<p><b>ចិន៖ </b>បុរសម្នាក់អាយុ៣៧ឆ្នាំ បានឃ្លាតចេញពីម្ដាយរបស់គាត់តាំងពីអាយុ៤ឆ្នាំម៉្លេះក្នុងឆ្នាំ១៩៨៩ ដែលមានមនុស្សមួយក្រុម បានចាប់ពង្រត់គាត់យកទៅជួញដូរចម្ងាយប្រហែល<b>១,៩៣២</b>គីឡួម៉ែត្រពីផ្ទះដោយលួងលោមជាមួយនឹងប្រដាប់ប្រដាក្មេងលេង។</p><p>ជាក់ស្ដែង លោក <b>លី ជីងវេយ</b> បានធំលូតលាស់ឡើងនៅខេត្តហេណានភាគខាងជើងកណ្ដាលនៃប្រទេសចិន ដោយរស់នៅជាមួយនឹងឪពុកម្ដាយចិញ្ចឹម។ ហើយជាញឹកញាប់ពេលយប់គាត់តែងតែមានក្ដីប្រាថ្នាចង់វិលត្រឡប់ទៅផ្ទះវិញ និងនឹកផ្ទះជានិច្ច។ យ៉ាងណាក្ដីគាត់បានចងចាំនូវទិដ្ឋភាពនៃភូមិដែលធ្លាប់រស់នៅកាលពីមុន និងចាប់ផ្ដើមគូរផែនទីឡើងដោយបង្ហាញឲ្យឃើញពីចំណុចសំខាន់ៗរបស់ភូមិ ដូចជាភ្នំ និងរូបរាងផ្ទះមួយចំនួនជាដើមហើយក្រុមប៉ូលិស បានព្យាយាមផ្គូរផ្គងផែនទីទៅនឹងខេត្តយូណាន ភាគនិរតីប្រទេសចិនតែម្ដង។ </p><p>ហើយទីបំផុត គាត់ព្រមទាំងស្ត្រីជាម្ដាយបានធ្វើតេស្ត <b>DNA</b> ជាមួយគ្នា និងជាលទ្ធផល បានបង្ហាញថាពួកគាត់ទាំងពីរពិតជាម្ដាយកូនបង្កើតពិតប្រាកដមែននិងបានជួបគ្នានាដើមឆ្នាំថ្មី២០២២នេះ ដែលយំឱបគ្នាទៅវិញទៅមកពោរពេញដោយភាពរំជួលចិត្ត និងសប្បាយរីករាយ។</p><p>ទោះជាយ៉ាងណាក៏ដោយ លោក<b>ជីងវេយ</b> គ្មានបំណងបោះបង់ចោលឪពុកម្ដាយចិញ្ចឹមឡើយ ដោយសារតែឪពុកម្ដាយចិញ្ចឹម បានចិញ្ចឹមបីបាច់ថែរក្សាគាត់ឲ្យធំឡើងយ៉ាងល្អនិងផ្គត់ផ្គង់ការសិក្សារហូតដល់ចប់ ហើយគាត់ក៏បានរៀបការ និងមានកូនផងដែរ៕</p><p><b>ប្រភព:</b> <a target="_blank" href="https://www.dailymail.co.uk/news/article-10362879/Man-abducted-Chinese-gang-four-reunited-mother-33-years-later.html">Daily Mail</a></p><p><b>សូមទស្សនារូបភាពនិងវីដេអូខាងក្រោម៖</b></p><figure style="text-align:center"><img src="https://cms.dmpcdn.com/article/2022/01/03/d5fc2870-6c62-11ec-9107-f7b9c3d32eae_original.jpg" alt="លោក លី ជីងវេយ" style="width:100%"/><figcaption>លោក លី ជីងវេយ</figcaption></figure><figure style="text-align:center"><img src="https://cms.dmpcdn.com/article/2022/01/03/d63f4bf0-6c62-11ec-9107-f7b9c3d32eae_original.jpg" alt="គំនូរផែនទី" style="width:100%"/><figcaption>គំនូរផែនទី</figcaption></figure><figure style="text-align:center"><img src="https://cms.dmpcdn.com/article/2022/01/03/d68d9300-6c62-11ec-8066-ffb72c13e721_original.png" alt="ទិដ្ឋភាពនៅពេលជួបជុំគ្នាវិញ" style="width:100%"/><figcaption>ទិដ្ឋភាពនៅពេលជួបជុំគ្នាវិញ</figcaption></figure><figure style="text-align:center"><img src="https://cms.dmpcdn.com/article/2022/01/03/d7251810-6c62-11ec-8066-ffb72c13e721_original.png" alt="ទិដ្ឋភាពនៅពេលជួបជុំគ្នាវិញ" style="width:100%"/><figcaption>ទិដ្ឋភាពនៅពេលជួបជុំគ្នាវិញ</figcaption></figure><figure style="text-align:center"><img src="https://cms.dmpcdn.com/article/2022/01/03/d7bceb40-6c62-11ec-9107-f7b9c3d32eae_original.png" alt="ទិដ្ឋភាពនៅពេលជួបជុំគ្នាវិញ" style="width:100%"/><figcaption>ទិដ្ឋភាពនៅពេលជួបជុំគ្នាវិញ</figcaption></figure><figure style="text-align:center"><img src="https://cms.dmpcdn.com/article/2022/01/03/d85f45c0-6c62-11ec-8066-ffb72c13e721_original.jpg" alt="ទិដ្ឋភាពនៅពេលជួបជុំគ្នាវិញ" style="width:100%"/><figcaption>ទិដ្ឋភាពនៅពេលជួបជុំគ្នាវិញ</figcaption></figure><div style="text-align:center"><div><iframe src="https://www.dailymail.co.uk/embed/video/2580845.html" width="698" height="573" style="border:none;overflow:hidden;max-width: 100%;" allowfullscreen frameborder="0" scrolling="no" id="molvideoplayer" title="MailOnline Embed Player"></iframe></div><i>វីដេអូ</i></div>

បែកពីម្ដាយតាំងពីតូច តែបុរសរូបនេះ អាចគូរផែនទីភូមិធ្លាប់នៅ ដែលធ្វើឲ្យរកគ្នាឃើញវិញ (មានវីដេអូ)