RM ចែករំលែករឿងរ៉ាវកាលនៅមានឈ្មោះ Runch Randa

November 28, 2020

កូរ៉េខាងត្បូង៖ នៅក្នុងភាគទី១ របស់កម្មវិធី TheMapleStory Originals | MapleStory X BTS តារាប្រុស RM ជាសមាជិក និងជាប្រធានក្រុមរបស BTS បានចែករំលែករឿងរ៉ាវដែលនៅពីក្រោយឈ្មោះ លើឆាកសម្ដែងកាលលោកនៅជាRunch Randa នៅឡើយ។

សូមបញ្ជាក់ផងដែរថាRM ត្រូវបានគេស្គាល់ថាជាRap Monster កាលពីមុន Debut លោកបានប្រើប្រាស់ឈ្មោះជាច្រើន រួមមានឈ្មោះ Largo ឈ្មោះ Nexist និង Stealo ហើយឈ្មោះដែលត្រូវាបានគេស្គាល់ច្រើនជាងគេគឺRunch Randa ។

ជាការពិតណាស់នៅក្នុងកម្មវិធីនេះលោកបានសារភាពថាឈ្មោះ RunchRanda គឺគ្រប់យ៉ាងវាចាប់ផ្ដើមជាមួយនឹង MMORPG MapleStory ។

ខ្ញុំកំពុងសម្លឹងមើលឈ្មោះរ៉េបកាលពីឆ្នាំ ២០០៧ ហើយកាលនោះខ្ញុំមានមិត្តភក្ដិម្នាក់ ជាអ្នកបង្រៀនឲ្យខ្ញុំដឹងអំពីរបៀបនៃការរ៉េប រហូតខ្ញុំបានយល់ដឹងអំពីជំនាញនេះ។
— RM

ខ្ញុំបានចែករំលែកគណនី MapleStory ជាមួយមិត្តភក្តិម្នាក់នោះ។ ហើយឈ្មោះរបស់តួអង្គនោះគឺ Runch Randa ... ខ្ញុំបានគិតពីឈ្មោះមួយនេះ ហើយចុងក្រោយខ្ញុំបានជ្រើសរើសវា។
— RM

ស្របនឹងនេះដែរRM បានធ្វើជាអ្នករ៉េបបែបHip hop នៅ Jungle Radio កាលពីឆ្នាំ២០០៧ រហូតដល់ឆ្នាំ ២០១០ ទើបលោកចុះកុងត្រាជាមួយក្រុមហ៊ុន Big HitEntertainment ៕

ទាក់ទងជាមួយ:

តារាកូរ៉េ

អានបន្ថែម