ដូចមែនអត់? ផ្ទាំងថ្មដ៏ធំមួយ នៅប្រេស៊ីល ស្រដៀងមុខរបស់មនុស្សក្រៅភព

ប្រេស៊ីល៖ ថ្មដ៏ធំមួយផ្ទាំង មានកម្ពស់២០ហ្វីត (ប្រមាណ៦ម៉ែត្រ) ត្រូវបានគេរកឃើញនៅកសិដ្ឋានដាច់ស្រយាលមួយក្នុងរដ្ឋ Roraimaនៃប្រទេសប្រេស៊ីល និងបានប្រែក្លាយទៅជាកន្លែងទាក់ទាញទេសចរណ៍ដ៏គួរឱ្យភ្ញាក់ផ្អើល។

ជាក់ស្ដែង ផ្ទាំងថ្មនេះ មានស្នាមប្រេះ ដែលផ្ដល់នូវលក្ខណៈផ្ទៃមុខស្ទើរតែដូចគ្នាទៅនឹងតួអង្គមនុស្សក្រៅភពក្នុងខ្សែភាគយន្ដមួយនាឆ្នាំ១៩៨០។ ហើយវាបានស្ថិតនៅខាងក្រោយកសិដ្ឋាន ដែលជាកម្មសិទ្ធិរបស់លោកប្រធាននាយកដ្ឋានបរិស្ថានSão Luiz ខណៈត្រូវបានទទួលស្គាល់ថា ជាទេសភាពធម្មជាតិដោយមន្ទីរទេសចរណ៍និងបរិស្ថានទីក្រុងកាលពីឆ្នាំមុនផងដែរ។

យ៉ាងណាមិញ ការចូលទស្សនា និងថតរូបលេងកម្សាន្តនៃផ្ទាំងថ្មយក្សខាងលើនេះ មិនត្រូវបានគិតថ្លៃសេវាអ្វីឡើយដោយភ្ញៀវទេសចរណ៍ទាំងអស់ ពិតជាមិនអាចខកខានឃើញវាទេ ប្រសិនបើពួកគេធ្វើដំណើរឆ្លងកាត់ São Luiz៕

ប្រភព: Daily Mail

សូមទស្សនារូបភាពខាងក្រោម៖