ធ្យូប កាហ្វេ បើកសម្ពោធជាផ្លូវការសាខា ដំរីផាក 598 និងផ្ដល់ជូនរង្វាន់រហូតដល់ 668 រង្វាន់!

ភ្នំពេញ៖ ធ្យូប កាហ្វេ សាខាដំរីផាក ៥៩៨ បានបើកសម្ពោធជាផ្លូវការនៅថ្ងៃទី 29 ខែ មករា ឆ្នាំ 2023 ជាមួយការផ្ដល់ជូនរង្វាន់រហូតដល់ទៅ 668 រង្វាន់។

ធ្យូប កាហ្វេ ត្រូវបានពេញនិយម និងគាំទ្រយ៉ាងខ្លាំងក្លាពីសំណាក់ប្រជាជនខ្មែរ ដោយសារតែកាហ្វេមានតម្លៃសមរម្យ សេវាកម្មល្អ និងរហ័ស ព្រមទាំងផ្ដល់ជូននូវកាហ្វេដែលមានគុណភាពខ្ពស់ដល់អតិថិជន។

កញ្ញា ស៊ូ មុន្នីពេជ្រ អគ្គនាយិកានៃក្រុមហ៊ុន TUBE COFFEE មានប្រសាសន៍ថា ធ្យូប ដំរីផាក ជាសាខាទី ២៤ នៃសាខាទាំង ២៦ របស់យើង និងសាខាដំបូងដែលបានបើកសម្ពោធជាផ្លូវការក្នុងឆ្នាំ២០២៣។

ក្នុងឆ្នាំនេះផងដែរ ក្រុមហ៊ុនគ្រោងនឹងពង្រីកឲ្យបាន ១៥សាខាបន្ថែមទៀត ទៅកាន់បណ្ដាខេត្តដូចជាបាត់ដំបង សៀមរាប ប៉ោយប៉ែត បន្ទាយមានជ័យជាដើម ហើយក៏មានគម្រោងឈានជើងចូលក្នុងទីផ្សារអន្តរជាតិទៅកាន់ប្រទេសជិតខាងក្នុងពេលឆាប់ៗនេះដែរ៕