Manny Pacquiao បាត់បង់តំណែងជើងឯក WBA ចំពេល Ryan Garcia ខកខានមិនបានប្រកួតជាមួយ Yordenis Ugas
គណៈគ្រប់គ្រងបានប្រកាសព័ត៌មានតាមអ៊ិនធឺណេត ហើយបានបញ្ជាក់ថា PacMan គឺជាម្ចាស់ជើងឯកក្នុងវិស្សមកាល។
វាមានន័យថា កីឡាករតំណាងឲ្យជនជាតិហ្វីលីពីនដែលមានវ័យ ៤២ ឆ្នាំរូបនេះទំនងជានឹងត្រូវបានផ្តល់ឱកាសដើម្បីប្រជែងយកខ្សែក្រវាត់ចាស់របស់គាត់ភ្លាមៗនៅពេលដែលគាត់ត្រឡប់មកកាន់សង្វៀនវិញ។
កីឡាកររបស់គុយបា Ugas អាយុ ៣៤ ឆ្នាំ ឥឡូវទទួលបានផលប្រយោជន៍យ៉ាងច្រើនបន្ទាប់ពីគាត់ត្រូវបានតែងតាំងជាម្ចាស់ជើងឯក WBA ។
ស្ថាប័ន WBA បានប្រកាសតាមសេចក្តីសម្រេចរបស់ពួកគេនៅពេលដែលម្ចាស់ជើងឯកមិនអាចការពារខ្សែក្រវាត់សម្រាប់ហេតុផលវេជ្ជសាស្រ្តស្របច្បាប់ឬហេតុផលផ្សេងទៀតដែលលើសពីការគ្រប់គ្រងរបស់គាត់ ដោយគាត់អាចមានឈ្មោះជាជើងឯកក្នុងវិស្សមកាល។
កីឡាករ Pacquiao មិនបានឡើងប្រកួតទេចាប់តាំងពីរូបគេបានឈ្នះជើងឯកក្នុងពេលប្រគួតជាមួយកីឡាករ Keith Thurman កាលពីខែកក្កដាឆ្នាំ ២០១៩ ។
នេះក៏ដោយសារតែការរីករាលដាលនៃជំងឺកូវីដ-១៩ នេះគាត់មិនអាចធ្វើការប្រគួតវិញបានទេគឺក្នុងហេតុផលផ្សេងទៀតដែលហួសពីការគ្រប់គ្រងរបស់គាត់។
កីឡាករ Pacquiao ក៏បានណាត់ជាមួយកំពូលតារាឆ្នើមរបស់ស្ថាប័ន UFC កីឡាករ Conor McGregor នៅឆ្នាំនេះដោយអ្នកទាំងពីរត្រូវបានផ្គូរផ្គងដោយគណៈគ្រប់គ្រងកីឡារបស់ស្ថាប័ន Paradigm Sports ។
ប៉ុន្តែបន្ទាប់ពីកីឡាករ Conor McGregor បានរងនូវការផ្ដួលឲ្យសន្លប់ដ៏គួរឱ្យភ្ញាក់ផ្អើលពីសំណាក់កីឡាករ Dustin Poirier បន្ទាប់ពីការវិលត្រឡប់របស់ខ្លួននៅស្ថាប័ន UFC ហើយនេះជាមូលហេតុដែលនាំឲ្យការប្រកួតដែលរកប្រាក់ចំណូលខ្ពស់ត្រូវបានរំសាយចោល។
ផ្ទុយទៅវិញកីឡាករ Pacquiao នៅតែត្រូវបានផ្គូរផ្គងអោយប៉ះជាមួយកីឡាករទម្ងន់ស្រាល Ryan Garcia មានអាយុ ២២ ឆ្នាំដែលមានទម្ងន់ស្រាលជាងនិងក្មេងជាងខ្លួនរហូតទៅដល់ ២០ ឆ្នាំ។
ពួកគេនៅតែស្ថិតក្នុងការចរចាខណៈដែលការប្រគួតអាចត្រូវបានប្រកួតប្រជែងជាការតាំងពិព័រណ៍។
ប៉ុន្តែ Garcia បានឆ្លើយតបភ្លាមៗថាវានឹងក្លាយជាការប្រកួតពិតប្រាកដ ហើយគ្មានអ្វីអាចរារាំងគាត់មិនឱ្យព្យាយាមវាយអោយកីឡាករ Pacquiao ដែលជាកីឡាករដែលគាត់ចាត់ទុកថាជាវីរបុរសរបស់គាត់។
លោកបានប្រាប់ ESPN ថា “ការប្រយុទ្ធនឹងក្លាយជាការប្រយុទ្ធពិតប្រាកដ។"
កីឡាករវ័យក្មេងរូបបន្ថែមថា “មិនថាពួកគេដាក់ឈ្មោះវាថាជាការប្រគួតតាំងពិព័រណ៍ឬការប្រកួតពិតទេ ខ្ញុំនឹងព្យាយាមផ្តួលកីឡាករ Manny Pacquiao អោយសន្លប់។"
“ ខ្ញុំនឹងមិនឡើងសង្វៀនដើម្បីប្រើកណ្ដាប់ដៃវាយស្រាលៗនោះទេ។ ខ្ញុំនឹងវាយធ្ងន់ៗ ហើយខ្ញុំប្រាកដថាកីឡាករ Manny Pacquiao ក៏នឹងវាយដោយកណ្តាប់ដៃធ្ងន់ៗផងដែរ"៕