អបអរសាទរ! ពិធីសម្ពោធជាផ្លូវការនូវទីស្នាក់ការថ្មី និងមជ្ឈមណ្ឌលលក់របស់ក្រុមហ៊ុន Karcher Cambodia ប្រចាំរាជធានីភ្នំពេញ!
ភ្នំពេញ៖ នាថ្ងៃ ពុធ ទី១៨ ខែមករា ឆ្នាំ២០២៣ នេះ ក្រុមហ៊ុន Karcher ដែលជាក្រុមហ៊ុននាំមុខគេផ្នែកបច្ចេកវិទ្យាសំអាត បានរៀបចំកម្មវិធីសម្ពោធនូវទីស្នាក់ការថ្មី និងមជ្ឈមណ្ឌលលក់របស់ខ្លួន ប្រចាំរាជធានីភ្នំពេញ។
ដោយនៅក្នុងនោះ ភ្ញៀវចូលរួមជាកិត្តិយសរួមមានឯកឧត្តម Stefan Messerer ឯកអគ្គរដ្ឋទូតអាល្លឺម៉ង់ប្រចាំកម្ពុជា, លោក Christian May អគ្គនាយករង Karcherពិភពលោក, លោក Klaus Puehmeyer នាយកប្រចាំតំបន់អាស៊ាន តៃវ៉ាន់ និងកូរ៉េខាងត្បូង, លោក Tassilo Brinzer ប្រធានសភាពាណិជ្ជកម្មអឺរ៉ុប និងលោក មាជ សម្បត្តិ នាយកគ្រប់គ្រង Karcher ប្រចាំប្រទេសកម្ពុជា។
ផលិតផលជាង ៥០០ មុខ របស់ក្រុមហ៊ុន Karcher នឹងធ្វើការដាក់តាំងលក់នៅក្នុងមជ្ឈមណ្ឌលលក់នេះ។ក្រៅពីមជ្ឈមណ្ឌលលក់ថ្មីទីតាំងថ្មីនេះ បំរើជាទីស្នាក់ការកណ្តាលមជ្ឈមណ្ឌលសេវាកម្មជួសជុល ទីតាំងបណ្តុះបណ្តាលក៏ដូចជាទីតាំងសាកល្បងផលិតផលរបស់អតិជនផងដែរ។
សូមបញ្ជាក់ថា បុគ្គលិកដែលបំរើការនៅក្នុងមជ្ឈមណ្ឌលលក់Karcher រួមមានបុគ្គលិកផ្នែកលក់ និងផ្នែកសេវាកម្ម ជួសជុល សុទ្ធសឹងជាបុគ្គលិកជំនាញដែលទទួលបានការបណ្តុះបណ្តាលត្រឹមត្រូវពីក្រុមហ៊ុន។
បើតាមប្រសាសន៍របស់លោក មាជ សម្បត្តិ នាយកប្រចាំប្រទេសកម្ពុជា របស់ក្រុមហ៊ុន Karcher Cambodiaបានឱ្យដឹងថា ទីតាំងថ្មីនេះនឹងផ្តល់នូវភាពងាយស្រួលសម្រាប់អតិថិជនក្នុងការស្វែងរកជាវនូវផលិតផលសំអាតរបស់ក្រុមហ៊ុនអាល្លឺម៉ង់ ដែលមានគុណភាពខ្ពស់ក៏ដូចជាសេវាកម្មជួសជុលផងដែរ។ ចំណែកអគារការិយាល័យថ្មីក៏ផ្តល់នូវផាសុកភាពផងដែរដល់បុគ្គលិកដែលបំរើការនៅទីនេះ។
ចំណែកលោក Klaus Puehmeyer នាយកប្រចាំតំបន់អាស៊ាន តៃវ៉ាន់ និងកូរ៉េខាងត្បូង ក៏បានគូសបញ្ជាក់ដែរថា បើទោះជាពីរបីឆ្នាំចុងក្រោយនេះយើងមានភាពលំបាកដោយសារតែជំងឺកូវីដ ក៏យើងនូវតែមិនបានបញ្ឈប់នូវការវិនិយោគរបស់យើងនៅក្នុងប្រទេសកម្ពុជាឡើយ។យើងមានជំនឿថា អតិជនរបស់យើងនឹងរីករាយចំពោះផលិផលសំអាតរបស់យើង ដែលពិតជាផ្តល់នូវប្រយោជន៍ចំពោះការរស់នៅប្រចាំថ្ងៃ ក៏ដូចជាអាជីវកម្មរបស់ខ្លួន។
អំពីក្រុមហ៊ុន
Karcherគឺជាក្រុមហ៊ុននាំមុខលំដាប់ពិភពលោកសំរាប់ផលិតផលសំអាត។ ក្រុមហ៊ុនមានបុគ្គលិកសរុបច្រើនជាង១៤៤០០ នាក់ នៅក្នុង ៧៨ ប្រទេស និងមាន ១៥០ ទីតាំងទូទាំងពិភពលោក។ Karcher មានមជ្ឈមណ្ឌលបំរើសេវាកម្មជួសជុលច្រើនជាង ៥០០០០កន្លែង នៅទូទាំងពិភពលោក។ នៅឆ្នាំ ២០២១ បរិមាណលក់របស់ក្រុមហ៊ុនបានកើនដល់ជាង ៣ពាន់លានអឺរ៉ូ ដែលជាតួលេខមួយខ្ពស់មិនធ្លាប់មានពីមុន៕