ភ្នំពេញ​៖ ភោជនីយដ្ឋានឌីមសាំ ថ្មីមួយ បាន​បើក​ទ្វារទទួលស្វាគមន៍​អ្នក​ចូលចិត្តទទួលទាន​អាហារឌីមសាំ នៅរាជធានីភ្នំពេញកាលពីពេលថ្មីៗនេះ ដោយមាន​ម្ចាស់​ជាសហគ្រិន​វ័យ​ក្មេង​កូនកាត់​ខ្មែរ-ថៃ ដែលមាន​មហិច្ឆតា​លើកកម្ពស់ស្តង់ដារចំណីអាហារ និង​បង្ហាញថាម៉ាកយីហោ​កម្ពុជាក៏​​អាច​ប្រកួត​ប្រជែង​ជាមួយ​ម៉ាកយីហោ​អន្តរជាតិបានដែរ ។ KINBun House ដែលមាន​ទីតាំង​ស្ថិតនៅលើ​មហាវិថី ម៉ៅសេទុងក្បែរ​ស្តុបបូកគោ កណ្ដាលរាជធានី​ភ្នំពេញ ផ្ដោត​សំខាន់​ទៅ​លើ​ការចែករំលែក​បទពិសោធន៍ម្ហូបអាហារ​ជាមួយមិត្តភក្ដិ ​និងគ្រួសារ។ នេះ​បើ​យោងតាម​ស្ថាបនិក​ និង​ម្ចាស់​ភោជនីយដ្ឋាន លោក ថានិសន សេថាស៊ុផាង ។នៅជាប់នឹង​ភោជនីយដ្ឋាន KIN Bun House នេះ​តែម្ដង កាហ្វេ BestCoffee ក៏ត្រៀមខ្លួនបម្រើ​ដល់អតិថិជន​ខណៈពួកគេ​រីករាយ​ទទួលទាន​អាហារ ឌីមសាំ ផងដែរ ។<figure style="text-align:center"><img src="https://cms.dmpcdn.com/article/2021/11/02/8ae25c30-3b91-11ec-9f9e-97836cf025ee_original.jpg" alt="លោក ថានិសន សេថាស៊ុផាង ហៅ BIG" style="width:100%"/><figcaption>លោក ថានិសន សេថាស៊ុផាង ហៅ BIG</figcaption></figure>លោកថានិសន បាន​ថ្លែងថា ៖ <blockquote><aside>« នៅ KIN Bun House យើងជឿជាក់​ថា អាហារគឺជាអ្វីមួយ​ដែល​ផ្សារ​ភ្ជាប់​ទំនាក់ទំនង​រវាង​សមាជិកគ្រួសារ និងមិត្តភក្ដិនិង​បង្កើត​បានជាចំណងមួយ​ដែល​ស្ថិតស្ថេរ​យូរ​អង្វែង។ »</aside><label>— ការលើកឡើងរបស់លោក&nbsp;ថានិសន&nbsp;</label></blockquote>លោកថានិសន ដែលមានឈ្មោះក្រៅហៅថា «Big» កើតនៅក្នុងគ្រួសារដែលមានម្ដាយជា​ជនជាតិ​ខ្មែរ​ និង​ឪពុក​ជាជនជាតិថៃដែល​បាន​ប្រកប​មុខរបរ​អាជីវកម្ម​នៅក្នុងប្រទេស​កម្ពុជា​ជាង ៣ទសវត្សរ៍មក​ហើយ ។ លោក Bigបាន​បញ្ចប់​ការសិក្សា​ពី​សាលា Le Cordon Bleu ដែលជា​សាលារៀន​ជំនាញ​ម្ហូប​អាហារ​ដ៏ល្បីល្បាញ​មួយ​នៅលើពិភពលោក ។យោងតាម​លោក Big&nbsp; ភោជនីយដ្ឋាន KIN Bun House មាន​អត្ថន័យជ្រាលជ្រៅណាស់​ចំពោះរូបលោកនិងមានទំនាក់ទំនង​យ៉ាងជិតស្និទ្ធនឹងក្រុម​គ្រួសាររបស់​លោក ។​លោកBig