ភ័..យ..មិនស្ទើរទេ! ស្ត្រីថៃរូបនេះ ជា..ប់..ក្នុងបន្ទប់ទឹក៣ថ្ងៃ ទីបំផុតត្រូវបានជួយ.ស.ង្គ្រោះ - TrueID

ភ័..យ..មិនស្ទើរទេ! ស្ត្រីថៃរូបនេះ ជា..ប់..ក្នុងបន្ទប់ទឹក៣ថ្ងៃ ទីបំផុតត្រូវបានជួយ.ស.ង្គ្រោះ

August 29, 2022

ថៃ៖ ស្ត្រីជនជាតិថៃម្នាក់អាយុ៥៤ឆ្នាំ មកពីទីក្រុងបាងកក នៃប្រទេសថៃ ត្រូវបានជួយសង្គ្រោះបន្ទាប់ពីជាប់គាំងក្នុងបន្ទប់ទឹករយៈពេល៣ថ្ងៃ ដោយគ្មានអាហារ និងពឹងផ្អែកលើទឹកម៉ាស៊ីនប៉ុណ្ណោះ។

ជាក់ស្ដែង ដំបូងឡើយស្ត្រីរូបនេះ (មិនបង្ហាញឈ្មោះ) បានងូតទឹកនាពេលយប់ ដូចសព្វដងអីចឹងប៉ុន្ដែទ្វាបន្ទប់មានបញ្ហាមិនអាចបើកបាន ដែលជាហេតុធ្វើឲ្យគាត់ជាប់គាំងក្នុងបន្ទប់ទឹកនៅថ្ងៃទី២២ ខែសីហា ឆ្នាំ២០២២។ ហើយគាត់ក៏បានព្យាយាមស្រែកឲ្យអ្នកជិតខាងជួយដែរ ប៉ុន្ដែមិនបានផលឡើយខណៈគាត់រស់នៅម្នាក់ឯងប៉ុណ្ណោះ។

ទន្ទឹមនឹងនេះ គាត់បានស្វែងរក.របស់ណារឹងៗក្នុងបន្ទប់ ដើម្បីវាយទៅលើគន្លឹះទ្វានិងជាលទ្ធផល គឺនៅតែមិនអាចបើកបានដដែល។ ហើយដូច្នេះ គាត់ក៏អស់សង្ឃឹម និងបានយកក្រែមលាបមាត់សរសេរលើជញ្ជាំងពីថ្ងៃខែឆ្នាំ ដែលគាត់បានជាប់គាំងក្នុងបន្ទប់ និងរៀបរាប់ពីការផឹកទឹកជំនួសអាហារដើម្បីបន្ដជីវិតផងដែរ។

យ៉ាងណាមិញ បងស្រីរបស់ស្ត្រីរូបនេះ មានការព្រួយបារម្ភជាខ្លាំង បន្ទាប់ពីទាក់ទងតាមរយៈទូរសព្ទមិនឃើញការឆ្លើយតបនិងនៅពេលទៅរកដល់ផ្ទះផ្ទាល់ ក៏បានឃើញរថយន្ដ រួមទាំងចាក់សោក្នុងផ្ទះ។ ហើយស្ត្រីជាបងស្រីបានគិតថាប្រហែលជាមានអ្វីមិនស្រួលកើតឡើងក្នុងផ្ទះ ទើបប្រញាប់ប្រញាល់រាយការណ៍ទៅកាន់ប៉ូលិសតែម្ដង។

នៅទីបំផុត ប៉ូលិសបានគាស់ទ្វាផ្ទះចូល និងបានប្រទះឃើញស្ត្រីខាងលើក្នុងបន្ទប់ទឹកដោយស្ថានភាពរឹងមាំ ប៉ុន្ដែដើម្បីឲ្យប្រាកដ ប៉ូលិសបានបញ្ជូនគាត់ទៅកាន់មន្ទីរពេទ្យ សម្រាប់ធ្វើការពិនិត្យបន្ថែមពីគ្រូពេទ្យផងដែរ៕

ប្រភព: Mirror

សូមទស្សនារូបភាពខាងក្រោម៖

រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
អាន​បន្ថែម
Loading...
Loading...
Loading...
Loading...