Man City ក៏ស្ថិតក្នុងចំណោមក្លិបធំៗដែលចង់បានកីឡាកររបស់ Juventus រូបនេះទៅរួមក្រុមនៅរដូវក្ដៅខាងមុខ

បរទេស៖ នៅក្នុងរដូវកាល២០២០/២១នេះខ្សែបម្រើវ័យ២៥ឆ្នាំ Adrien Rabiot បង្ហាញខ្លួនឲ្យ Juventus បានច្រើនគួរសមពោលចូលលេងបានសរុបដល់ទៅ៣៤ប្រកួត ក្នុងនោះរូបគេស៊ុតបាន៣គ្រាប់ និងបោះបាល់ឲ្យដៃគូបញ្ចប់ទីបាន២លើកផងដែរ។

ប៉ុន្តែបើតាមគេហទំព័រ Calciomercato បានឲ្យដឹងថាក្លិបលោក Andrea Pirlo មួយនេះកំពុងតែមានគម្រោងដាក់លក់រូបគេចេញនៅរដូវក្ដៅខាងមុខនេះហើយ។ ក្នុងនោះក្លិប Manchester City របស់អង់គ្លេសក៏កំពុងតាមសម្លឹងចង់បាន Rabiot ទៅរួមក្រុមផងដែរ។​

ដោយឡែកក្រៅពី Man City នៅមានក្លិបធំៗមួយចំនួនទៀតដែលកំពុងចាប់អារម្មណ៍កីឡាកររូបនេះមានដូចជា Everton, Manchester United និង Arsenal ជាដើម៕

ប្រភព៖​ sportsmole