ហេតុផលមួយនេះដែល PSG អាចនាំយក Lionel Messi ទៅកាន់ទឹកដីបារាំងបាន

បេក្ខជនប្រធានក្លិប Barcelona បានរងនូវការរិះគន់ពីសំណាក់នាយកកីឡារបស់ក្លិបនៅ Ligue 1 លោក Leonardo ។ លោក Joan Laporta បេក្ខជនប្រធានា Barcelona បានបាញ់មួយគ្រាប់ទៀតទៅលើក្រុម Paris Saint-Germain ជុំវិញការតាមប្រមាញ់ Lionel Messi របស់ពួកគេ ដោយនិយាយថាក្លិបបារាំងអាចនឹងមានលទ្ធភាពទិញ Messi ប្រសិនបើពួកគេនៅតែបន្តល្មើសនឹងច្បាប់ Financial Fair Play ។

Financial Fair Play ជាបទបញ្ញត្តិហិរញ្ញវត្ថុយុត្តិធម៌របស់ UEFA ត្រូវបានបង្កើតឡើងដើម្បីការពារក្លិបបាល់ទាត់អាជីពដែលចំណាយលុយច្រើនលើសពីចំណូលដែលរកបាន។ លោក Laporta ដែលជាអតីតប្រធានក្លិប Barcelona សង្ឃឹមថានឹងជាប់ឆ្នោតជាថ្មីនៅខែមីនានេះ បានធ្វើឲ្យលោក Leonardo ប្រធានផ្នែកកីឡារបស់ PSG មានការខឹងសម្បារយ៉ាងខ្លាំងនៅសប្តាហ៍នេះ ។ លោក Leonardo បានប្រាប់ France Football ថា " កីឡាករឆ្នើម ៗ ដូចជា Messi នឹងស្ថិតក្នុងបញ្ជីរបស់ PSG ជានិច្ច។ ប៉ុន្តែនេះមិនមែនជាពេលវេលាដើម្បីនិយាយអំពីវាឬសុបិនអំពីវានោះទេ។ ប៉ុន្តែយើងកំពុងអង្គុយនៅតុធំនៃក្លិបទាំងនោះ ដែលពួកគេកំពុងតាមដានបញ្ហានេះ។ តាមពិតយើងមិនទាន់អង្គុយនៅឡើយទេប៉ុន្តែកៅអីរបស់យើងត្រូវបានបម្រុងទុកក្នុងករណីចាំបាច់តែប៉ុណ្ណោ។ "

លោក Laporta បានអះអាងម្តងហើយម្តងទៀតថាគាត់នឹងអាចរក្សា Messi នៅ Camp Nou ដែលជាផ្នែកមួយនៃការបោះឆ្នោតរបស់គាត់។ គាត់បានចោទប្រកាន់ PSG ថាមិនគោរពសេចក្តីអត្ថាធិប្បាយរបស់ពួកគេអំពី Messi ហើយបានគំរាមរាយការណ៍ពួកគេទៅ FIFA អំពីបញ្ហានេះថែមទៀតផង៕

ប្រភព៖​ Goal