ខ្លាំងដៃណាស់រដូវកាលនេះ! អង្គរថៃហ្គឺរ បង្ហាញកីឡាករបរទេសទីប្រាំរបស់ខ្លួនជាយុវជនមកពីប្រេសុីល

កម្ពុជា៖ ក្លិបបាល់ទាត់អង្គរថៃហ្គឺរ បានប្រកាសជាផ្លូវការអំពីការចុះហត្ថលេខានាំយក កីឡាករ Iago Bento  Fernandes មករួមក្រុម ដើម្បីប្រជែងយកពានរង្វាន់ លីគកំំពូលកម្ពុជា នៅក្នុងឆ្នាំ ២០២១ នេះ។    

កីឡាករ Iago មានវ័យ ២២ឆ្នាំ កម្ពស់ ១.៧ម៉ែត្រ សញ្ជាតិប្រេសុីល ធ្លាប់ជាយុវជនរបស់ក្លិប​ Atletico MG និង Coritiba FC នៃប្រទេសប្រេសុីល​ មុនមកកាន់ប្រទេសកម្ពុជាដោយចូលរួមជាមួយអង្គរថៃហ្គឺរ។ អ្វីដែលគួរឲ្យចាប់អារម្មណ៍ទៀតនោះ គឺ នេះជាលើកទីមួយរបស់ Iago ក្នុងការប្រកបអាជីពបាល់ទាត់នៅតំបន់អាសុី។

គួរបញ្ជាក់ដែរថា នៅពេលនេះ ក្លិបអង្គរថៃហ្គឺរ បានបំពេញកូតាកីឡាករបរទេសចំនួនប្រាំនាក់រួចរាល់ហើយរួមមាន Iago, Elie Da Cruz Guardiono, Maksim Taleyko, Ata Inia និង Kosuke Uchida៕