ដឹងច្បាស់ហើយ! Paddy Barrett ទម្លាយមូលហេតុធំៗ២ ដែលមិនអាចបន្តលេងបាល់នៅប្រទេសកម្ពុជាបាន

March 20, 2021

កម្ពុជា៖ អតីតខ្សែការពារក្លិប ព្រះខ័នរាជស្វាយរៀង កីឡាករ Paddy Barrett បានលើកឡើងថា កត្តាជីវភាពប្រជាជន និង ភាសា ជាមូលហេតុដែលរូបគេមិនអាចបន្តប្រកបអាជីពបាល់ទាត់នៅប្រទេសកម្ពុជាបាន។

ជាការពិតណាស់ Barrett បានផ្លាស់មកកាន់ព្រះខ័នរាជត្រឹមតែរយៈពេលខ្លីប៉ុណ្ណោះ ពោលមិនទាន់ចាប់ផ្តើមរដូវកាលថ្មីឡើយ ក្លិប និង កីឡាករ ក៏បានព្រមព្រៀងសម្រេចចែកផ្លូវគ្នា ហើយ Barrett ក៏ត្រូវបានក្លិប ST Patrick Athletic FC នៃលីគកំពូលអៀកឡង់ចុះកុងត្រាយក។

កីឡាករ Barrett បាននិយាយថា៖

ខ្ញុំពេញចិត្តប្រទេសកម្ពុជា ប៉ុន្តែ ខ្ញុំមិនចូលចិត្តរស់នៅទីនោះឡើយ។ វាពិតជាពិបាកភ្នែកណាស់នៅពេលដែលមើលឃើញពីភាពក្រីក្រជាក់ស្តែងដូចជាក្មេងៗអាយុ ៣-៤ឆ្នាំ ដើរនៅតាមផ្លួវដោយគ្មានខោអាវ និង ស្បែកជើង។ អ្នកធ្លាប់តែឃើញក្នុងទូរទស្សន៍ ប៉ុន្តែពេលដែលអ្នកមើលឃើញផ្ទាល់ភ្នែក គឺ វាពិតជាធ្វើឲ្យខ្ញុំមានអារម្មណ៍ក្តុកក្តួល។ សម្រាប់ក្នុងបាល់ទាត់ ផលវិបាករបស់ខ្ញុំ គឺ ភាសា៕
— កីឡាករ Paddy Barrett

ប្រភព៖ irishmirror

អានបន្ថែម