Tuchel បកស្រាយរឿង Timo លេងអត់កើតនៅ Chelsea
បរទេស៖ លោក Thomas Tuchel អ្នកចាត់ការក្លិប Chelsea បាននិយាយកាលពីពេលថ្មីៗនេះថា មូលហេតុខ្សែប្រយុទ្ធ Timo Werner មិនសូវស៊ុតចូលច្រើននៅក្លិបលោក ដោយសារតែគេអត់ទាន់មានទំនុកចិត្តនឹងខ្លួនឯងច្បាស់លាស់។
លោក Tuchel បាននិយាយថា៖" Timo គេអត់សូវសប្បាយចិត្តនឹងខ្លួនឯងទេនៅពេលនេះ ដោយសារតែអត់សូវស៊ុតចូល។ អញ្ចឹងហើយបានជាការប្រកួតកាលពីថ្ងៃពុធ កន្លងទៅនេះខ្ញុំមិនដាក់ឲ្យគេលេង។ យ៉ាងណាស់គេមានការព្រួយបារម្ភពីសមត្ថភាពរហូតមក អ៊ីចឹងហើយបានជាគេជាកីឡាករដ៏អស្ចារ្យមួយរូប "។
លោកបានបន្តថា៖" អ៊ីចឹងរឿងទាំងអស់ហ្នឹង ដោយសារតែគេមិនទុកចិត្តនឹងសមត្ថភាពខ្លួនឯង។ ហើយខ្ញុំសូមនិយាយថា នេះជាការងាររបស់ខ្ញុំហើយ ខ្ញុំនឹងធ្វើឲ្យគេជឿជាក់លើខ្លួនឯងវិញ ដើម្បីបន្តបំពេញបន្ថែម កន្លែងដែលគេខ្វះខាតទៀត "។
គួរបញ្ជាក់ផងដែរថា Timo បានមកលេងឲ្យ Chelsea តាំងពីដើមរដូវកាលឆ្នាំ២០២០/២១នេះមក ដោយចូលរួមលេងបាន ២៨ប្រកួត និងរកគ្រាប់បាល់បាន ៩គ្រាប់៕
ប្រភព៖ Daily Mail