ករណីស្លាប់ បុរសជនជាតិខ្មែរ ដោយសារជំងឺកូវីដ១៩ នៅ ខេត្តត្បូងឃ្មុំ

កំពង់ចាម៖ អាជ្ញាធរខេត្តកំពង់ចាម បានប្រកាសឲ្យដឹងថា នាពេលម្សិលមិញនេះមានករណីបុរសម្នាក់បានស្លាប់ដោយសារតែជំងឺកូវីដ១៩ ម្នាក់ទៀតហើយ នៅឯខេត្តត្បូងឃ្មុំ នាពេលម៉ោង៣ទៀបភ្លឺ ម្សិលមិញនេះ។

ដោយឡែក បុរសរូបនេះ មានអាយុ៣៨ឆ្នាំ​ មានមុខរបរជាកសិករ រស់នៅភូមិព្រែកជីក ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ។ ដោយមុនដំបូង នៅថ្ងៃទី០៦ ខែមិថុនា ឆ្នាំ២០២១​ អ្នកជំងឺរូបនេះបានចូលមកសម្រាកនៅមន្ទីរពេទ្យខេត្តកំពង់ចាម ដោយរោគវិនិច្ឆ័យលើសឈាម បន្ទាប់មកចូលមកដល់ថ្ងៃទី០៨ ខែមិថុនា​ ឆ្នាំ២០២១​ បុរសរូបនេះធ្វើតេស្តមេរោគកូវីដ១៩ ដោយទទួលបានលទ្ធផលវិជ្ជមាន​ ទើបលោកត្រូវបញ្ជូនទៅមន្ទីរពេទ្យមេគង្គកំពង់ចាម ដោយសារលោកធ្លាប់មានជំងឺលើសឈាម។ ដោយជំងឺចេះវិវត្តធ្ងន់ៗ គ្រូពេទ្យជំនាញបានយកចិត្តទុកដាក់ជួយសង្គ្រោះអ្នកជំងឺប៉ុន្តែនៅតែមិនអាច ជួយអ្នកជំងឺបាន។ អ្នកជំងឺបានស្លាប់ នៅថ្ងៃទី១០ ខែមិថុនា ឆ្នាំ២០២១ វេលាម៉ោង៣ ទៀបភ្លឺ។

យ៉ាងណាមិញ រដ្ឋបាលខេត្តកំពង់ចាម បានចូលរួមចំណែកសោកស្តាយជាពន់ពេក និងចូលរួមមរណទុក្ខយ៉ាងក្រៀមក្រំជាទីបំផុតជាមួយក្រុមគ្រួសារសពផងដែរ៕

 ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមចូលអានព័ត៍មានលម្អិតខាងក្រោម៖