មិនខ្វល់រឿង MAMA Jisoo ធ្វើខ្លួននៅផ្ទះធ្វើព្រងើយ

កូរ៉េខាងត្បូង៖ កម្មវិធីប្រគល់រង្វាន់ដែលធំបំផុតប្រចាំឆ្នាំ  MAMA បានប្រព្រឹត្តទៅយ៉ាងរលូនកាលពីយប់មិញ។ ក្នុងនោះ ថ្វីត្បិតមិនបានចូលរួម តែក្រុមនារីឆ្នើម BLACKPINK ឈ្នះបានពានរង្វាន់រហូតដល់ទៅ ៤ ឯណោះ ទោះបីជាពួកគេអវត្តមានក៏ដោយ។

ផ្ទុយទៅវិញ ទោះមិនចូលរួម សមាជិកអាយុច្រើនជាងគេ Jisoo ក្រុម BLACKPINK ក៏បានឆ្លៀត បង្ហោះ រូបថតប៉ុន្មានសន្លឹក នៅផ្ទះរបស់នាង នៅលើគណនី អ៉ីនស្តារក្រាម ជាផ្លូវការ ដោយគេបានសង្កេតឃើញថា រូបនាងបានស្លៀកឈុតពណ៌ខ្មៅ ថតរូបជាមួយផ្កាកុលាបក្រហមយ៉ាងស្រស់ស្អាត។ 

ទោះជាយ៉ាងណា វាហាក់ដូចជាសម្រស់របស់តារាស្រីគឺជាអ្វីដែលមហាជន លើកមកនិយាយជាប្រធានបទ ជាមួយទឹកមុខសុភាព នៃការផាត់មុខបែបស្លូតបូត បូករួមជាមួយ សក់ខ្មៅវែងរលោង ពិតជាស៊ីគ្នា ជាមួយទ្រេមុខ របស់Jisoo ដែលបានធ្វើឲ្យ មហាជន​កោតសរសើរថា សម្រស់របស់ប្រៀបបានទៅនឹងផ្កា សាកសមជា រហស្សនាម «Miss Korea» ពិតប្រាកដមែន៕

សូមទស្សនារូបភាពខាងក្រោម៖