នេះជាសម្រស់ របស់តួឯករឿងខ្លី«ប្តីគេ» កំពុងល្បីខ្លាំង

ភ្នំពេញ៖ ដោយសារតែបច្ចុប្បន្ន តារាថ្មីៗ ជាច្រើន កំពុងតែរះដូចផ្សិត ដូច្នេះទើបធ្វើឲ្យអ្នកខ្លះ មិនសូវចំណាំមុខអស់ និងស្គាល់​ច្បាស់នោះទេ ដរាបណា ពួកគេ លេចធ្លោ នៅក្នុងបទចម្រៀង ឬក៏ខ្សែភាពយន្តខ្លី ណាមួយ​ ទើបធ្វើឲ្យមហាជន បានស្គាល់ថា ពួកគេជាអ្នកណា។

ជាក់ស្តែងរឿងខ្លី «ប្តីគេ» ដែលទទួលបានការចាប់អារម្មណ៍យ៉ាងខ្លាំង ក្រោយធ្វើការចាក់ផ្សាយលើទូរទស្សន៍ ដោយសារតែសាច់រឿង ពិតជាត្រូវដូច ក្នុងជីវិតគ្រួសារបច្ចុប្បន្នខ្លាំងណាស់ ព្រោះថា អ្នកខ្លះ ក៏កំពុងតែជួបរឿង ស្វាមីផិតក្បត់ និង លួចចិញ្ចឹមស្រីជាច្រើន។

ជាពិសេស តួឯកស្រីម្នាក់ ដែលដើរតួជា ស្រីដែលត្រូវគេចិញ្ចឹម ក្នុងរឿងមួយនេះ ត្រូវបានគេគិតថា ពិតជាសម្តែងយ៉ាងសាកសមបំផុត ជាមួយនឹងទឹកមុខកាចឆ្នាស់ និងមានល្បិចកលរាប់រយជំពូក ដើម្បីចាប់សង្សារគេ ឬស្វាមីគេ គឺកញ្ញា ពិតជា ធ្វើបានល្អខ្លាំងណាស់។

ក្នុងនោះ ស្រីស្អាតរូបនេះ មានឈ្មោះថា ពេជ្រ វត្តីសារ៉ាវុត្តី ជាតារាបង្ហាញម៉ូតម្នាក់ ហើយរូបនាង ក៏ឧស្សាហ៍លេចមុខ នៅក្នុងរឿងភាគមួយចំនួនផងដែរ តែនៅពេលនាង ដើរតួ ក្នុងរឿង«ប្តីគេ» នេះរួចមក រូបនាង កាន់តែល្បីខ្លាំង ស្ទើរតែនឹកស្មានមិនដល់។ 

បើងាកមើលសម្រស់របស់នាង ក៏ស្រស់ស្អាតមិនណយទេ ជាមួយនឹង ស្នាមញញឹម ដ៏សែនស៊ិចស៊ីរបស់នាង ហើយគួបផ្សំនឹង រូបរាងល្វតល្វន់ ស៊ិចស៊ី របស់នាងទៀតនោះ កាន់តែធ្វើឲ្យ ហ្វេន ចាប់អារម្មណ៍ លើតារាស្រីរូបនេះ រឹតតែខ្លាំង។ ហើយសូម្បីតែ ការស្លៀកពាក់របស់នាង ក៏ស៊ីវិល័យ មិនចាញ់តារាផ្សេងៗនោះទេ ដែលតែង លេងខ្លួន ឲ្យស៊ីជាមួយនឹង ទីកន្លែង និងស្ថានភាព៕
តោះទៅមើលសម្រស់របស់នាង ទាំងអស់គ្នា៖