សៀវ ឡុងនី បង្ហាញខ្លួនលើកនេះ ដូចព្រះនាងក្នុងរឿងនិទាន

ចិន៖ គេហទំព័រ Sina បានរាយការណ៍ថា កាលពីល្ងាចថ្ងៃទី ៦ ខែធ្នូនេះ តារាសម្តែងស្រី Liu Yifei បានបង្ហាញខ្លួននៅក្នុងព្រឹត្តិការណ៍មួយដែលផ្សព្វផ្សាយយីហោគ្រឿងអលង្ការ ប្រ៊េនលំដាប់កំពូលមួយ កំពុងទាក់ទាញចំណាប់អារម្មណ៍ជាខ្លាំង ពីអ្នកបណ្តាញសារព័ត៌មាន ក៏ដូចជាមហាជនទាំងពួង។

ជាក់ស្តែង នេះគឺជាការបង្ហាញខ្លួនលើកដំបូងបំផុត ក្នុងប្រទេសចិន ដែលតារាសម្តែងស្រីតួអង្គ សៀវ ឡុងនី រូបនេះបានត្រលប់មកវិញ បន្ទាប់ពីបានទៅសហរដ្ឋអាមេរិកអស់រយៈពេលជាច្រើនខែ ក្នុងការថតខ្សែភាគយន្តរឿង «Mulan»។ 

យ៉ាងណាមិញ រូបភាពនៅក្នុងព្រឹត្តិការណ៍នេះ របស់នាងបានធ្វើឱ្យអ្នកគាំទ្រភ្ញាក់ផ្អើលជាខ្លាំង បន្ទាប់ពីបានស្រកទម្ងន់ដោយបានជោគជ័យ ព្រោះគេបានសង្កេតឃើញថា Liu Yifei ផ្លាស់ប្តូរទាំងស្រុង ដែលនាងមើលទៅ មានរាងតូចជាងមុន និងសម្រស់ស្រស់ស្អាតកាន់តែទ្វេដង។

លើសពីនេះទៀតសោត​ ជាមួយរ៉ូបវែងអន្លាយ អូសដី ពណ៌ប្រផេះ ដែលរំលេចជាមួយ ការឌិនអង្កាំពណ៌មាស លាយទឹកប្រាក់ ពិតជាសាមសម នឹងស្បែក សម៉ងខៃរលោង របស់នាង ថែមទាំងបំពាក់គ្រឿងអលង្ការទៀតផងនោះ បានធ្វើឲ្យតារាស្រី វ័យ៣៣ឆ្នាំរូបនេះ ដូចជាព្រះនាងក្នុងព្រេងនិទានពិតៗតែម្តង៕

សូមទស្សនារូបភាពខាងក្រោម៖