ផ្លូវការ! Lingard នឹងចាកចេញពី Man Utd ទៅ West Ham នៅក្នុងលក្ខខណ្ឌខ្ចីជើង
បរទេស៖ ក្លឹបWest Ham Unitedបានប្រកាសជាផ្លូវការនាំយកខ្សែបម្រើJesse Lingard ពីក្លឹបManchester Unitedក្នុងលក្ខខណ្ឌខ្ចីជើងកាលពីថ្ងៃទី២៩ ខែមករាឆ្នាំ២០២១ម្សិលមិញនេះបើយោងតាមការចុះផ្សាយរបស់ក្លឹបនេះផ្ទាល់។
Lingardបានព្រមព្រៀងចុះកុងត្រាលេងឲ្យក្លឹបខាងលើចាប់ពីថ្ងៃម្សិលមិញរហូតដល់ថ្ងៃទី៣០ ខែមិថុនាឆ្នាំ២០២១ខាងមុខ។
បើតាមការចុះផ្សាយព័ត៌មានជាច្រើនបានឲ្យដឹងថាWest Hamបានព្រមតាមគោលការណ៍របស់Man Utdទាមទារដោយបានបង់ប្រាក់ជាង២លានដុល្លារទៅក្លឹបនេះ និងបង់ប្រាក់ជាង១០០,០០០ដុល្លារទៅឲ្យLingard ក្នុងមួយអាទិត្យរហូតដល់ដាច់កុងត្រា។
គួរបញ្ជាក់ផងដែរថាLingardបានប្រឡូកក្នុងវិស័យបាល់ទាត់តាំងពីឆ្នាំ២០១១មកដោយចូលរួមលេងបាន២៦០ប្រកួត និងរកគ្រាប់បាល់បាន៤៥គ្រាប់៕
ប្រភព៖ West Ham United