ហ្វីលីពីន៖ កាលពីថ្ងៃសុក្រ ទី០២ ខែមេសាឆ្នាំ២០២១ ប្រទេសហ្វីលីពីនបានរកឃើញអ្នកឆ្លងថ្មីជំងឺកូវីដ-១៩ រហូតដល់ទៅ ១៥,៣១០ករណី ដែលជាកំណត់ត្រាប្រចាំថ្ងៃខ្ពស់បំផុត ចាប់តាំងពីប្រទេសនេះត្រូវបានជំងឺកូវីដ-១៩រាតត្បាត ដោយធ្វើឲ្យចំនួនឆ្លងសរុបកើនដល់ ៧៧១,៤៩៧ករណី ខណៈមនុស្សចំនួន ១៧នាក់ទៀតបានស្លាប់នាំឲ្យចំនួនអ្នកស្លាប់សរុបកើនដល់ ១៣,៣២០នាក់។ក្នុងអំឡុងការកើនឡើងយ៉ាងគំហុកនេះ ទីប្រជុំជនក្នុងទីក្រុងម៉ានីល និងខេត្ដដាច់ស្រយាលចំនួន៤ ត្រូវបានបិទទ្វារយ៉ាងតឹងរ៉ឹង ដែលជាវិធានការទប់ស្កាត់ការកើនឡើងករណីឆ្លង របស់រដ្ឋាភិបាលហ្វីលីពីន។ជាមួយគ្នានេះ ប្រជាជនរស់នៅក្នុងតំបន់រដ្ឋធានី (ទីក្រុងម៉ានីល) និងខេត្ដមួយចំនួនរួមមាន ខេត្ដ Bulacan,Cavite, Laguna និង Rizal ត្រូវបានស្ថិតក្រោមបម្រាមគោចរដោយហាមឃាត់ការធ្វើដំណើរចាប់ពីម៉ោង ៦ល្ងាច រហូតដល់ម៉ោង ៥ព្រឹក។គួរឲ្យដឹងថា កាលពីថ្ងៃសុក្រនេះដែរ ហ្វីលីពីនបានក្លាយជាប្រទេសមួយក្នុងចំណោមប្រទេសទាំង៤ រួមមានប្រទេសបង់ក្លាដែស កេនយ៉ា និងប៉ាគីស្ថាន ត្រូវបានកត់ចូលបន្ថែមទៅក្នុងបញ្ជីក្រហមរបស់ប្រទេសអង់គ្លេសដោយប្រជាជនដែលមកពីប្រទេសមានក្នុងបញ្ជីក្រហមនេះ នឹងមិនត្រូវបានអនុញ្ញាតឲ្យចូលប្រទេសអង់គ្លេសឡើយ លើកលែងតែពួកគេជាជនជាតិអង់គ្លេស ឬ អៀរឡង់។ ហើយបម្រាមនេះ នឹងចូលជាធរមានចាប់ពីម៉ោង៤ព្រឹកថ្ងៃទី៩ ខែមេសា នេះតទៅ៕<figure style="text-align:center"><img src="https://cms.dmpcdn.com/article/2021/04/03/97834680-93a2-11eb-bea4-9b7a915c0478_original.jpg" alt="ពលរដ្ឋនៅហ្វីលីពីន" style="width:100%"/><figcaption>ពលរដ្ឋនៅហ្វីលីពីន</figcaption></figure><figure style="text-align:center"><img src="https://cms.dmpcdn.com/article/2021/04/03/b822c060-9428-11eb-bea4-9b7a915c0478_original.jpg" alt="ពលរដ្ឋនៅហ្វីលីពីន" style="width:100%"/><figcaption>ពលរដ្ឋនៅហ្វីលីពីន</figcaption></figure><figure style="text-align:center"><img src="https://cms.dmpcdn.com/article/2021/04/03/b86bd750-9428-11eb-8b27-db7c51a78b67_original.jpg" alt="ពលរដ្ឋនៅហ្វីលីពីន" style="width:100%"/><figcaption>ពលរដ្ឋនៅហ្វីលីពីន</figcaption></figure>

ម្សិលមិញ ហ្វីលីពីនរកឃើញអ្នកឆ្លងកូវីដ-១៩ ច្រើនបំផុតក្នុងមួយថ្ងៃ មិនធ្លាប់មានពីមុន