ភ្នំពេញ​៖ នាល្ងាចថ្ងៃទី២១ ខែធ្នូ ឆ្នាំ២០២១&nbsp;សហគ្រិនខ្មែរ ជាស្ថាប័នបង្កើតឡើងដោយក្រសួងសេដ្ឋកិច្ចនិងហិរញ្ញវត្ថុ បានរៀបចំកម្មវិធី “ប្រគល់ពានរង្វាន់សហគ្រិនខ្មែរឆ្នាំ២០២១” នៅសណ្ឋាគារសូហ្វីតែលភ្នំពេញភូគីត្រាក្រោមអធិបតីភាពដ៏ខ្ពង់ខ្ពស់ ឯកឧត្តម​ វង្សី វិស្សុតរដ្ឋមន្រ្តី ប្រតិភូអមនាយករដ្ឋមន្រ្តីរដ្ឋលេខាធិការប្រចាំការ ក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុម ប្រឹក្សាបរធនបាលនៃមូលនិធិអភិវឌ្ឍសហគ្រិនភាព​។<figure style="text-align:center"><img src="https://cms.dmpcdn.com/article/2021/12/22/13ea2870-6327-11ec-ad12-57dfdb68f6dc_original.jpg" alt="&amp;nbsp; &amp;nbsp;ឯកឧត្តម វង្សី&amp;nbsp;វិស្សុត" style="width:100%"/><figcaption>&nbsp; &nbsp;ឯកឧត្តម វង្សី&nbsp;វិស្សុត</figcaption></figure>ឯកឧត្តម វង្សីវិស្សុត បានមានប្រសាសន៍ថា៖​​ <blockquote><aside>«សម្តេចអគ្គមហាសេនាបតីតេជោ ហ៊ុន សែន មានចក្ខុវិស័យវែងឆ្ងាយក្នុងការកសាង និងលើកស្ទួយសហគ្រិនភាពនៅក្នុងការដឹកនាំវិស័យឯកជនដែលជាដៃគូរក្នុងកិច្ចអភិវឌ្ឍរបស់រាជរដ្ឋាភិបាល និងជាកម្លាំងចលករក្នុងការអូសទាញកំនើនសេដ្ឋកិច្ចជាតិ»។</aside></blockquote><figure style="text-align:center"><img src="https://cms.dmpcdn.com/article/2021/12/22/16d78460-6327-11ec-ad12-57dfdb68f6dc_original.jpg" alt="&amp;nbsp; កម្មវិធី “ប្រគល់ពានរង្វាន់សហគ្រិនខ្មែរឆ្នាំ២០២១”" style="width:100%"/><figcaption>&nbsp; កម្មវិធី “ប្រគល់ពានរង្វាន់សហគ្រិនខ្មែរឆ្នាំ២០២១”</figcaption></figure>ឯកឧត្តម វង្សីវិស្សុត បានមានប្រសាសន៍បន្តទៀតថា៖​​ <blockquote><aside>«កម្មវិធីប្រគល់ពានរង្វាន់សហគ្រិនខ្មែរឆ្នាំ២០២១​ ជាសកម្មភាពមួយក្នុងចំណោមកម្មវិធីស្នូលរបស់សហគ្រិនខ្មែរក្នុងការលើកស្ទួយវិស័យសហគ្រិនភាពនៅកម្ពុជាឱ្យកាន់តែប្រសើរ តាមរយៈការបង្កើតបរិយាកាសអំណោយផលដល់សហគ្រិនឲ្យបានសិក្សា រៀនសូត្រ សាកល្បងសមត្ថភាព និងកសាងបណ្ដាញក្នុងប្រព័ន្ធអេកូឡូស៊ីសហគ្រិនភាពឱ្យកាន់តែមានភាពប្រទាក់ក្រឡា និងរឹងមាំ​ដេីម្បីកសាងមេទ័ព ឬអ្នកដឹកនាំពូកែៗក្នុងវិស័យឯកជនដេីម្បីប្រយុទ្ធប្រកួត​ប្រជែងក្នុងសមរភូមិសេដ្ឋកិច្ចក្នុងគោលដៅនៃការកសាងភាពរឹងមាំ​ ភាពធន់និងទ្រទ្រង់ចីរភាព កំណេីននៃសេដ្ឋកិច្ចជាតិក្នុងរយៈពេលវែង»។</aside></blockquote>កម្មវិធី “ប្រគល់ពានរង្វាន់សហគ្រិនខ្មែរឆ្នាំ២០២១” ត្រូវបានរៀបចំអស់រយៈពេលពេញ១ឆ្នាំ ដែលតម្រូវឲ្យមានការលើកទឹកចិត្តទៅតាមតម្រូវការរៀងៗខ្លួនជាលទ្ធផលមានជ័យលាភីសរុបចំនួន ១៤ ពាន៖ “ពានរង្វាន់ពន្លកសហគ្រិនខ្មែរ” (Highschool Awards) មាន&nbsp;៣ពានរង្វាន់ បានសហការជាមួយដៃគូDancingRains ផ្តោតលើសិស្សានុសិស្សវិទ្យាល័យដើម្បីទទួលបានការជម្រុញឲ្យក្លាយជាទំពាំងស្នងឬស្សី ក្នុងវិស័យសហគ្រិនភាព។“ពានរង្វាន់សហគ្រិនក្នុងធុរកិច្ចបង្កើតថ្មី” (Startup