<p><b>ម៉ាឡេស៊ី</b>៖ ជឿជាក់ថា ប្រិយមិត្តអ្នកអានមួយចំនួនប្រហែលជាបានដឹងខ្លះៗហើយ អំពីកំណត់ត្រាពិភពលោក ឬហៅថា Guinness World Records ដែលជាការបង្កើត ឬបំបែកឯតទគ្គកម្ម ដែលប្រកបដោយសមត្ថភាពដ៏អស្ចារ្យរបស់បុគ្គលម្នាក់ៗក៏ដូចជាមនុស្សជាក្រុមជាដើម។ </p><p>ដោយឡែក បើក្រឡេកទៅមើលប្រទេសម៉ាឡេស៊ីឯណោះវិញ ក៏មានសមត្ថភាពមិនធម្មតាដែរ ដោយខាងក្រោមនេះគឺជាកំណត់ត្រាពិភពលោក គួរឲ្យចាប់អារម្មណ៍ទាំង ៥ ដែលពលរដ្ឋម៉ាឡេស៊ីធ្វើបាន។</p><h5>១. ក្រុមមនុស្សច្រើនបំផុតតុបតែងខ្លួនជាសត្វឆ្មា</h5><p>កំណត់ត្រានេះ គឺជាការប្រមូលផ្ដុំមនុស្សចំនួន៤៤០នាក់ នៅក្នុងទីក្រុង Kuching ​ ប្រទេសម៉ាឡេស៊ី កាលពីថ្ងៃទី០៤ខែឧសភា ឆ្នាំ២០១៧។ ដោយក្នុងនោះ អ្នកចូលរួមទាំង ៤៤០នាក់ ត្រូវតម្រូវឲ្យស្លៀកពាក់ឈុតពណ៌ខ្មៅនិងការគូរមុខមាត់ដូចជាសត្វឆ្មា។</p><figure><img src="https://cms.dmpcdn.com/article/2021/01/29/270ee950-624b-11eb-af42-4b5f0983de56_original.jpg" alt="" style="width:100%"/></figure><figure><img src="https://cms.dmpcdn.com/article/2021/01/29/274eb170-624b-11eb-abf3-05bbb08f23a2_original.jpg" alt="" style="width:100%"/></figure><figure><img src="https://cms.dmpcdn.com/article/2021/01/29/27826ba0-624b-11eb-af42-4b5f0983de56_original.jpg" alt="" style="width:100%"/></figure><h5>២. មនុស្សច្រើននាក់ដេរក្នុងពេលដំណាលគ្នា</h5><p>កំណត់ត្រានេះ បានបង្កើតឡើងដោយក្រុមកម្មករនៃសហគ្រាសកាត់ដេរMostwellSdn Bhd នៅថ្ងៃទី០៩ ខែមេសា ឆ្នាំ២០១៦ ដោយមានមនុស្សចំនួន៦០៦នាក់ដេរក្នុងពេលដំណាលគ្នា នៅក្នុងសាលប្រជុំ Cempaka Sari ក្នុងទីក្រុង Putrajaya ប្រទេសម៉ាឡេស៊ី។ ហើយតាមពិតទៅអ្នកចូលរួមសរុបមានចំនួន​ ៦១៣នាក់ឯណោះ តែដោយសារមនុស្សចំនួន ៧នាក់មិនបានដេរឲ្យគ្រប់ ៥នាទីដូចដែលបានចែងក្នុងលក្ខន្តិក:។</p><figure><img src="https://cms.dmpcdn.com/article/2021/01/29/27b25540-624b-11eb-af42-4b5f0983de56_original.jpg" alt="" style="width:100%"/></figure><figure><img src="https://cms.dmpcdn.com/article/2021/01/29/27ff63d0-624b-11eb-abf3-05bbb08f23a2_original.jpg" alt="" style="width:100%"/></figure><div><div style="width:100%;position:relative;padding-bottom:56.34146341463414%;height:0px"><iframe style="position:absolute;top:0;left:0;width:100%;height:100%" allowfullscreen="" allow="accelerometer; autoplay; encrypted-media; gyroscope; picture-in-picture" frameBorder="0" width="820" height="462" src="https://www.youtube.com/embed/4Vd-E0WhxBI"></iframe></div></div><h5>៣. បុរសខ្លាំងម៉ាឡេស៊ីប្រើធ្មេញខាំទាញរថភ្លើង</h5><p>កំណត់ត្រាស្ទើរមិនគួរឲ្យជឿនេះ ធ្វើបានដោយបុរសឈ្មោះVeluRathakrishnan ដែលបានប្រើធ្មេញរបស់គាត់ខាំទាញរថភ្លើងដែលមានទម្ងន់សរុបចំនួន២៦០.៨តោន បានចម្ងាយ ៤.