កីឡដ្ឋានរបស់ក្លិប Napoli បានប្ដូរឈ្មោះតាមលោក Diego Maradona ដែលបានចែកឋាន

អ៊ីតាលី៖ ក្លិបបាល់ទាត់ Napoli បានប្ដូរឈ្មោះកីឡដ្ឋានរបស់ពួកគេ ទៅតាមឈ្មោះវីរបុរសបាល់ទាត់ លោក Diego Maradona ដែលបានទទួលមរណភាព កាលពីថ្ងៃទី ២៥ ខែមិថុនា ឆ្នាំ ២០២០ នៅក្នុងវ័យ៦០ឆ្នាំ។ នេះបើតាមការចេញផ្សាយរបស់សារព័ត៌មាន Goal ។

ប្រភពព័ត៌មានដដែលបានឱ្យដឹងថា បន្ទាប់ពីមរណភាពរបស់ លោក Diego Maradona ដោយមានការគាំទ្រពី អភិបាលក្រុង Naples លោក Luigi de Magistris លោក Aurelio de Laurentiis ជាម្ចាស់ក្លិប Napoli ក៏បានស្នើសុំលិខិតបើកចំហក្នុងការសុំប្ដូរឈ្មោះកីឡដ្ឋាន។ ចំណែកឯកីឡដ្ឋាន Stadio San Paolo នឹងត្រូវប្ដូរឈ្មោះទៅជា Stadio Diego Armando Maradona ក្រុមប្រឹក្សាទីក្រុង Naples យល់ព្រមចំពោះការស្នើសុំផ្លាស់ប្ដូរ។

គួររំឭកដែរថា ក្រោយចាកចេញពីក្លិប Barcelona នៅឆ្នាំ ១៩៨៤ អតីតគ្រូបង្វឹកក្រុមជម្រើសជាតិអាហ្សង់ទីន លោក Diego Maradona បានចំណាយពេល៧ឆ្នាំ លេងឱ្យក្លិប Napoli  ដោយបានរួមចំណែកជួយក្រុមអ៊ីតាលីគ្រងតំណែងជើងឯក Serie A នៅឆ្នាំ ១៩៨៧ និង ១៩៩០ Coppa Italia ឆ្នាំ ១៩៨៧ និង Uefa Cup នៅឆ្នាំ ១៩៨៩៕