការថែទាំសុខភាពក្រពះពោះវៀនរបស់កូន។

លោកស្រី ហុង ស្រីយក់កែម ប្រធានផ្នែកទីផ្សារនៃក្រុមហ៊ុន Danone Cambodia បានមានប្រសាសន៍ថា៖

“ក្នុងនាមជាម៉ាក់ម្នាក់ដែលមានកូនបីនាក់ នាងខ្ញុំពិតជាយល់ច្បាស់ពីឧបសគ្គ ក្តីកង្វល់ និងសុភមង្គលរបស់អ្នកម៉ាក់។ ជាទូទៅក្តីកង្វល់របស់ម៉ាក់គឺ ពេលកូនឈឺ ឬមានអាការៈមិនស្រួលណាមួយ និងកូនមិនលូតលាស់ និងអភិវឌ្ឍទៅតាមអាយុរបស់គាត់។”
— ប្រសាសន៍របស់លោកស្រី ហុង ស្រីយក់កែម

លោកស្រីបន្តទៀតថា៖

“កូនលូតលាស់បានល្អចាប់ផ្តើមពីក្រពះពោះវៀនសុខភាពល្អ។ ក្រពះពោះវៀនជាមូលដ្ឋានគ្រឹះនៃអត្ថប្រយោជន៍ផ្សេងៗទៀត។ ក្រពះពោះវៀនសុខភាពល្អអាចទទួលបានតាមរយៈការទទួលទានអាហារដែលមានតុល្យភាព និងអាហារសរសៃឬហៅថា Fibers ឲ្យបានគ្រប់គ្រាន់។ ដូច្នេះហើយនាងខ្ញុំត្រូវតែថែទាំសុខភាពក្រពះពោះវៀនរបស់កូន ដោយប្រាកដថាកូនទទួលទានអាហារូបត្ថម្ភដែលល្អបំផុតរាល់ថ្ងៃ។”
— ប្រសាសន៍របស់លោកស្រី ហុង ស្រីយក់កែម

ពិធីសម្ពោធផលិតផលម្សៅទឹកដោះគោ DumexÒ SuperGold Kid ជំនាន់ថ្មី

លោក ស៊ាង ប៊ុនឡៃ ប្រធានផ្នែកអាហារូបត្ថម្ភនៃ ក្រុមហ៊ុន Danone Cambodia មានប្រសាសន៍ថា៖

“ក្រពះពោះវៀន គឺអស្ចារ្យជាងអ្វីដែលយើងគិត។ ការសិក្សាជាច្រើនបានបង្ហាញពីលក្ខណៈពិសេសដែលបណ្តាលមកពីក្រពះពោះវៀនសុខភាពល្អ។ ប៉ុន្តៃថ្ងៃនេះ ខ្ញុំបាទសូមចែករំលែកទៅអ្នកទាំងអស់គ្នាថា ក្រពះពោះវៀនសុខភាពល្អបណ្តាលឲ្យមានលក្ខណៈពិសេស ៧ យ៉ាងរួមមាន ផាសុកភាពប្រព័ន្ធរំលាយអាហារ ការបឺតស្រូបសារធាតុចិញ្ចឹមបានល្អ ពោះវៀនដំណើរការល្អ ប្រព័ន្ធការពាររាងកាយរឹងមាំ ការលូតលាស់និងអភិវឌ្ឍល្អប្រសើរ ឥទ្ធិពលលើការអភិវឌ្ឍខួរក្បាល និងឥទ្ធិពលលើអារម្មណ៍។”
— ប្រសាសន៍របស់លោក ស៊ាង ប៊ុនឡៃ

លោក Denis Phelps ប្រធានគ្រប់គ្រងប្រចាំប្រទេសនៃក្រុមហ៊ុន Danone Cambodia បានមានប្រសាសន៍បន្ថែមថា៖

“នៅ Danone យើងយល់ពីតម្រូវការនិងបំណងប្រាថ្នារបស់អ្នកម្តាយដែលតែងតែព្យាយាមផ្តល់នូវអ្វីដែលល្អបំផុតសម្រាប់កូនៗរបស់គាត់ ហើយសុភមង្គលរបស់គាត់គឺ ឃើញកូនលូតលាស់បានល្អប្រសើរ។ ហើយនេះជាមូលហេតុដែល DumexÒ SuperGold Kid ជំនាន់ថ្មីត្រូវបានអភិវឌ្ឍនិងណែនាំជូនក្នុងទីផ្សារប្រទេសកម្ពុជា។”
— ប្រសាសន៍របស់លោក Denis Phelps