លើកឡើង​យ៉ាងដូច្នេះ៖<blockquote><aside> « KIN គឺជា​ឈ្មោះ​ម្ដាយរបស់ខ្ញុំហើយ​ពាក្យ «kin» នេះ​ក៏មានន័យថា «គ្រួសារ» ផងដែរ។គ្រប់មុខម្ហូប​ដែល​យើង​ដាក់​នៅក្នុងម៉ឺនុយ យើងបាន​ប្រើ​​បេះដូង​ដើម្បី​ចម្អិន ​និង​បង្កើត​វា​ឡើង។ មិនថាគុណភាពនៃម្ហូប រសជាតិ ឬ​ការរៀបចំ​រចនា​វាទេគឺយើង​សុទ្ធតែជ្រើសរើស​យ៉ាង​ហ្មត់ចត់ជាទីបំផុត ដើម្បី​ធ្វើ​ឲ្យ​អតិថិជន​ពេញចិត្ត។ »</aside><label>— &nbsp; ការលើកឡើងរបស់លោក&nbsp;ថានិសន</label></blockquote><figure style="text-align:center"><img src="https://cms.dmpcdn.com/article/2021/11/02/8c8c62b0-3b91-11ec-9f9e-97836cf025ee_original.jpg" alt="ហាង KIN Bun House" style="width:100%"/><figcaption>ហាង KIN Bun House</figcaption></figure>សហគ្រិន​ស្ត្រីលេចធ្លោ​មួយរូប​នៅកម្ពុជាអ្នកស្រី ជា សុខលាង គឺជា​ស្ថាបនិក​ និង​​ជា​អគ្គនាយិកាក្រុមហ៊ុន ECO Great Mekong Solutions។អ្នកស្រី​បាន​មាន​ប្រសាសន៍ថា អ្នកស្រី​ឧស្សាហ៍​នាំឪពុកម្ដាយ​មកទទួល​ទាន​អាហារ​នៅភោជនីយដ្ឋានKIN Bun House នេះណាស់ ។ អ្នកស្រីជា សុខលាង បានពោល​យ៉ាងដូច្នេះ​អំពី​ KIN Bun House ៖<blockquote><aside>« វាជាកន្លែង​ល្អបំផុត​ សម្រាប់​ការជួបជុំ​អាហារពេលព្រឹក​ជាមួយគ្រួសារ ​និងមិត្តភក្ដិ។ ខ្ញុំ​នាំ​ប៉ា​ម៉ាក់​មក​ទទួល​ទាន​អាហារនៅ KIN Bun House ជាញឹកញាប់ប្រហែលពី ២ ទៅ ៣ដង ក្នុង​មួយសប្ដាហ៍ ។ វាជាអាហារដែល​ងាយស្រួល និង​មាន​សុខភាព​ល្អ ហើយសេវាវិញ គឺ​ល្អ​មែនទែន។ » </aside><label>— ការលើកឡើងរបស់លោកស្រី&nbsp;ជា សុខលាង&nbsp;</label></blockquote><figure style="text-align:center"><img src="https://cms.dmpcdn.com/article/2021/11/02/8dfb8310-3b91-11ec-8c2b-9d6464371799_original.jpg" alt="ហាង KIN Bun House" style="width:100%"/><figcaption>ហាង KIN Bun House</figcaption></figure>អ្នកស្រីសុខលាង បាន​បន្ថែមថា៖ <blockquote><aside>« ជារឿយៗ ពេល​ញ៉ាំហើយខ្ញុំ​តែងតែខ្ចប់​ផ្ញើមិត្តភក្ដិផ្ញើបុគ្គលិកនៅ​ការិយាល័យ​ទៀត។ ការវេចខ្ចប់គាត់ក៏ស្អាត