បរទេស៖ ប្រទេសឥណ្ឌាបានចាប់ផ្តើមបន្តការនាំចេញវ៉ាក់សាំងការពារជំងឺកូវីដ១៩ក្នុងចំនួនតិចតួចឡើងវិញ ​នឹងបង្កើនការនាំចេញ​ច្រើននៅប៉ុន្មានខែខាងមុខនេះ ​ដោយសារចំនួនវ៉ាក់សាំងក្នុងស្តុក​កើនឡើង​ ស្របពេលប្រជាជនភាគច្រើន​បានចាក់វ៉ាក់សាំងរួចរាល់។ នេះបើតាមប្រភពព័ត៌មមាន CNA។ស្ថានទូតឥណ្ឌាប្រចាំនៅទីក្រុងតេ​ហេរ៉ង់បាននិយាយថា ​វ៉ាក់សាំងមួយលានដូសដែលផលិតដោយក្រុមហ៊ុនឥណ្ឌា Bharat Biotech ត្រូវបាន​នាំចេញទៅប្រទេសអ៊ីរ៉ង់កាលពីសប្តាហ៍មុនព្រមទាំងនាំចេញទៅប្រទេសនេប៉ាល់ផងដែរ។<figure style="text-align:center"><img src="https://cms.dmpcdn.com/article/2021/10/14/21351ed0-2ccd-11ec-bfd9-97090d4e24ba_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>រហូតមកដល់ពេលនេះ វ៉ាក់សាំងប្រហែល ៤លានដូស ត្រូវបាននាំចេញដែលជាចំនួនតូចមួយសមាមាត្រទៅនឹងកម្មវិធីការទូតវ៉ាក់សាំងដែលរដ្ឋាភិបាលរបស់លោកនាយករដ្ឋមន្រ្តី NarendraModi ចាប់ផ្តើមនៅឆ្នាំនេះមុនពេលរលកទី ២ នៃជំងឺកូវីដ បានបង្ខំឲ្យបញ្ឈប់កម្មវិធីនេះ។សូមជម្រាបថា វិទ្យាស្ថាន​ Serum ​កំពុងផលិតវ៉ាក់សាំង Oxford AstraZeneca ចំនួន ២២០លាន​ដូសក្នុងមួយខែ កើនឡើងពី ១៥០លានដូសនៅក្នុងខែសីហា ហើយក្រុមហ៊ុន Bharat Biotech កំពុងផ្គត់ផ្គង់វ៉ាក់សាំងដែល​ផលិតក្នុងស្រុកចំនួន៣០លាន​ដូស ដែលគ្រោងនឹង​បង្កើនដល់ ៥០លានដូស នៅខែក្រោយ៕<figure style="text-align:center"><img src="https://cms.dmpcdn.com/article/2021/10/14/21869a30-2ccd-11ec-9a11-9f18c3903ba4_original.jpg" alt="វ៉ាក់សាំង​បង្ការជំងឺកូវីដ១៩ ផលិតដោយវិទ្យាស្ថានសេរ៉ូមឥណ្ឌា និងផ្តល់តាមរយៈគំនិតផ្តួចផ្តើម COVAX សកល បានមកដល់ ព្រលានយន្តហោះ​ Mogadishu ប្រទេសសូម៉ាលី" style="width:100%"/><figcaption>វ៉ាក់សាំង​បង្ការជំងឺកូវីដ១៩ ផលិតដោយវិទ្យាស្ថានសេរ៉ូមឥណ្ឌា និងផ្តល់តាមរយៈគំនិតផ្តួចផ្តើម COVAX សកល បានមកដល់ ព្រលានយន្តហោះ​ Mogadishu ប្រទេសសូម៉ាលី</figcaption></figure>

ឥណ្ឌា ចាប់ផ្តើមនាំចេញវ៉ាក់សាំងបង្ការកូវីដឡើងវិញ​ ខណៈ​ចំនួនក្នុងស្តុកកើនឡើង