បុរសរូបនេះ ចង់ស្គាល់រសជាតិមានផ្ទៃពោះពិបាកយ៉ាងម៉េច ដោយយកឪឡឹករុំស្កុតជាប់ពោះពេញមួយថ្ងៃ (មានវីដេអូ)

អូស្ត្រាលី៖បុរសម្នាក់មានឈ្មោះថា MaitlandHanley មកពីទីក្រុង Nrisbane ប្រទេសអូស្ត្រាលីបានបង្កឲ្យមានការភ្ញាក់ផ្អើលនៅលើបណ្ដាញសង្គម Tik Tok ក្រោយពីរូបគាត់បានថតជាវីដេអូដែលបង្ហាញឲ្យឃើញពីរូបគាត់ផ្ទាល់ យកឪឡឹករុំស្កុតជាប់ពោះពេញមួយថ្ងៃ។ ហើយបានបន្ថែមនូវក្រូចទំហំធំល្មមចំនួនពីរផ្លែទៅរុំស្កុតលើទ្រូងដើម្បីធ្វើជាសុដន់ដែលមើលទៅដូចជាស្ត្រីកំពុងមានផ្ទៃពោះអីចឹង។

ចំពោះសកម្មភាពរបស់គាត់ខាងលើនេះ បានបង្ហាញឲ្យមនុស្សគ្រប់គ្នាដឹងថាការមានផ្ទៃពោះមិនមែនគ្រាន់តែជាការទ្រទ្រង់ទម្ងន់បន្ថែមឡើយដោយរាងរាយមានការពិបាកធ្វើចលានាយ៉ាងខ្លាំង មិនថាពេលក្រោកពីគ្រែ ដេក ដើរ ឈរ អង្គុយគឺសុទ្ធសឹងតែធ្វើឲ្យអារម្មណ៍ថុញថប់ មិនស្រឡះក្នុងខ្លួនទេ។

យ៉ាងណាមិញក្រោយពីទទួលបានបទពិសោធនៃការលំបាករបស់មនុស្សស្រីមកបានធ្វើឲ្យគាត់យល់ពីភរិយាកាន់តែខ្លាំងជាងមុន នៅពេលដែលភរិយាពរពោះកូនប្រុសក្នុងផ្ទៃផងដែរ៕

ប្រភព: Bored Panda / Daily Mail

សូមទស្សនារូបភាពនិងវីដេអូខាងក្រោម៖