ខេត្តត្បូងឃ្មុំ ៖ នៅមុននេះបន្តិច លោក លី សុភាលីនអភិបាលស្រុកពញាក្រែក បានធ្វើសេចក្តីជូនដំណឹងជាបន្ទាន់ ដោយបិទច្រកចេញចូល ភូមិឡ ឃុំកោងកាងស្រុកពញាក្រែក ខេត្តត្បូងឃ្មុំ ចាប់ពីពេលនេះទៅ។ទន្ទឹមនឹងនេះ បើតាមការបញ្ជាក់ពី លោកអភិបាលស្រុកបានប្រាប់ឲ្យដឹងថា សេចក្តីជូនដំណឹងនេះ ត្រូវបានប្រកាស ក្រោយរកឃើញ ករណីវិជ្ជមានកូវីដ១៩ចំនួន ៣ករណី ដែលក្នុងនោះ ស្ត្រីឈ្មោះ អុន ចាន់ឌី និងកូនស្រីចំនួន២នាក់ផ្សេងទៀតដែលរស់នៅក្នុងទីតាំងខាងលើនេះ។ គួរបញ្ជាក់ផងដែរថា អាជ្ញាធរស្រុក បានអំពាវនាវឲ្យប្រជាជន​ដែលពាក់ព័ន្ធនឹងបុគ្គលខាងលើ សូមផ្តល់ព័ត៌មានទៅកាន់ អាជ្ញាធរមូលដ្ឋានខ្លួនភ្លាមដើម្បីត្រៀមយកសំណាក ពិនិត្យមើលជំងឺកូវីដ១៩ គួរបន្ថែមទៀតថា លោក លី សុភាលីនអភិបាលស្រុកពញាក្រែក បានសរសេរបញ្ជាក់យ៉ាងបែបនេះថា ៖សេចក្ដីជូនដំណឹងស្ដីពីការបិទការចេញ-ចូល ជាបណ្ដោះអាសន្ននៅក្នុងភូមិឡ ឃុំកោងកាង ស្រុកពញាក្រែក ខេត្តត្បូងឃ្មុំ ។ <blockquote><aside>រដ្ឋបាលស្រុកពញាក្រែក មានកិត្តិយសសូមជម្រាបជូនបងប្អូនប្រជាពលរដ្ឋក្នុងឃុំកោងកាង និងសាធារណៈមតិទាំងអស់មេត្តាជ្រាបថា ដោយមានករណីវិជ្ជមានកូវីដ-១៩ ចំនួន ០៣ ករណី ក្នុងនោះលើស្ត្រីឈ្មោះ អុន ចាន់ឌី ព្រមទាំងកូនស្រីចំនួន ០២ នាក់ រស់នៅភូមិឡ ឃុំកោងកាង ស្រុកពញាក្រែក ខេត្តត្បូងឃ្មុំ អាជ្ញាធរស្រុក សម្រេចបិទការបិទការចេញ-ចូល ក្នុងភូមិឡ ឃុំកោងកាង ជាបណ្ដោះអាសន្នរហូតមានការជូនដំណឹងជាថ្មី ។ ទន្ទឹមនឹងនេះ អាជ្ញាធរស្រុក សូមអំពាវនាវដល់បងប្អូនទាំងអស់ដែលមានការពាក់ព័ន្ធដោយផ្ទាល់ ឬដោយប្រយោលជាមួយលោកស្រី អុន ចាន់ឌី សូមផ្ដល់ព័ត៌មានមកអាជ្ញាធរមូលដ្ឋាន រួមមានមេភូមិ ឬមេឃុំ របស់ខ្លួន ដើម្បីត្រៀមយកសំណាកតេស្ដិ៍រកមេរោគកូវីដ-១៩ ។ អាស្រ័យដូចបានជម្រាបជូនខាងលើ សូមបងប្អូនទាំងអស់មេត្តាទទួលជ្រាប និងសហការអនុវត្តឱ្យបានល្អប្រសើរ ។ សូមអរគុណ ៕</aside><label>— លោក លី សុភាលីន</label></blockquote>បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖<figure style="text-align:center"><img src="https://cms.dmpcdn.com/article/2021/04/02/10a9a670-9381-11eb-8b27-db7c51a78b67_original.png" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2021/04/02/11fc6530-9381-11eb-bea4-9b7a915c0478_original.png" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2021/04/02/12631640-9381-11eb-8b27-db7c51a78b67_original.png" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2021/04/02/13913600-9381-11eb-8b27-db7c51a78b67_original.png" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2021/04/02/14621a90-9381-11eb-8b27-db7c51a78b67_original.png" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2021/04/02/158d5420-9381-11eb-bea4-9b7a915c0478_original.png" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2021/04/02/167d8080-9381-11eb-8b27-db7c51a78b67_original.png" alt="រូបភាព" style="width:100%"/><figcaption>រូបភាព</figcaption></figure><figure style="text-align:center"><img src="https://cms.dmpcdn.com/article/2021/04/02/1776ad90-9381-11eb-bea4-9b7a915c0478_original.png" alt="រូបភាព" style="width:100%"/><figcaption>រូបភាព</figcaption></figure>

ក្តៅៗ! ពេលនេះ រដ្ឋបាលស្រុកពញាក្រែក សម្រេចប្រកាសបិទ ការចេញចូល ក្នុងភូមិឡ ជាបណ្តោះអាសន្នហើយ