ហើយ​នំមានរសជាតិក៏ឆ្ងាញ់។ខ្ញុំ​មិនស្ទាក់ស្ទើរ​ក្នុងការ​ណែនាំឲ្យបងប្អូនមិត្តភក្ដិ​មកញ៉ាំអ្វីដែលឆ្ងាញ់ ដូចយើងបានទទួលទានអ៊ីចឹងដែរ។ បើ​អ្នក​អញ្ជើញមក ខ្ញុំជឿថាអ្នកនឹងចូលចិត្តរសជាតិ​ដ៏ពិសេស​ ឌីមសាំ នៅទីនេះ។ » </aside><label>— &nbsp; ការលើកឡើងរបស់លោកស្រី&nbsp;ជា សុខលាង</label></blockquote><figure style="text-align:center"><img src="https://cms.dmpcdn.com/article/2021/11/02/8f6ced60-3b91-11ec-9f9e-97836cf025ee_original.jpg" alt="មុខម្ហូបនៅក្នុងហាង&amp;nbsp;KIN Bun House" style="width:100%"/><figcaption>មុខម្ហូបនៅក្នុងហាង&nbsp;KIN Bun House</figcaption></figure>ភោជនីយដ្ឋាន​ដែលមាន​ទស្សនវិស័យដ៏មហិច្ឆតាKINBun House មាន​គោលការណ៍ស្នូល​ដ៏គួរឲ្យ​ចាប់អារម្មណ៍៖ គុណភាពភាពងាយស្រួល និងតម្លៃធូរថ្លៃ។ យោងតាមលោក Big ដែល​ជា​ម្ចាស់​ភោជនីយដ្ឋានលោក​ប្ដេជ្ញាធ្វើ​ឲ្យ​អាហារ​ឌីមសាំ​នៅ KIN Bun House មានគុណភាព​តាមស្តង់ដារ​អន្តរជាតិប៉ុន្តែតម្លៃវិញ គឺធូរថ្លៃដែលអ្នកណាៗក៏អាច​ទទួល​ទាន​បានដែរ ។ ភោជនីយដ្ឋាន​នេះ​ មានផែនការដ៏មហិច្ឆតាមួយ​សម្រាប់អនាគតគឺ​ចង់​ប្រែក្លាយខ្លួន​ទៅជា​ម៉ាកយីហោ​ក្នុងស្រុកមួយ​ដែលមាន​ស្តង់ដារ​អន្តរជាតិដែលអាច​លក់សិទ្ធិអាជីវកម្ម franchise បន្ត​ទៅ​កាន់​បណ្ដា​ប្រទេស​ផ្សេងៗទៀត​នៅក្នុង​តំបន់ថែមទៀត​ផង។ លោកBig បាន​និយាយ​យ៉ាងដូច្នេះ​ថា៖ <blockquote><aside>« អាជីវកម្ម franchise នៅកម្ពុជា កំពុង​មានការពេញនិយម​កាន់តែ​ខ្លាំងឡើងៗ។ Franchise ភាគច្រើនសុទ្ធតែមកពីបរទេស។ គោលដៅរបស់​យើង គឺ​កសាង​ KIN Bun Houseឲ្យក្លាយជា​ franchise ក្នុង​ស្រុកមួយ​ដែលមាន​ស្តង់ដារអន្តរជាតិ។ » </aside><label>— &nbsp; ការលើកឡើងរបស់លោក&nbsp;ថានិសន</label></blockquote>លោក Big បានបន្ថែមទៀតថា៖&nbsp;<blockquote><aside>« យើង​វិនិយោគ​យ៉ាងច្រើន​ទៅ​លើ​ការកសាង​ម៉ាកយីហោ​របស់​យើងឲ្យ​មានស្តង់ដារអន្តរជាតិ&nbsp; ដើម្បី​ត្រៀមខ្លួនយើង​សម្រាប់​ការពង្រីក​ទៅតាមបណ្ដាខេត្តក្រុងធំៗ នៅក្នុងស្រុកនិង​ទៅកាន់​ក្រៅស្រុក