រុស្ស៊ីនឹងចាប់ផ្តើម​កម្មវិធី ចាក់វ៉ាក់សាំងកូវីដ១៩​ទ្រង់ទ្រាយធំ នៅសប្តាហ៍ក្រោយនេះ

ម៉ូស្គូ៖  ប្រធានាធិបតី  វ៉្លាឌីមៀរ ពូទីន បានបញ្ជាឱ្យរៀបចំកម្មវិធីចាក់វ៉ាក់សាំងប្រឆាំងនឹងមេរោគឆ្លងកូវីដ១៩ទ្រង់ទ្រាយធំសម្រាប់ប្រជាជនរុស្ស៊ី នៅសប្តាហ៍ក្រោយនេះ ដែលផ្តល់អថិភាពទៅលើ គ្រូពេទ្យ និង​ គ្រូបង្រៀនមុនគេ។ការបញ្ជានេះត្រូវធ្វើឡើង បន្ទាប់ពីចក្រភពអង់គ្លេសបានប្រកាសខ្លួនថាជាប្រទេសដំបូងគេ ដែល​​អនុម័តឱ្យប្រើប្រាស់ជាទូទៅនូវវ៉ាក់សាំងកូវីដ-១៩ របស់ក្រុមហ៊ុនឱសថPfizer និង​ BioNTech's។

លោក ពូទីន បានមានប្រសាសន៍ទៅកាន់ឧបនាយករដ្ឋមន្ត្រីរបស់លោកដូច្នេះថា៖

— វ៉្លាឌីមៀរ ពូទីន

លោក ពូទីន បាន​គូសបញ្ជាក់ថា ចំនួនថ្នាំវ៉ាក់សាំងSputnikV ប្រហែល ២លានដូស គឺកំពុងត្រូវបានផលិត​ ឬនឹងត្រូវផលិតក្នុងប៉ុន្មានថ្ងៃខាងមុខនេះ។គាត់បានបន្ថែមទៀតថា យើងចាំបាច់ត្រូវមានការប្រុងប្រយ័ត្ន ប៉ុន្តែខ្ញុំជឿជាក់លើឧស្សាហកម្មនិង​បណ្តាញរបស់យើងថាបានត្រៀមរួចរាល់ហើយ។

គួរបញ្ជាក់ផងដែរថា ប្រទេសរុស្សី គឺជាប្រទេសដំបូងគេដែលបានចុះបញ្ជីវ៉ាក់សាំងវីរុសកូវីដ-១៩ នៅក្នុងខែ សីហា ទោះបីការសាកល្បងវ៉ាក់សាំង Sputnik V នៅមិនទាន់ពេញលេញក៏ដោយ។ ​ហើយបន្ថែមពីនេះ ក្រុមអ្នកអភិវឌ្ឍន៍ បានអះអាងពីប្រសិទ្ធភាពវ៉ាក់សាំងរបស់ខ្លួនថាមាន ៩៥% ដោយផ្អែកលើលទ្ធផលសាកល្បងដំណាក់កាលទី ៣៕