Awards) មាន&nbsp;៦ពានរង្វាន់ ដែលបានសហការជាមួយដៃគូ Mango Tango Asia ផ្តល់ជាវេទិកាក្នុងការបង្ហាញពីគំនិតផ្តួចផ្តើម ដើម្បីបំប្លែងគំនិតទាំងនោះជាអាជីវកម្មដែលមានតំរូវការក្នុងទីផ្សារ​។ “ពានរង្វាន់សហគ្រិនវ័យក្មេងកម្ពុជា” (SME Awards) មាន&nbsp;៥ពានរង្វាន់​ ដែលមានកិច្ចសហការពីសមាគមសហគ្រិនវ័យក្មេងកម្ពុជា (YEAC) ក្នុងគោលបំណងបង្កើតបរិយាកាសសមរម្យក្នុងការផ្សព្វផ្សាយបន្ថែមពីអាជីវកម្មជាសាធារណៈបង្កើតបណ្ដាញទំនាក់ទំនងជាមួយដៃគូវិនិយោគ ជួយសម្រួលនិតិវិធីប្រតិបត្តិការ និងការអនុលោមតាមច្បាប់​​ដែលគាំទ្រដល់ការលូតលាស់របស់សហគ្រាសធនតូចនិងមធ្យម។ឯកឧត្តមបណ្ឌិតឈៀង វណ្ណមុនិណ្ឌ នាយកប្រតិបត្តិសហគ្រិនខ្មែរ បានមានប្រសាសន៍ថា៖​​ <blockquote><aside>«សហគ្រិនខ្មែរ​ មានចក្ខុវិស័យក្លាយជាថ្នាលជាតិក្នុងការលើកកម្ពស់ប្រព័ន្ធអេកូឡូស៊ីសហគ្រិនភាព គ្រប់តំបន់នៅក្នុងប្រទេសកម្ពុជាឲ្យបានទូលំទូលាយនិងគ្របដណ្តប់សហគ្រិនគ្រប់ប្រភេទ សំដៅបង្កើន សហគ្រិនជំនាន់ថ្មី ដែលនឹងជំនួស ឬបន្ថែមជាធនធានមនុស្ស ដើម្បីបង្កើតអាជីវកម្មបែបថ្មីឲ្យកាន់តែច្រើន។»</aside></blockquote>កម្មវិធីទាំងមូលបានបញ្ចប់ដែលមានការចូលរួមពីភ្ញៀវកិត្តិយស ទាំងស្ថាប័នរដ្ឋនិងវិស័យឯកជន។ គួរបញ្ជាក់ផងដែរថា សហគ្រិនខ្មែរ ជាស្ថាប័នទី១ ដែលបានរៀបចំកម្មវិធីលើកកម្ពស់វិស័យសហគ្រិនភាពទាំង ៣ប្រភេទ ក្នុងកំឡុងពេលវិបត្តិកូវិដ១៩ ក្នុងឆ្នាំតែ១ ហើយសម្រេច និងបញ្ចប់បានក្នុងពេលតែ១​។ បន្ថែមពីនេះសហគ្រិនខ្មែរ រំពឹងថានឹងបន្តរៀបចំកម្មវិធី ប្រកួតនិងប្រគល់ពានរង្វាន់បែបនេះឲ្យក្លាយជាព្រឹត្តិការណ៏ប្រចាំឆ្នាំ ក្នុងការលើកទឹកចិត្តដល់សហគ្រិនក្នុងស្រុកឲ្យចូលរួមប្រកួតប្រជែងបង្កើន សមត្ថភាព និងអភិវឌ្ឍអាជីវកម្មប្រកបដោយចីរភាព។ ដោយឡែកសហគ្រិនដែលមិនបានដាក់ពាក្យប្រកួតប្រជែងក្នុងកម្មវិធីរបស់សហគ្រិនខ្មែរ ​ហើយយល់ថាខ្លួនមានសមត្ថភាពពេញលេញសូមដាក់ពាក្យចូលរួមប្រកួតប្រជែងក្នុងកម្មវិធីរបស់ សហគ្រិនខ្មែរ នាឱកាសក្រោយៗទៀត៕<figure style="text-align:center"><img src="https://cms.dmpcdn.com/article/2021/12/22/17d48200-6327-11ec-926d-15625161706e_original.jpg" alt="សមាជិកបរធនបាល និង ក្រុមប្រឹក្សាយោបល់ របស់សហគ្រិនខ្មែរ" style="width:100%"/><figcaption>សមាជិកបរធនបាល និង ក្រុមប្រឹក្សាយោបល់ របស់សហគ្រិនខ្មែរ</figcaption></figure><figure style="text-align:center"><img src="https://cms.dmpcdn.com/article/2021/12/22/19c8b0e0-6327-11ec-926d-15625161706e_original.jpg" alt="" style="width:100%"/></figure>ក្រុមបេក្ខជនជ័យលាភីដែលទទួលបានពានរង្វាន់

សហគ្រិនខ្មែរ បានរៀបចំកម្មវិធីប្រគល់ពានរង្វាន់សហគ្រិនខ្មែរឆ្នាំ២០២១ ​ទាំង៣ប្រភេទ! ពានរង្វាន់ពន្លកសហគ្រិន ពានរង្វាន់សហគ្រិនខ្មែរក្នុងធុរកិច្ចថ្មី​ និងពានរង្វាន់សហគ្រិនវ័យក្មេងកម្ពុជា ​ក្រោមអធិបតីភាពដ៏ខ្ពង់ខ្ពស់ឯកឧត្តម វង្សី វិស្សុត!