ការប្រកួតពានរង្វាន់កំពូលទ្វីបអឺរ៉ុប Champion League វគ្គជម្រុះតាមពូលជើងទីពីរបានវិលត្រឡប់មកវិញហើយនារាត្រីថ្ងៃអង្គារនេះ ដោយតម្រូវឲ្យក្រុមអ្នកមានបុណ្យ Barcelona បើកទ្វារកីឡដ្ឋាន Camp Nou ចាំទទួលស្វាគមន៍ក្រុមសេះបង្កង់ Juventus នៅវេលាម៉ោងបីរំលងអធ្រាត្រឈានចូលថ្ងៃពុធ ខាងមុខនេះ។<figure><img src="https://s9.kh1.co/d8/d85e95d06ce50dbd45a7c3ba83cea2825e372521.webp" alt="កីឡាករ Lionel Messi" style="width:100%"/><figcaption>កីឡាករ Lionel Messi</figcaption></figure>រំលឹកការប្រកួតកាលពីជើងទីមួយនាទឹកដី Alliance Arena ក្រុម Barcelona បានធ្វើការយកឈ្នះទៅលើក្រុម Juventus ក្រោមលទ្ធផល ២-០ ដែលសុទ្ធបញ្ចូលទីដោយកីឡាករ Dembele និងកីឡាករ Lionel Messi។<figure><img src="https://s9.kh1.co/7d/7dc4d44edc2c725e7274b311a82ed05deb60dac4.webp" alt="កីឡាករ Lionel Messi" style="width:100%"/><figcaption>កីឡាករ Lionel Messi</figcaption></figure>សម្រាប់ការប្រកួតជើងទីពីរនៅក្នុងពូល G នេះដែរក្រុម Barcelona បានឈរនៅលើកំពូលតារាងមាន ១៥ពិន្ទុ និងក្រុម Juventus ឈរនៅចំណាត់ថ្នាក់លេខ២ មាន១២ពិន្ទុ ដោយក្រុមទាំងពីរបានកក់កៅអីឡើងទៅ វគ្គ១៦ក្រុម ចុងក្រោយដោយស្វ័យប្រវត្តិ។<figure><img src="https://s9.kh1.co/99/996b1bd0265785e26471930b6b41dc2fe58f1d8e.webp" alt="" style="width:100%"/></figure>មុននឹងការប្រកួតដែលអ្នកគាំទ្រនៅលើពិភពលោកទន្ទឹងរង់ចាំយូរមកហើយនេះគ្រូបង្វឹករបស់ក្រុមសេះបង្កង់ Juventus លោក Andre Pirlo បានមានប្រសាសន៍ប្រាប់គេហទំព័រ Fomob ថា “បើទោះបីជាក្រុមរបស់យើងបានជាប់ឡើងទៅវគ្គ១៦ក្រុមចុងក្រោយរួចទៅហើយក៏ដោយ ក៏ប៉ុន្តែសម្រាប់ការប្រកួតជាមួយក្រុម Barcelona នៅថ្ងៃខាងមុខនេះ ពួកយើងនឹងខំប្រឹងឲ្យអស់ពីសមត្ថភាពដើម្បីយកឈ្នះទៅលើពួកគេ ដើម្បីផ្គាប់ចិត្តដល់អ្នកគាំទ្រក្រុមរបស់ពួកយើង”៕

Barcelona ចាំទទួលក្រុមភ្ញៀវ Juventus ច្បាស់ជាកក្រើក Champion League!