សហរដ្ឋអាមេរិក ​​ដក​បម្រាម​ការធ្វើ​ដំណើរ​ពីប្រទេសក្នុងទ្វីប​អាហ្វ្រិក​ចំនួន​៨

បរទេស៖ សេតវិមានបាននិយាយកាលពីថ្ងៃសុក្រថារដ្ឋបាលលោក Biden នឹងលុបចោលការរឹតបន្តឹងការធ្វើដំណើរ​មកពីប្រទេសក្នុងទ្វីបអាហ្វ្រិកខាងត្បូងចំនួន៨ប្រទេសដែលបានដាក់កាលពីខែមុន ជុំវិញការព្រួយបារម្ភអំពីការរីករាលដាលយ៉ាងឆាប់រហ័សនៃ​វីរុសកូវីដ១៩ ប្រភេទអូមីក្រុង។នេះបើតាមប្រភពព័ត៌មាន theguardian។

អ្នកនាំពាក្យសេតវិមានលោក Kevin Munoz បានសរសេរនៅលើ Twitter ថា​ លោក Biden នឹងលុបចោលការរឹតបន្តឹងបណ្តោះអាសន្ន លើអ្នកដំណើរមកពីបណ្តាប្រទេសទ្វីបអាហ្វ្រិកខាងត្បូងដែលនឹងចាប់ផ្តើមពីថ្ងៃទី ៣១ ខែធ្នូ។ លោកបន្តថា ការសម្រេចចិត្តនេះ គឺត្រូវបានណែនាំដោយមជ្ឈមណ្ឌលគ្រប់គ្រងនិងបង្ការជំងឺ(CDC)។

គួរឱ្យដឹងដែរថា កាលពីថ្ងៃទី ២៩ខែវិច្ឆិកា សហរដ្ឋអាមេរិក បានហាមប្រាម​អ្នកដំណើរស្ទើរតែទាំងអស់មិនមែនជាពលរដ្ឋសហរដ្ឋអាមេរិក ដែលទើបតែបាន​ធ្វើដំណើរទៅប្រទេសក្នុងទ្វីបអាហ្វ្រិកខាងត្បូងរួមមាន បុតស្វាណា ស៊ីមបាវេ ណាមីប៊ី ឡឺសូតូ អេស្វាទីនី ម៉ូសំប៊ិក និងម៉ាឡាវី ក្រោយអូមីក្រុងត្រូវបានគេរកឃើញ៕