មើលឲ្យជាក់ សឹមញាក់ចិញ្ចើម! មិនមែនកីឡាកាសទេ តារា Kpop តើ! គ្រាន់តែសាច់ដុំរាងធំបន្តិច

កូរ៉េខាងត្បូង៖ កាលពីពេលថ្មីៗនេះ នៅលើបណ្ដាញសង្គម កំពុងតែជ្រួលច្របល់ជាមួយនឹង រូបភាពថ្មីរបស់ចម្រៀងតារាប្រុសWonho ដែលថតបានបង្ហោះ រូបប៉ុន្មានសន្លឹកនៅលើគណនី Instagram ផ្ទាល់ខ្លួនរបស់លោក។

ជាការពិតណាស់ តាមរយៈរូបភាពទាំងនេះ Wonho បានធ្វើឲ្យអ្នកគាំទ្រភ្ញាក់ផ្អើល និងញាប់ញ័រមិនតិចទេ សឹងតែមិនជឿនឹងភ្នែកខ្លួន។ ម្នាក់ៗ ខំពិនិត្យមើលម្ដងហើយម្ដងទៀតថាបុរសដែលនៅក្នុងរូបនេះ ពិតជា Wonho មែនឬយ៉ាងណា?

ជាក់ស្ដែងរូបប៉ុន្មាននេះគឺជាតារាប្រុសរូបសង្ហា Wonho ពិតមែន ដោយលោកលេងស្ទាយ៍ថតរូបដោះសម្លៀកបំពាក់ បញ្ចេញសាច់ដុំធំៗ កង់ៗ អង្គុយលើគ្រែយ៉ាងស៊ិចស៊ី និងទាក់ទាញសាហាវតែម្ដង មើលមួយភ្លែតស្មានតែតារាអ៊ឺរ៉ុប ឬក៏អ្នកកីឡាកាសមកពីណា។

លើសពីនេះទៅទៀតតារាប្រុសរូបនេះ ថែមទាំងភ្ជាប់នូវចំណងជើងជាមួយរូបភាពទាំងនោះថា៖ good #morning. Which one do you like better? 1,2,3,4,5. (អរុណសួស្ដី តើរូបមួយណាដែលអ្នកចូលចិត្តជាង?១ ២ ៣ ៤​ ៥) ធ្វើឲ្យហ្វេនៗខ្លះ សម្លឹងមើលសឹងតែមិនចង់ព្រិចភ្នែក ចង់ឈាមច្រមុះទៅហើយ។

ជាពិសេសអ្នកគាំទ្រ បាននាំគ្នាចែករំលែករូបភាពស៊ិចស៊ីបែបHot  របស់ Idol សង្ហារូបនេះលើបណ្ដាញសង្គមជាហូរហែរផងដែរ៕

ជា្របកាន់តែច្បាស់ សូមទស្សនារូបភាពខាងក្រោម៖