សូមបញ្ជាក់ថា ម្សៅទឹកដោះគោ DumexÒ SuperGold Kid ជំនាន់ថ្មី បានអភិវឌ្ឍជាមួយរូបមន្ត Ezycare ដែលមាន Fibers 3 ប្រភេទ DHA និងសារធាតុចិញ្ចឹមសំខាន់ៗជាច្រើន ដើម្បីជួយទ្រទ្រង់ដល់ប្រព័ន្ធរំលាយអាហារសុខភាពល្អ ការអភិវឌ្ឍខួរក្បាល និងការលូតលាស់ល្អប្រសើរ។ (1-3)

ផលិតផលនេះអាចរកជាវបាននៅគ្រប់បណ្តាហាងទូទាំងប្រទេស។ សម្រាប់ព័ត៌មានបន្ថែម សូមទាក់ទងទៅកាន់សេវាបំរើអតិថិជនដោយឥតគិតថ្លៃ តាមរយៈលេខទូរស័ព្ទ 1800-212-160 ឬចូលទៅកាន់គេហទំព័រ www.konchhlatclub.com.kh ឬទំព័រហ្វេសប៊ុក Dumex Super Gold Kids Club។

អំពី DanoneCambodia

នៅ Danone Cambodia យើងមានការប្តេជ្ញាយ៉ាងមោះមុតក្នុងការបំពេញតម្រូវការអតិថិជិន។ យើងមានមោទនភាពក្នុងការផ្តល់ជូននូវផលិតផលដែលមានគុណភាពខ្ពស់ប្រកបដោយសុវត្ថិភាពដោយផ្អែកលើវិទ្យាសាស្រ្តនិងផ្តល់នូវអាហារូបត្ថម្ភសមស្របនៅពេលដ៏ត្រឹមត្រូវដល់អ្នកម្តាយដែលកំពុងមានផ្ទៃពោះអ្នកម្តាយដែលបំបៅដោះកូន និងកុមារ។

Danone Cambodia គឺជាសមាជិករបស់ Danone Group។ Danone ជាក្រុមហ៊ុនមួយក្នុងចំណោមក្រុមហ៊ុនអាហារូបត្ថម្ភឈានមុខគេនៅលើពិភពលោកដែលមានវត្តមាននៅលើទីផ្សារចំនួន 130 ប្រទេស និងមានអាជីវកម្មធំៗចំនួន 3 ដូចជា ផលិតផលទឹកដោះគោស្រស់ (Fresh Dairy Products), ឯកទេសអាហារូបត្ថម្ភ (Specialized Nutrition) និងទឹក (Water)។ តាមរយៈបេសកកម្ម និងការប្តេជ្ញាចិត្តទ្វេដងដើម្បីភាពជោគជ័យនៃអាជីវកម្ម និងវឌ្ឍនភាពសង្គម ក្រុមហ៊ុនមានគោលបំណងលើកកំពស់អនាគតប្រកបដោយសុខភាពល្អ តាមរយៈការផ្តល់នូវសុខភាពកាន់តែប្រសើរ ការរស់នៅប្រកបដោយគុណភាព និងពិភពលោកដ៏ប្រសើរដល់ភាគីពាក់ព័ន្ធទាំងអស់ រួមមាននិយោជិកចំនួន 10 ម៉ឺននាក់ អតិថិជន ដៃគូរអាជីវកម្ម អ្នកផ្គត់ផ្គង់ ម្ចាស់ភាគហ៊ុន និងសហគមន៍ទាំងអស់៕

វីដេអូ

កំណត់សម្គាល់៖
1) Trio fibers(Inulin+GOS*+icFOS*) ជាព្រីបាយអូទិក ដែលជួយជម្រុញកំណើននៃបាក់តេរីល្អ ដើម្បីជួយទ្រទ្រង់ប្រព័ន្ធរំលាយអាហារឲមានសុខភាពល្អ។
2) DHA ជាសារធាតុគ្រឹះដ៏សំខាន់សម្រាប់ទ្រទ្រង់ការអភិវឌ្ឈខួរក្បាល និងភ្នែកសម្រាប់កុមារត្រឹមអាយុ 3ឆ្នាំ។
3) វីតាមីននិងសារធាតុរ៉ែសំខាន់ៗ15មុខ ដូចជាស័ង្កសី ដែលមានសារៈសំខាន់សំរាប់ការលូតលាស់។

ទាក់ទងជាមួយ:

វីដេអូ

អានបន្ថែម