វ៉ាក់សាំងកូវីដ-១៩ ជាង ៨០០ លានដូស ត្រូវបានផ្ដល់ឱ្យប្រើប្រាស់នៅទូទាំងប្រទេសចិន

ក្រុងប៉េកាំង៖ វ៉ាក់សាំង COVID-១៩ចំនួន ៨០០ លានដូសត្រូវបានផ្តល់ឱ្យប្រើប្រាស់នៅទូទាំងប្រទេសចិនគិតត្រឹមថ្ងៃអង្គារទី៩ ខែមិថុនានេះ ខណៈដែលប្រទេសនេះកំពុងបង្កើនកម្លាំងដើម្បីជម្រុញក្នុងការចាក់វ៉ាក់សាំងបន្ថែម។

គណៈកម្មការសុខភាពជាតិ (NHC) បានឲ្យដឹងនៅថ្ងៃពុធនេះថាវ៉ាក់សាំងCOVID-១៩ ចំនួន ៨០៨,៩ លានដូសត្រូវបានអនុញ្ញាតឱ្យប្រើប្រាស់។

លោក Zeng Yixin អនុប្រធានNHC បាននិយាយនៅក្នុងបទសម្ភាសន៍ថ្មីៗនេះជាមួយទីភ្នាក់ងារសារព័ត៌មានស៊ីនហួថាយ៉ាងហោចណាស់៧០% នៃចំនួនប្រជាជនគោលដៅនៅក្នុងប្រទេសចិនត្រូវបានគេរំពឹងថានឹងត្រូវចាក់វ៉ាក់សាំងប្រឆាំងនឹងជំងឺCOVID-១៩ នៅចុងឆ្នាំនេះ៕

ប្រភព៖ Xinhua News