ក្រសួងអប់រំ ប្រកាសលទ្ធផលប្រឡងបាក់ឌុប មានសិស្សជាប់ ៩០៩៥០នាក់ ស្មើនឹង ៧២.៣៣%

ភ្នំពេញ៖ ក្រសួងអប់រំ យុវជន និងកីឡា នៅរសៀលថ្ងៃទី២២ ខែធ្នូ ឆ្នាំ២០២២នេះ បានចេញសេចក្តីប្រកាសព័ត៌មាន ស្តីពីលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង៖ ៥ ធ្នូ ២០២២ ដោយមានសិស្សសិស្សជាប់៩០៩៥០នាក់ ស្មើនឹង៧២.៣៣% នៃបេក្ខជនមកប្រឡង។ ក្នុងនោះដែរ បេក្ខជនជាប់និទ្ទេស A ចំនួន ១០៤៩នាក់, និទ្ទេស B ចំនួន ៧២៣២នាក់, និទ្ទេស C ចំនួន ១៩០៥៣នាក់, និទ្ទេស D ចំនួន ៣១១៦៦នាក់ និងនិទ្ទេស E ចំនួន ៣២៤៥០នាក់៕