ចាប់ដៃគូគ្នាជាលើកដំបូងបាន ២បទ «សុបញ្ញា និង សុជាតា» ផ្ទុះការគាំទ្រមិនធម្មតា (មានវីដេអូ)
ផលិតកម្មហង្សមាស គឺជាផលិតកម្មដែលបណ្តុំទៅដោយតារាចម្រៀងចាស់-ថ្មី ជាច្រើនជំនាន់តាំងពីកំឡុងឆ្នាំ១៩៩៤ មកម្ល៉េះ។ ក្នុងនោះផងដែរក៏មានតារាចម្រៀងប្រុស-ស្រីដែលកំពុងជ្រកកោននៅក្នុងផលិតកម្មដ៏ធំមួយនេះប្រមាណជាជាង ១០០នាក់ដែលបូកសរុបទាំងអ្នកចម្រៀងដែលកើតចេញពីកម្មវិធីប្រឡងចម្រៀងលំដាប់ថ្នាក់ពិភពលោកល្បីៗផងដែរ។
យ៉ាងណាមិញ នាប៉ុន្មានសប្តាហ៍ចុងក្រោយនេះ បទចច្រៀងរបស់តារាចម្រៀងច្រៀងរួមគ្នា២ដួង ហាក់ទទួលបានការគាំទ្រ និងការចូលទស្សនាច្រើនគួរឱ្យកត់សម្គាល់ ដែលតារាចម្រៀងទាំង២ដួង នោះគឺកុមារា ចាន់ សុបញ្ញា និងកុមារី សុខ សុជាតា។
លើសពីអ្វីដែលខាងផលិតកម្មរំពឹងទុក បទចម្រៀងទីមួយមានចំណងជើងថា “ឆ្នាំថ្មីអ្វីៗក៏ល្អ” ផ្ទុះការចូលទស្សនារហូតដល់២.៦លានដង ក្នុងរយៈពេល ២សប្តាហ៍ និងបទទីពីរមានចំណងជើងថា “ថ្ងៃណាក៏ឆាតាសក់ថ្ងៃណាក៏ឆាត្រឡាច” ត្រឹមរយៈពេល ១ថ្ងៃ មានអ្នកចូលទស្សនារហូតដល់១.១លានដង ទៅហើយ។
ជាងនេះទៅទៀត មិនត្រឹមតែមានអ្នកចូលទស្សនាច្រើនោះទេសូម្បីតែអ្នកចុច Like និង Comment សរសើរពីសម្លេងតារាចម្រៀងទាំងពីររូបនេះក៏ច្រើនមិនធម្មតានោះដែរ៕
សូមទស្សនារូបភាព និងវីដេអូខាងក្រោមនេះ៖
