ភ្នំពេញ៖រដ្ឋបាលខណ្ឌច្បារអំពៅ បានចេញសេចក្ដី​ជូនដំណឹង​ ស្តីពី​ការបញ្ជៀសចរាចររថយន្តដឹកទំនិញ​ រថយន្ត​ធុនធ្ងន់​និងរថយន្តដឹកដី-ក្រួស-ថ្ម-ខ្សាច់គ្រប់ប្រភេទជាបណ្តោះអាសន្ននៅលើកំណាត់ផ្លូវលេខ១១០​ត្រង់ចំណុចស្ពានព្រែកអ្នកតាវាំង​ ស្ថិត​ក្នុងភូមិព្រែកថ្មី​ សង្កាត់​ព្រែកថ្មី​ខណ្ឌច្បារអំពៅ​ ដោយសារមានការបាក់ស្រុតដីនៅគល់ស្ពានផ្នែកខាងជើងឆៀងខាងកើត។បច្ចុប្បន្នរដ្ឋបាលខណ្ឌច្បារអំពៅ បានសហការជាមួយក្រុមការងារបច្ចេកទេសជំនាញដើម្បីជួសជុលកែលម្អទីតាំងដែលមានការបាក់ស្រុតខាងលើ។រដ្ឋបាលខណ្ឌច្បារអំពៅក៏បានស្នើសុំឲ្យម្ចាស់ក្រុមហ៊ុនដឹកជញ្ជូននិងអ្នកបើកបររថយន្តដឹកទំនិញ រថយន្តធុនធ្ងន់ និងរថយន្តដឹកដី ក្រួស ថ្មខ្សាច់គ្រប់ប្រភេទ បញ្ចៀសការធ្វើចរាចរជាបណ្តោះអាសន្ននៅលើកំណាត់ផ្លូវលេខ១១០ ត្រង់ចំណុចស្ពានព្រែកអ្នកតាវាំង ស្ថិតនៅក្នុងភូមិព្រែកថ្មី សង្កាត់ព្រែកថ្មីចាប់ពីថ្ងៃជូនដំណឹងនេះតទៅ រហូតដល់មានការជូនដំណឹងជាថ្មី៕<figure style="text-align:center"><img src="https://cms.dmpcdn.com/article/2022/07/23/13976420-0a55-11ed-a361-5f7871b3bd56_original.png" alt="" style="width:100%"/></figure>

បាក់ស្រុតដី​ជាប់គល់ស្ពានព្រែក​អ្នកតាវាំង ​អាជ្ញាធរឱ្យបញ្ជៀសចរាចរ​ រថយន្ត​ធុនធ្ងន់​បណ្តោះអាសន្ន