<p><b>កំពង់ចាម ៖</b> ពិតណាស់ កាលពីប៉ុន្មានថ្ងៃមុននេះ កក្រើកលើបណ្តាញសង្គមជាខ្លាំង ក្រោយពេលព៏ត៌មានផ្សព្វផ្សាយ ក្មេងស្រីម្នាក់ត្រូវគេធ្វើបាប ខណៈពេលជិះម៉ូតូត្រលប់មកផ្ទះវិញ រហូតដល់ថ្នាក់បាត់បង់ជីវិត យ៉ាងអណោចអធម ក្នុងចំការអ្នកស្រុក។</p><p>ជាមួយគ្នានេះ ក្រោយឃើញព័ត៌មានមិនទាន់បានប៉ុន្មានថ្ងៃផង ជនសង្ស័យក៏ត្រូវបាន សមត្ថកិច្ចប្រមាញ់បាន ហើយក៏បានសារភាពរួចរាល់ថា ខ្លួនពិតជាបានធ្វើបាបជនរងគ្រោះពិតមែន។</p><p>យ៉ាងណាមិញ បើងាកទៅមើល ការបកស្រាយរបស់មីងបង្កើតរបស់ ជនរងគ្រោះវិញនោះ រូបនាងជា ក្មេងស្រីគួរឲ្យស្រលាញ់ នរណាៗក៏អាណិតដែរ ទៅដល់ទីណាដឹងតែគេចូលចិត្ត ព្រោះរូបនាងជាក្មេងស្រី ឧស្សាហ៍ព្យាយាម ជាពិសេសគឺ ស្រលាញ់ការសិក្សាខ្លាំងណាស់ សូម្បីតែឈឺក៏មិនហ៊ានសម្រាកដែរ និងមានក្តីស្រមៃ ចង់រៀនពេទ្យ និងបញ្ចប់ការសិក្សាថ្នាក់ទី១២។</p><p>ទន្ទឹមនឹងនេះ មីងក្មេងស្រីបានបង្ហើបថា ខ្លួនសង្ស័យក្មួយមានបញ្ហា តែមិននឹកស្មានជួបរឿងអកុសលដូច្នេះឡើយ ព្រោះ តាមសម្គាល់ក្មេងស្រី តែងមកដល់ផ្ទះរាល់ល្ងាចនៅម៉ោង ៥និង៤០នាទី ឫមួយ ផ្តល់ដំណឹងមកអ្នកផ្ទះ រាល់ពេលជ្រុលម៉ោងយប់ មិនហ៊ានមកផ្ទះ ហើយស្នាក់នៅផ្ទះអ៊ំមួយផ្សេងទៀត តែថ្ងៃកើតហេតុ គ្មានដំណឹងសោះ ដល់ម៉ោង ៦និង២០នាទីហើយនោះ។</p><p>លុះចម្លែកប្លែកពេក មីងក៏បាន ជិះដើររកមានគ្នា៣នាក់ សាកសួរគេឯងតាមផ្លូវ តែគេមិនបានឃើញសោះ រីឯទៅសាកសួរមិត្តភក្តិរៀនជាមួយគ្នា ក៏ថា បានរៀនចប់ហើយបែកគ្នា រួចមកក៏ បានមិត្តភក្តិជនរងគ្រោះ ជួយដើររកបន្ថែមទៀត ស្រាប់តែចូលដល់បរិវេនចម្ការពោតហើយនោះ មីងក៏សុំប្អូនប្រុសបង្កើត ជាអ្នកបើកម៉ូតូឈរបញ្ចាំងគោម ហើយស្រែកហៅឈ្មោះក្មួយ ស្រាប់តែ មានចំណាំងផ្លាតចម្លែក ក៏បានឈប់ម៉ូតូ។</p><p>ពេលមកជុំគ្នាហើយ ក៏បានចុះទៅមើលជិត ស្រាប់តែឃើញម៉ូតូក្មួយស្រីនិងម៉ូតូជនសង្ស័យ បន្ទាប់មកក៏បំបែកគ្នារកមើលជនរងគ្រោះ ជាអកុសល មិត្តភក្តិក្មួយស្រីក៏ចាប់ផ្តើមយំ មីងក៏សួរមានរឿងអី រួចមកមិត្តភក្តិឆ្លើយថា ជនរងគ្រោះស្លាប់ហើយ ដោយក្នុងនោះ មីងបានបញ្ជាក់ថា សាកស.ពពេលនោះ គឺសម្រា.តកាយ សក់រញ៉េរញ៉ៃ ហើយក្រចកនិងដងខ្លួន សុទ្ធតែដី រួចមកក៏បាន ផ្តល់ដំណឹងទៅកាន់មេភូមិ។</p><p>គួរបញ្ជាក់ថា ចម្ងាយពីផ្ទះទៅសាលារៀន ដែលជនរងគ្រោះជិះរាល់ថ្ងៃគឺចម្ងាយ ១៥គីឡូម៉ែត្រ ក្នុងនោះ ៣គីឡូម៉ែត្រជា ផ្លូវលំ កន្លែងកើតហេតុនេះ នៅឆ្ងាយពីផ្ទះជាង១គីឡូម៉ែត្រប៉ុណ្ណោះ៕</p><p><b>បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖</b></p><figure style="text-align:center"><img src="https://cms.dmpcdn.com/article/2021/11/25/c97c8600-4dc5-11ec-a78b-67ef47df29ee_original.png" alt="ជនរងគ្រោះ" style="width:100%"/><figcaption>ជនរងគ្រោះ</figcaption></figure><figure style="text-align:center"><img src="https://cms.dmpcdn.com/article/2021/11/25/ca156aa0-4dc5-11ec-ab2a-5bed3f7657d3_original.png" alt="ជនរងគ្រោះ" style="width:100%"/><figcaption>ជនរងគ្រោះ</figcaption></figure><figure style="text-align:center"><img src="https://cms.dmpcdn.com/article/2021/11/25/cac99f70-4dc5-11ec-ab2a-5bed3f7657d3_original.png" alt="ជនសង្ស័យ" style="width:100%"/><figcaption>ជនសង្ស័យ</figcaption></figure><div style="text-align:center"><div style="width:100%;position:relative;padding-bottom:56.25%;height:0px"><iframe style="position:absolute;top:0;left:0;width:100%;height:100%" allowfullscreen="" allow="accelerometer; autoplay; encrypted-media; gyroscope; picture-in-picture" frameBorder="0" src="https://www.facebook.com/plugins/video.php?href=https://www.facebook.com/DNTNews/videos/2079920935517485&amp;show_text=false"></iframe></div><i>វីដេអូ</i></div><p><b>ប្រភព ៖ DNT News</b></p>

ខ្លោចចិត្ត! ជាក្មេងស្រីល្អម្នាក់ មិនគួរជួបរឿងនេះ មីងទម្លាយដើមហេតុ ក្រោយក្មួយបាត់បង់ជីវិត (មានវីដេអូ)