កូរ៉េខាងត្បូង ៖ ការបង្ហាញវត្តមានរបស់ BTS ក្នុងកម្មវិធី Melon Music Awards ប្រចាំឆ្នាំ២០២០ កាលពីយប់មិញនេះ បានធ្វើឲ្យកម្មវិធីនេះ កាន់តែកក្រើកនៅទូទាំងពិភពលោក ដោយសារតែមានអ្នកគាំទ្រជាច្រើន បានទន្ទឹងរង់ចាំទស្សនា ការសម្ដែងដ៏អស្ចារ្យ ប្លែកភ្នែករបស់ក្រុមចម្រៀងល្បីលំដាប់ពិភពលោកមួយនេះ។<figure><img src="https://cms.dmpcdn.com/article/2020/12/06/277fb330-376f-11eb-9b6d-3fdf37c2e48e_original.jpg" alt="BTS" style="width:100%"/><figcaption>BTS</figcaption></figure>បើទោះបីជា ការបង្ហាញវត្តមានលើកនេះ មិនមានវត្តមានរបស់ Suga ដោយហេតុថា លោកត្រូវសម្រាកព្យាបាលសុខភាព ប៉ុន្តែប្រជាប្រិយភាពក៏ដូចជាការសម្ដែងរបស់ពួកគេ នៅតែល្អឥតខ្ចោះធ្វើឲ្យហ្វេនៗស្ទើរតែមិនអាចព្រឹចភ្នែកបានឡើយ។<figure><img src="https://cms.dmpcdn.com/article/2020/12/06/27d04430-376f-11eb-80e3-2fbf2839b261_original.jpg" alt="Suga" style="width:100%"/><figcaption>Suga</figcaption></figure>ជាលទ្ធផល BTS ទទួលបានពានរង្វាន់ ពីកម្មវិធីដ៏ធំមួយនេះដល់ទៅ ៦ពានឯណោះនៅក្នុងរាត្រីនោះ ដោយក្នុងនោះ មានពានរង្វាន់កិត្តិយសចំនួន ៣ និងពានរង្វាន់ធំ គឺពាន Daesang ចំនួន ៣ ផងដែរ។<figure><img src="https://cms.dmpcdn.com/article/2020/12/06/2844b0e0-376f-11eb-9b6d-3fdf37c2e48e_original.jpg" alt="BTS" style="width:100%"/><figcaption>BTS</figcaption></figure>ខាងក្រោមនេះ ជាពានទាំង ៦ ដែល BTS ទទួលបាន ក្នុងកម្មវិធី MMA កាលពីយប់មិញ ៖ពាន Top 10Artist&nbsp;ពាន Album of theYear (Daesang) សម្រាប់អាល់ប៊ុម Map of the Soul : 7ពាន Best Dance:Male សម្រាប់បទ Dynamiteពាន Song of theYear (Daesang) សម្រាប់បទ Dynamiteពាន Netizen’sChoice&nbsp;ពាន Artist ofthe Year (Daesang)&nbsp;<figure><img src="https://cms.dmpcdn.com/article/2020/12/06/28a5bca0-376f-11eb-80e3-2fbf2839b261_original.jpg" alt="BTS" style="width:100%"/><figcaption>BTS</figcaption></figure>នេះជារឿងដ៏គួរឲ្យរំភើបរីករាយមួយ សម្រាប់ហ្វេនៗ ក្នុងពេលដែលក្រុម idol ដ៏មានប្រជាប្រិយភាពមួយក្រុមនេះ បានប្រមូលយកពានរង្វាន់ ជាសិល្បករឆ្នើមប្រចាំឆ្នាំ ពានរង្វាន់អាល់ប៊ុមល្អបំផុតប្រចាំឆ្នាំ និងពានរង្វាន់បទចម្រៀងល្អបំផុតប្រចាំឆ្នាំ ដែលសុទ្ធតែជាពានធំៗ ដែលតារា Kpop ចាត់ទុកថាជាកិត្តិយសដ៏ធំមួយ សម្រាប់ជីវិតជាតារារបស់ពួកគេ។&nbsp;<figure><img src="https://cms.dmpcdn.com/article/2020/12/06/28e64810-376f-11eb-9b6d-3fdf37c2e48e_original.jpg" alt="BTS" style="width:100%"/><figcaption>BTS</figcaption></figure>គួរបញ្ជាក់ផងដែរថា ពានរង្វាន់ Melon Music Awards ត្រូវបានកត់សំគាល់សម្រាប់ការសង្កត់ធ្ងន់ទៅលើ ចំនួននៃការលក់ និងការបោះឆ្នោតជាសាធារណៈ ដើម្បីកំណត់អ្នកឈ្នះពានរង្វាន់ទាំងនេះ៕សូមអបអរសាទរដល់ BTS!

កម្មវិធី MMA ឆ្នាំនេះ BTS ទៅតែ ៦នាក់ តែប្រមូលពានមកវិញបាន ៦ដែរ មិនឲ្យ Suga ខកចិត្ត!