អ៊ីស្រាអែល៖ អ្នកជំនាញមេរោគរាតត្បាតជាតិអ៊ីស្រាអែល បានឱ្យដឹងកាលពីថ្ងៃសៅរ៍នេះ ថា អ៊ីស្រាអែលគួរតែចាប់ផ្តើមរៀបចំគម្រោងសម្រាប់ការចាក់វ៉ាក់សាំងការពារកូវីដ១៩ ដូសទី ៤ ជាយថាហេតុដោយមិនបញ្ជាក់ពីពេលវេលាដែលទំនងជានឹងកើតឡើង។លោកវេជ្ជបណ្ឌិត Salman Zarka បានប្រាប់វិទ្យុក្នុងស្រុកថា ដោយសារមេរោគនេះកំពុងរាតត្បាត ដូច្នេះ យើងក៏ត្រូវត្រៀមខ្លួនសម្រាប់ការប្រយុទ្ធលើកទី ៤ ដែរ។ការចាក់ដូសជំរុញលើកក្រោយគួរតែត្រូវបានកែប្រែដើម្បីផ្តល់នូវការការពារប្រសើរជាងមុនចំពោះវីរុសកូវីដ១៩ ប្រភេទបំប្លែងថ្មី ដូចជា វីរុសប្រភេទដែលតា​ (Delta) ដែលមានការចម្លងខ្ពស់ និងលឿននោះ។ក្នុងនោះ លោក Zarka បាននិយាយថា នេះគឺជាជីវិតរបស់យើងចាប់ពីពេលនេះតទៅនៅក្នុងរលកនៃការឆ្លងផ្សេងៗទៀត។ សូមជម្រាបថា ប្រទេសអ៊ីស្រាអែល ដែលជាមេដឹកនាំពិភពលោកក្នុងការចាក់វ៉ាក់សាំងប្រឆាំងវីរុសនេះ ទោះយ៉ាងណាក៏ដោយកំពុងតស៊ូដើម្បីទប់ស្កាត់រលកទី ៤ នៃជំងឺដ៏កាចសាហាវនេះ នៅក្នុងប្រទេសដែលកំពុងមានការឆ្លងនៃវីរុសប្រភេទដែលតានេះ ។រហូតមកដល់ពេលនេះ មានជនជាតិអ៊ីស្រាអែលជាង ៦.០០០.០០០ នាក់ដែលជាចំនួនប្រជាជនភាគច្រើនរបស់ប្រទេសនេះ បានទទួលវ៉ាក់សាំង Pfizer យ៉ាងតិចមួយដង ខណៈដែលមនុស្ស ជាង៥.៥០០.០០០ នាក់បានទទួលពីរដូស៕ប្រភព៖<a target="_blank" href="https://www.i24news.tv/en/news/coronavirus/1630776202-israel-should-begin-preparing-for-rollout-of-4th-vaccine-dose-pandemic-czar-says"> i24News</a><figure style="text-align:center"><img src="https://s9.kh1.co/1f/1f139f372ce8a8ddc10566a93e02b3843f4dbb8f.webp" alt="លោកវេជ្ជបណ្ឌិត&amp;nbsp;Salman Zarka" style="width:100%"/><figcaption>លោកវេជ្ជបណ្ឌិត&nbsp;Salman Zarka</figcaption></figure><figure style="text-align:center"><img src="https://cms.dmpcdn.com/article/2021/09/08/d0190d40-107a-11ec-a303-1d30f03a3041_original.jpg" alt="រូបភាព អ៊ីស្រាអែល" style="width:100%"/><figcaption>រូបភាព អ៊ីស្រាអែល</figcaption></figure><figure style="text-align:center"><img src="https://cms.dmpcdn.com/article/2021/09/08/d07f9740-107a-11ec-b0e8-59445a461c15_original.jpg" alt="រូបភាព អ៊ីស្រាអែល" style="width:100%"/><figcaption>រូបភាព អ៊ីស្រាអែល</figcaption></figure>

ដំណឹងល្អ! ពេលនេះ ប្រទេសអ៊ីស្រាអែល ត្រៀមចាក់ដូសទី៤ ដើម្បីទប់ទល់នឹងកូវីដបំប្លែងដែលតា ​