នៅពេលអនាគត» ។</aside><label>— &nbsp; ការលើកឡើងរបស់លោក&nbsp;ថានិសន</label></blockquote><figure style="text-align:center"><img src="https://cms.dmpcdn.com/article/2021/11/02/90e00560-3b91-11ec-9f9e-97836cf025ee_original.jpg" alt="មុខម្ហូបនៅក្នុងហាង KIN Bun House" style="width:100%"/><figcaption>មុខម្ហូបនៅក្នុងហាង KIN Bun House</figcaption></figure>ត្រៀមខ្លួនរួចស្រេចដើម្បីការបើកប្រទេសឡើងវិញ នៅមុនពេល​នៃការផ្ទុះឡើងនូវជំងឺរាតត្បាតកូវីដ-១៩ វិស័យ​ភោជនីយ​ដ្ឋាន​នៅកម្ពុជា​បាន​រីកលូតលាស់​យ៉ាង​ខ្លាំង ។ ហើយលោក Bigជឿជាក់ថាភ្ញៀវទេសចរ​ និងវិនិយោគិន​ជាច្រើន​​នឹងវិលត្រឡប់​ចូល​មក​កម្ពុជា​សាជាថ្មីនៅពេល​ដែល​ប្រទេសនេះ​បើកឡើង​វិញ បន្ទាប់ពី​ជួបវិបត្តិ​ជំងឺឆ្លង​អស់រយៈពេល​ជិត​២ឆ្នាំ​កន្លងមកដោយសារតែកម្ពុជាមានអត្រាចាក់វ៉ាក់សាំង​ឲ្យ​ប្រជាជនរួចរាល់ខ្ពស់បំផុត​នៅក្នុងតំបន់ ។ លោកBig និយាយថា នៅក្នុងភោជនីយដ្ឋាន KIN Bun House វិធានការ​បង្ការ​ត្រូវបាន​អនុវត្ត​យ៉ាង​ហ្មត់ចត់ជាទីបំផុតដើម្បីប្រយុទ្ធប្រឆាំងនឹងជំងឺឆ្លងរាតត្បាតហើយ​បុគ្គលិកទាំងអស់​សុទ្ធតែទទួលបាន​ការបណ្ដុះបណ្ដាល​ ដើម្បីត្រៀមលក្ខណៈ​សម្រាប់ទទួល​ភ្ញៀវ ​ដែល​នឹង​អញ្ជើញមកច្រើន​កុះករ​នាពេល​ខាងមុខ។ លោកBig និយាយ​យ៉ាងដូច្នេះ​ថា ៖ <blockquote><aside>« នៅ KIN Bun House យើង​យកចិត្តទុកដាក់ចំពោះ​អតិថិជន​របស់​យើង ​ប្រៀបបីដូចជាពួកគាត់​ជា​​មិត្តភក្ដិ​ជិតដិត និងជា​សមាជិក​​ក្រុម​គ្រួសារយើងអ៊ីចឹងដែរ » ។&nbsp;</aside><label>— &nbsp; ការលើកឡើងរបស់លោក&nbsp;ថានិសន</label></blockquote><figure style="text-align:center"><img src="https://cms.dmpcdn.com/article/2021/11/02/92774730-3b91-11ec-b350-619bf638b300_original.jpg" alt="មុខម្ហូបនៅក្នុងហាង KIN Bun House" style="width:100%"/><figcaption>មុខម្ហូបនៅក្នុងហាង KIN Bun House</figcaption></figure>

សហគ្រិនកូនកាត់ខ្មែរ-ថៃ បើក​ភោជនីយដ្ឋានឌីមសាំ ក្នុង​​មហិច្ឆតា​បង្កើត Franchise ក្នុងស្រុកឲ្យ​មានស្តង់ដារ​អន្តរជាតិ