២ម៉ែត្រ នៅឯស្ថានីយ៍រថភ្លើង Kuala Lumpur ប្រទេសម៉ាឡេស៊ី កាលពីថ្ងៃទី១៨ ខែតុលា ឆ្នាំ២០០៣។</p><figure><img src="https://cms.dmpcdn.com/article/2021/01/29/282d51a0-624b-11eb-abf3-05bbb08f23a2_original.jpg" alt="" style="width:100%"/></figure><div><div style="width:100%;position:relative;padding-bottom:56.34146341463414%;height:0px"><iframe style="position:absolute;top:0;left:0;width:100%;height:100%" allowfullscreen="" allow="accelerometer; autoplay; encrypted-media; gyroscope; picture-in-picture" frameBorder="0" width="820" height="462" src="https://www.youtube.com/embed/CTeb19ICMD4"></iframe></div></div><h5>៤. ការផ្លាស់ប្ដូរសំលៀកបំពាក់បំភ័ន្តភ្នែកបានច្រើនឈុតបំផុតក្នុងរយៈពេលមួយនាទី</h5><p>កំណត់ត្រានេះ ធ្វើបានដោយប្ដីប្រពន្ធមួយគូ គឺ លោក AveryChin និងអ្នកនាង Sylvia Lim ក្នុងទីក្រុង Georgeរដ្ឋ Penang ប្រទេសម៉ាឡេស៊ី កាលពីថ្ងៃទី០២ខែវិច្ឆិកា ឆ្នាំ២០១៧។ ពួកគេអាចផ្លាស់ប្ដូរសំលៀកបំពាក់បាន ២៤ឈុតផ្សេងគ្នា ក្នុងរយៈពេលមួយនាទីហើយពួកគេបានព្យាយាមសាងកំណត់ត្រានេះ ដើម្បីអបអរសាទរខួប ៦០ឆ្នាំនៃថ្ងៃឯករាជ្យភាពរបស់ប្រទេសម៉ាឡេស៊ី។</p><figure><img src="https://cms.dmpcdn.com/article/2021/01/29/285e73c0-624b-11eb-af42-4b5f0983de56_original.jpg" alt="" style="width:100%"/></figure><figure><img src="https://cms.dmpcdn.com/article/2021/01/29/28b2ae40-624b-11eb-abf3-05bbb08f23a2_original.jpg" alt="" style="width:100%"/></figure><div><div style="width:100%;position:relative;padding-bottom:56.34146341463414%;height:0px"><iframe style="position:absolute;top:0;left:0;width:100%;height:100%" allowfullscreen="" allow="accelerometer; autoplay; encrypted-media; gyroscope; picture-in-picture" frameBorder="0" width="820" height="462" src="https://www.youtube.com/embed/zrJYhxtGkRg"></iframe></div></div><h5>៥. អ្នករត់ម៉ារ៉ាតុងល្បឿនលឿនបំផុត ដែលស្លៀកទង់ជាតិ</h5><p>កំណត់ត្រានេះ សម្រេចបានដោយបុរសឈ្មោះ MohdSyahidan Bin Alias ក្នុងព្រឹតិ្ដការណ៍រត់ប្រណាំង Blackmores’Sydney Running Festival ប្រចាំឆ្នាំ២០១៨ ដែលមានរយៈពេល ២ម៉ោង៥៤នាទី និង ៣៣វិនាទី នៅឯរដ្ឋ New South Wales ប្រទេសអូស្ដ្រាលីកាលពីថ្ងៃទី១៦ ខែកញ្ញា ឆ្នាំ២០១៨។ កីឡាករដែលមានឈ្មោះហៅក្រៅថា Edan រូបនេះ គឺជាអ្នករត់ម៉ារ៉ាតុងមកពីប្រទេសម៉ាឡេស៊ី ហើយដើម្បីទទួលបានកំណត់ត្រានេះ លោកត្រូវរុំខ្លួនដោយទង់ជាតិ សម្រាប់ការរត់ប្រណាំងទាំងមូល៕</p><figure><img src="https://cms.dmpcdn.com/article/2021/01/29/28d7e980-624b-11eb-abf3-05bbb08f23a2_original.png" alt="" style="width:100%"/></figure><figure><img src="https://cms.dmpcdn.com/article/2021/01/29/29613dc0-624b-11eb-af42-4b5f0983de56_original.jpg" alt="" style="width:100%"/></figure>

តោះ! មកស្គាល់កំណត់ត្រាពិភពលោក គួរឲ្យចាប់អារម្មណ៍ទាំង ៥ ដែលពលរដ្ឋម៉ាឡេស៊ីធ្វើបាន (មានវីដេអូ)