ក្រោយបញ្ចប់ការថតរឿងភាគដំបូង បវរកញ្ញាហុងកុង Kayan Choi រឹតតែស្រឡាញ់អាជីពជាតារាសម្ដែង

ហុងកុង៖ បវរកញ្ញាហុងកុងវគ្គផ្តាច់ព្រ័ត្រឆ្នាំ ២០១៩ នាង Kayan Choi  ទើបតែបានបញ្ចប់ការថតរឿងភាគទូរទស្សន៍ចំនួន ៣ រួមមានរឿង Flying Tiger 3,  Barrack O’Karma 2  និងរឿង AI Rhapsody ។ នៅពេលនិយាយអំពីការធ្វើការជាមួយតារាជើងចាស់ Joe Ma និង Bosco Wong ក្នុងរឿង Flying Tiger 3 នាង Kayan បានរំលឹកដោយរំភើបថា “ ខ្ញុំពិតជាភ័យណាស់។ បេះដូងខ្ញុំមិនអាចឈប់លោតលឿនបានទេ។ សំណាងណាស់ដែលពួកគេដឹងពីវិធីធ្វើឱ្យការថប់បារម្ភរបស់ខ្ញុំត្រឡប់មកស្ងប់មកវិញបាន” ។

តើ Kayan បានសម្ដែងខុសច្រើនលើកច្រើនសារនៅពេលថតរឿងភាគដំបូងរបស់នាងដែរឬទេ? នាងឆ្លើយថា “ ខ្ញុំមិនអីទេ។ ខ្ញុំបានទន្ទេញបារ៉ូលជាងមួយរយដង។ ជាសំណាងល្អខ្ញុំមិនបានសម្ដែងខុសច្រើនទេ។ "

Kayan បន្ថែមថាក្នុងរឿង Flying Tiger 3 ក៏ជារឿងភាគដែលទាក់ទាញចិត្តនាងឲ្យលង់ស្រឡាញ់នឹងការសម្ដែងផងដែរ។

នៅពេលស្នើសុំឱ្យពិពណ៌នាអំពីបទពិសោធន៍របស់នាងដែលធ្វើការជាមួយនឹងតារាសម្តែងជើងចាស់ Kayan បាននិយាយថា “ Joe Ma ពិតជាឆ្លាតវៃហើយកំប្លែង។ ខ្ញុំធ្លាប់បានគិតថាគាត់ជាមនុស្សប្រុសដែលមិនចេះលេងសើចម្នាក់ប៉ុន្តែតាមពិតគាត់ជាបុរសដែលកំប្លែងម្នាក់សម្រាប់ជីវិតឯកជនរបស់គាត់។ គាត់ពិតអស្ចារ្យណាស់ នៅពេលគាត់បានកំពុងលេងសើចក្នុងនាទីជាមួយគ្នានោះសកម្មភាពគាត់នឹងត្រលប់មកវិញធម្មតាភ្លាមៗ ហើយនិយាយចូលតួរបស់គាត់ដោយគ្មានកំហុស៕

សូមទស្សនារូបភាពខាងក្រោម៖

ប្រភព៖ Jayne Stars